الحق الفرصه وقيم بنفسك

**MINPP** · 18-09-2010 08:51 PM

يا شباب عايز رايكم في تسعير عربيتي علشان عايز اعرضها للبيع ومواصفاتها كالاتي بكل اماااانه وان شاء الله هرفع صور ليها لو امكن
السياره مازدا 323 موديل 85 هاتش باك
ماتور 1500 سي سي والسياره ياباني
السياره خليجي وارد السعوديه ودي مثبوت في قايم الباب
لونها فيراني وطبعا راشه برااا وفابريكه جوا بالكامل ومفيهاش اي بارومه نهائييييييييي وكمالياتها كالاتي
تكيف 3 سرعات
اوتوماتيك
سنتر
عدادات RBM
دريكسيون خفيف مش تقيل رغم انه مفيش باور بس متوسط لان علبه الدريكسيون جديده
بطاريه جافه ودراع الكهربا للدريكسيون جديد والكهربا كلها في حاله جيده
علبه زيت فرامل وتيل فرامل جديد
يمكن طي الكنبه بالكامل من ورا ودا بيديك مساحه تخزييين عملاقه بدخل سلم كامل جوا العربيه طوله مترين
كاسيت عادي ودا جي مع العربيه والراديو الاصلي موجود لسه في العربيه متخلعش من مكانه
فرش الفابريكه زي ما هوا كراسي وعليها كسوه والبيبان كمان فابريكه
عيوووب العربيييييييييييييه

عفشه ومساعدين جيدين بنسبه 80%
الماتوررررر جيد بنسبه 60% ودا للاسف لانه سخن وهغيره شنبر يعني هعمله عمره
من بره العربيه لونها فيراني وفيها شويه خرابيش الطبيعي بتاع البلد وهرش رفرف قريب بسبب انه فيه حكات
والعربيه ترخيصها خلص مش عارف هجدد ولا هبيع من غير ما اجدد

المجمل السياره محترمه جدااا جدااااا ودا مش بشكر علشان هبيعها بس هيا فعلا تحفه عمليه جدا قطع غيار رخيصه لو اتشدت صح هتبقا اجدع من الجولف العربيه فيها رفاهيه عاليه زي الفتيس الاوتوماتيك مريح اوي وسط الزحمه التكيففف تلاجه عن تجربه بشغله اخره علي 2 والعربيه بقالها معايا 4 سنين وكل سنه اقول ابيعها وارجع في كلامي وسبب البيع فقط اني مهندس ديكور وشغلي كتر وعايز عربيه اكبر وتستحمل السفر اكتر وبريستيجها اعلا كفايا عليا 4 سنين مازدا وعن نفسي ناوي اجيب المازدا 3 ان شاء الله وشكرااا ليك
مستني تقيمكم وتسعيركم ليها وشكراااا لكل الي ساهم واتبرعععع ولو بكلمهههه

**M.Elsheikh** · 18-09-2010 09:45 PM

ربنا يوفقك في البيع

**MINPP** · 19-09-2010 01:12 AM

حضرتك مقيمتش لو حابب اعرضها تعمل كام دلوقت وشكرااا لمروررك
نسيت اقول العربيه عامله 109 الف بالظبط وهيا اخر سنه انتاج للشكل القديم بتاع لجيش السيدان

**ehabalfred** · 19-09-2010 01:15 AM

ممكن ب 20 او 21 الف
و شكرا لشرحك المفصل لحالة العربية

**MINPP** · 19-09-2010 01:19 AM

شكرا لمرورك ولتقيمككك

**levelpower** · 20-09-2010 12:39 PM

متـــــــــــــــــــــــ ـــــابع

**i_Am_Legend** · 20-09-2010 01:07 PM

15 الف جنيه. تقريبا:الله اعلم.بس العربية حالة_ورد عليا بسرعة فى سعرها النهائى_صاحبى عايز واحدة هاتشباك_وقرفنى.

**hatchy** · 20-09-2010 01:50 PM

متهيالى مش اكتر من 15

**kdosoki** · 20-09-2010 03:43 PM

عربية كويسة ربنا يكرمك فى بيعها

**MINPP** · 21-09-2010 10:11 AM

انا فصلت عربيتي انشاء الله هطلب فيها 19 واستاذ i_Am_Legend فيه واحده فاضيه قدامي موديل 82 نفس الحاله تقريبا علي 15 لو عايزها كلمني وانا اظبطلك مع الميكانيكي تشوفها
0129765725