الموضوع: مرجع لكماليات اللانوس

المشاركة الأصلية كتبت بواسطة yassin_samir

ربنا يبارك فيك
المهم العربية عاملة اية معاك و عامل كام كيلو و اية اخبار استهلاك البنزين و كدا يعنى لو ليك اى ملاحظات ممكن نتشارك الافكار
على فكرة انا عربيتى نفس الموديل عندك


العربية الحمد لله .... أنا شاريها من 4 شهور و عامل بيها 5000 كم تقريباً .

أستهلاك البنزين معقول 200كم/20لتر داخل البلد و 250كم / 20 لتر خارج البلد تقريباً .

و حضرتك ايه الأخبار معاك :))

طبعا سماعت الانوس معروفة انها سيئة جدا عشاند كدة غيرت السماعات ب :
1/سماعتين خلفيين دائرية وليس بيضاوية علشان مقصش في الصاج ...ونوعهم سمفوني ب100
وسماعتين امامين ب دائريين برضة ب 55 جنية

طبعا الصوت بقى جاجة تانية اتحسن كتير

2/حزمت العربية بباكيتات سودا على الاكصدامات والابواب المتر ب 20 جية مش فاكر خدت كام متر بصراحة

3/ستارة خلفية ب45
3/طقم نيكل (مقابض ومرايات وفوانيس ) حالي ب 200 جنية

4/طقم جنوط مقاس13 اندونيسي ب 1100

5/تركيب كتاوب نور تركي (25جنية ولمض هالوجين(40جنية) ....ومشكلة النور كدة اتحلت وبقى النور ممتاز

6/فرش جلد الي هو عامل زي بتاع الافيو ب450 جنية

المشاركة الأصلية كتبت بواسطة tlrsiap

انا مغير وش التابلوه الأسود بوش التابلوه الفضي بتاع اللانوس2 الكاملة , و مركب ساعة التابلوه (كنت جايبهم استيراد من الحرفيين) , و مغير طقم العدادات بطقم فيه rpm , و كنت قبله حاطط عدادات القايم بس كانت قراياتها مش مظبوطة للدرجة
و مركب فوجات صيني مغير لمباتهم بلمبات فيلبس
و مركب شبكة لانوسii امامية
و هاركب ان شاء الله الستوب لايت الخلفي بس بادور على سروجي
:)


انا على فكرة عربيتي شاريها بالباكتة الفبر دي فعلا
على الأبواب يمكن تكون بتحمي الدوكو شوية
لكن شكلها وحش جدا ( الباكتة سودا و عربيتي لونا ابيض )
نفس الكلام على الاكصدامات لدرجة اني شلتها و ركبت بتوع الاركان , و برده حاسس انهم مبوظين شكل العربية

كنت عايز اسألك عن وش التابلوة من الاسود للفضى دة جبته منين وبكام وهل دة وش بس ولا التابلوة كله ....... انا عايز اغير التابلوة من اسود لفضى زيك بس يا ترى راكب زى الاصلى ما متركب ولا فيه فروق؟

المشاركة الأصلية كتبت بواسطة hazemhassan

انت مفروض اصلا تحميها من المية واحنا داخلين على الشتا
وعندى الاستيكر عمروووووووووو ما دخل مية تحتة
اكيد يحميها
بس انا مش منزلها لتحت الباب مغطى العتبة من جوة بس

انا كل اللى خايف منة لنها تعمل بارومة

[QUOTE=namla;3873065384]يا كبير ما انا قولتلك معجنها الاول و بعدين داريها بالاستيكر[/QUOT

ايه هيا البارومه
هى نزعه الحديد للرجوع من الصوره الى تم تصنيعه بها فى صوره صاج مسحوب مجلفن او اسود او ابيض اوهو رفرف او عتب او حتى عضم العربيه نفسه الى الصوره المتواجد بها فى الطبيعه فى الجبل وهى اكسيد الحديد بلونه البنى اى لون الصدأ وقوامه الهش المحمر
طيب ده بيحصل ازاى
الحديد المصنع فى صوره الصاج المسحوب + ماء فى صوره رطوبه او باى صوره+ اكسجين فى صوره الهوا
طيب لو كسرنا الدايره دى بايقاف اى عنصر فيها يقف التفاعل وما يحصلش البارومه
يعنى نمنع الميه او الهوا عن الصاج المكشوف عنه البويه والمتخربش باي ماده
زى المعجون (معجون الحديد او الماستيك) او الاستيكر بس ده للديكور بس
بس اساسى يكون سطح المعجون ناعم وده الى بيعمله بتاع الدوكوبالصنفره
وطبعا فيه طرق تانيه اعقد شويه من الحمايه بالبويه
ويطلق عليها الحمايه الكاثوديه وبنعملها فى المنشات البحريه
ومواسير الخطوط للبترول والغاز وخلافه
عباره عن دايره كهربيه متصله بمعدن غريب عن المنشأ وهو عباره عن باليتات حديد او مغنسيوم او ...............ملحومه فى خط المواسير او المنشا يتنقل اليه شحنه الاكسده الى بتسبب الصدأ ونضحى بها وبكده نحمى المنشا الاصللى للرصيف البحرى المكون من ستائر معدنيه راسيه او خط المواسير فى الجبل
وبس
والله المستعان

المشاركة الأصلية كتبت بواسطة kiroo

انا كل اللى خايف منة لنها تعمل بارومة

المشاركة الأصلية كتبت بواسطة namla

يا كبير ما انا قولتلك معجنها الاول و بعدين داريها بالاستيكر

كدة
هتحميها
اكترررررررررررررررررررررر ررررررررررررر
مع
الاستيكرر