هحتاج أخد العربية معايا المرور ولا لا؟

**DR_SARA** · 18-09-2010 06:33 PM

[overline]السلام عليكم ورحمة الله

الحمدلله اخيرا اشتريت العربية ...

اشتريت لانسر 2005 أوتوماتيك ماتورها 1300

هيا ملاكي القاهرة ، وانا هنقل ملكيتها اليومين دول ( محافظة الغربية )

روحت المرور عندي عملت فحص وأخدو البصمة ، وقالو لازم اروح مرور الوايلي ( أطابق بصمة ) وأجيب شهادة البيانات

أنا عايزة اعرف بقا هل مطابقة البصمة محتاجة انى اخد معايا العربية ولا لا ، لانى جديدة عالموضوع ده؟

وكمان النقل هيكلف كام لنوع عربيتي ده ؟ يعني اخد معايا بكره فلوس اد ايه؟

وشكرا جزيلا [/overline]

**eino666** · 19-09-2010 02:21 AM

اولا مبروك عليكى العربية ربنا يديلك خيرها ويكفيكى شرها
ثانيا لازم تروحى المرور بالعربية لان مطابقة البصمة يعنى هياخد بصمة الموتور والشاسيه من العربية و يطابقها باللى موجود عنده فى ملف العربية و كان من المفروض طالما حضرتك هتنقلى ملكية ان المالك القديم هو اللى يجيب لحضرتك شهادة البيانات لكن قدر الله و ماشاء فعل
و بالنسبة للفلوس مش محتاجة كتير يعنى خلى معاكى 200 جنيه احتياطى وفى اعتقادى هتصرفى 20 او 30 جنيه بالكتير قوى
ولكى منى التحية و الدعاء ان ربنا يسهل لك امورك
........................................
محمود عينو

**rouaame** · 21-09-2010 03:10 PM

خلى معاكى فلوس كتير بجد (إمبارح كنت بنقل ملكية العربية بتاعتى) ودفعت 672 جنيه بس للنمر الجديدة غير ضريبة نقل الملكية
(كانت بالنسبة لى 435 جنيه ودى بتختلف على حسب الموديل وسنة الصنع) ده غير المخالفات القديمة اللى كانت على العربية لأنها معايا من سبع شهور، وكمان ورق الفحص (45 جنيه لثلاثة سنوات) وماتنسيش الطفاية وخلى بالك إن يكون عمرها أقل من سنتين أو تجيبى شهادة من الشركة المصنعة إنها صالحة للاستعمال و294 جنيه تأمين لثلاثة سنوات، بالإضافة للإكراميات طبعاً، وكان إجمالى اللى دفعته 2450 جنيه.
وطبعا لازم تخدى العربية علشان البصمة دى بتكون من موتور وشاسية العربية نفسها.

**DR_SARA** · 21-09-2010 09:28 PM

rouaame
eino666

بشكركم جدا على المساعده

........................................*

تمت العملية بنجاح :)

**power** · 25-09-2010 05:42 AM

تمت بحمد الله............................النهايه

**د.محمود صلاح** · 28-09-2010 08:17 AM

مطابقة البصمة لا يحتاج العربية .. يتم المطابقة من واقع الملف القديم للعربية

**rouaame** · 02-10-2010 04:09 PM

المشاركة الأصلية كتبت بواسطة د.محمود صلاح

مطابقة البصمة لا يحتاج العربية .. يتم المطابقة من واقع الملف القديم للعربية

ياباشا لازم العربية علشان يطابق البصمة بتاعت العربية اللى بتتفحص قدامه مع البيانات اللى موجودة فى الملف

**rouaame** · 02-10-2010 04:10 PM

المشاركة الأصلية كتبت بواسطة dr_sara

rouaame
eino666

بشكركم جدا على المساعده

........................................*

تمت العملية بنجاح :)

العفو يا دكتورة ... وألف مبروك على العربية الجديدة

**party_0000** · 03-10-2010 03:15 PM

المشاركة الأصلية كتبت بواسطة rouaame

ياباشا لازم العربية علشان يطابق البصمة بتاعت العربية اللى بتتفحص قدامه مع البيانات اللى موجودة فى الملف

مش لازم انا عربيتي كان في غلط في رقم الموتور والراجل اخد الزرق ومحتجناش نروخ بالعربيه للمرور القديم بتاعها وشكرا

-

الموضوع: هحتاج أخد العربية معايا المرور ولا لا؟

LinkBack

أدوات الموضوع

عرض

-

-

-

-

-

المواضيع المتشابهه

العربية ضعفت معايا

هوه ايه اللى بخلى دريكسيون العربية خفيف العربية بتتحرك معايا فى أفل خركة و كمان عندى

هحتاج جي ام ولا لأ ؟؟؟

العربية عملتها معايا!

العربية عملتها معايا

الكلمات الدلالية لهذا الموضوع

المفضلات

المفضلات

ضوابط المشاركة