نداء الى اهل البونتو1994

**said.d.y** · 19-09-2010 12:09 AM

السلام عليكم ورحمة اللة وبركاتة،
قدامى عربية بونتو موديل 1994 عاملة 95000كم 75حصان بفتحة سقف، رشة خارجى عدا السقف وبالتكييف
محتاجة اكسسوار وطرمبة بنزين وشوية سمكرة ودوكو فى حدود 2000/2500بالكتير لو قطع غيار اصلية وشغل نظيف أوى. العربية اساسيتها سليمة جداَ ومتلعبش فى دواخلها خالص.
صاحبها معلق على29500جم ودماغة قافلة، ومرضيش ب28000جم .
شوروا عليا يا اهل الخبرة؟؟؟؟؟؟؟
كتير عليها ولا معقول ولا بلاش من النوع دة خالص
اشكركم مقدماَ!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!

**mrwho1982** · 21-09-2010 02:50 PM

ممكن اعرف نظام قطع غيار البونتو ايه عامة

يعني غاليو ولا رخيصة وموجودة ولا هالف عليها واجيب استيرا ولكم جزبل الشكر ووافر الاحترام

**mada_mada81** · 21-09-2010 03:21 PM

المشاركة الأصلية كتبت بواسطة mrwho1982

ممكن اعرف نظام قطع غيار البونتو ايه عامة

يعني غاليو ولا رخيصة وموجودة ولا هالف عليها واجيب استيرا ولكم جزبل الشكر ووافر الاحترام

قطع غيار معقولة و موجوده جديد فى عند الكيلانى (شارع شامبليون) او الموجى (الحرفيين) دول اللى بتعمال معاهم ممكن فى ناس تانية بص على المواضيع المثبته و المستعمل فى الحرفيين او عزبة شلبى

ودى امثله من الحاجات اللى غيرتها

تيل فرامل امامى تقريبا مش فاكر اوى بس فى حدود 130 والتيل الخلفى 90 مرايا امامية 90 طلمبة بنزين (استراد 250 جنيه) سير كاتينة اصلى ايطالى 50 جنيه و عربيتى على فكره مو 95