مازدا 323 موديل 1985 هاتش باك فيراني

**MINPP** · 19-09-2010 01:26 AM

يا شباب عايز رايكم في تسعير عربيتي علشان عايز اعرضها للبيع ومواصفاتها كالاتي بكل اماااانه وان شاء الله هرفع صور ليها لو امكن
السياره مازدا 323 موديل 85 هاتش باك اخر انتاج للشكل القديم بتاع الجيش
ماتور 1500 سي سي والسياره ياباني
السياره خليجي وارد السعوديه ودي مثبوت في قايم الباب
لونها فيراني وطبعا راشه برااا وفابريكه جوا بالكامل ومفيهاش اي بارومه نهائييييييييي وكمالياتها كالاتي
تكيف 3 سرعات
اوتوماتيك
سنتر
عدادات RBM
دريكسيون خفيف مش تقيل رغم انه مفيش باور بس متوسط لان علبه الدريكسيون جديده
بطاريه جافه ودراع الكهربا للدريكسيون جديد والكهربا كلها في حاله جيده
علبه زيت فرامل وتيل فرامل جديد
يمكن طي الكنبه بالكامل من ورا ودا بيديك مساحه تخزييين عملاقه بدخل سلم كامل جوا العربيه طوله مترين
كاسيت عادي ودا جي مع العربيه والراديو الاصلي موجود لسه في العربيه متخلعش من مكانه
فرش الفابريكه زي ما هوا كراسي وعليها كسوه والبيبان كمان فابريكه

عفشه ومساعدين جيدين بنسبه 80%
الماتوررررر جيد بنسبه 60% ودا للاسف لانه سخن وهغيره شنبر يعني هعمله عمره
من بره العربيه لونها فيراني وفيها شويه خرابيش الطبيعي بتاع البلد وهرش رفرف قريب بسبب انه فيه حكات
والعربيه ترخيصها خلص مش عارف هجدد ولا هبيع من غير ما اجدد

المجمل السياره محترمه جدااا جدااااا ودا مش بشكر علشان هبيعها بس هيا فعلا تحفه عمليه جدا قطع غيار رخيصه لو اتشدت صح هتبقا اجدع من الجولف العربيه فيها رفاهيه عاليه زي الفتيس الاوتوماتيك مريح اوي وسط الزحمه التكيففف تلاجه عن تجربه بشغله اخره علي 2 والعربيه بقالها معايا 4 سنين وكل سنه اقول ابيعها وارجع في كلامي وسبب البيع فقط اني مهندس ديكور وشغلي كتر وعايز عربيه اكبر وتستحمل السفر اكتر وبريستيجها اعلا كفايا عليا 4 سنين مازدا وعن نفسي ناوي اجيب المازدا 3 ان شاء الله وشكرااا ليك
مستني تقيمكم وتسعيركم ليها وشكراااا لكل الي ساهم واتبرعععع ولو بكلمهههه

**M.Elsheikh** · 19-09-2010 01:47 AM

ربنا يوفقك في البيع

**mxz911** · 19-09-2010 01:49 AM

اعتقد هتكون فى رينج ال 16 الف بس لو ظبطت موتورها ! العربيه دى لو نفسها بس سيدان مش هاتشباك هتبقى فى حدود ال 19 -20 الف والمازدا 323 بالذات اللى الهاتشباك فيها ارخص من السيدان !

**أشرف فتحى** · 19-09-2010 02:51 AM

لو حضرتك ناوى تبيع فعلا المره دى.....فى واحد أعرفه ممكن ياخدها منك على حالتها...بس ابعتلى النهائى على الخاص....

**MINPP** · 19-09-2010 12:15 PM

شكراا لمرور الكل وبالنسبه لل 16 دول ميجيبوش 127 اساسا مش عارف ازاي هيجيبو مازدا بالكماليات دي موديل 85
تاني حاجه مفيش حاجه اسمها الهاتش باك ارخص ولا اغلي هيا عمليه عرض وطلب السيدان فاكرن ان شانطيتها واسعه ودي من غير شنطه في حين ان الفرق مش كبيررر
وازاي اذا كان تمن اي عربيه مازدا فاضيه موديل 85 بيبدا من 19 الف والتكيف والفتيس دول ملهمش اعتبار علي العموم شكرااا لمروركك ورايك
وبالنسبه للاستاذ اشرف حضرتك اسال اي ميكانيكي وقوله علي حاله العربيه وشوف هوا هيفصلها علي كام وشوف انتا مستعد تشتريها علي كام وانا هرفع الصور قريب انشاء الله

**mmmm1977eg** · 19-09-2010 01:32 PM

اولا موفق فى البيع ان شاء الله
ثانيا حضرتك ممكن تبعت مواصفات عربيتك بكل وضوح زى ما حضرتك عرضت الى الاستاذ شريف مستشار تسعير السيارات المستعمله و هو اكثر واحد ممكن يفيدك

**MINPP** · 21-09-2010 10:14 AM

انا هطلب في العربيه 19 ونص انشاء الله لقيتها بتباع موديل 84 ب22 هعتبر عربيتي بنفس السعر وههنزل 2ونص تمن الصيانه فسعرها 19 ونص انشاء الله والي عايزها يبعتلي النهائي بتاعو علي الخاص وانا هرد عليه انشاء الله وانا جاد في البيع

**x100** · 21-09-2010 12:26 PM

مع احترامى الشديد وبحسبة بسيطة

عفشة 1500
عمرة من 2000 الى 2500
سمكرة ودهان 1300

دا من ناحية ومن ناحية تانية الفتيس الاوتو ماتك فى الموديلات القديمة مبيبقاش ميزة بالعكس اللى بيركب عربية الموديل دة مش بيدور على رافاهية بيدور اكتر على وسيلة انتقال ادمية ترحمة من الموصلات

فى نقطة اهم حضرتك بتقول انك مهندس ديكور وبتحمل سلم 2 متر

حضرتك عارف دلالة دة اية عند راغب الشراء ؟
ان العربية دى كانت بتتحمل مواد خام لزوم عملك وخلافة

بعد دا كله فكر فى تقييم سيارتك دون النظر للاسعار المعلنة بس ممكن تبص على عربية اتباعت فعلا بكام مش صاحبها كان عايز يبعها بكام

وعلشان تبقى مرتاح نفسيا وانت بتبيع ومتحسش انك خسرت فلوس اقعد مع نفسك وشوف انت استخدمت العربية دى قد اية ولو كنت اخدت تاكسيات وسيارات نقل لحجتك كنت هتتكلف اد اية فى المدة دى صدقنى هتطلع كسبان

ودى خبرة عربيتن مستعمل وفى انتظار الجديد ان شاء الله

ارجو انك متزعلش منى او تاخد كلامى على اي محمل اخر

**MINPP** · 22-09-2010 09:55 AM

لا يا باشا بالعكس وجهة نظر حضرتك بحترمها بس لما حضرتك تتكلم علي عفشه وعمره وسمكره ودهان وباسعار انا مسعمتش عنها في حين ان العربيه بقالها معايا 4 سنين طيب امال اتبقا ايه في العربيه وانا مش محدد سعر العربيه من فراغ انا بعد ما سالت الميكانيكي وشوفت كونتاكت كار وسوق الجمعه حتي المنطقه عندي لقيت المانوال موديل 82 بيبتباع ب17 و18 والاوتوماتيك موديل 84 اتباعت قدامي ب22 وحالتها مش وهم عاديه فانا حددت سعر عربيتي عليها هعتبرها ب22 وخصمت 3 تمن الصيانات بتاعتي وانا سال علي كل حاجه هتكلف كام بالظبط لاني لو ملقتش السعر الي انا عايزه يبقا مش هخسر عربيه محترمه هشدها واسيبها لاخويا
تاني حاجه بالنسبه للتحميل انا مش بنزل بالعربيه دي كتير اصلا دي عامله معانا 33 الف من ساعه ما اشتريناها لاني معايا عربيه تانيه ودي تعتبر عربيه والدي وحالتها بقت كده علشان هوا ملوش في تظبيط العربيات وليه انها تمشي وخلاص وشكرا لمرورك ورايك
بالنسبه للاسعار
عفشه مش هتصرف عليها اكتر من 200 جنيه العربيه مش واقع في بير
ماتور 1000 شنابر و200 جنيه رفايع بزياده الماتور الجديد استيراد هيعمل من 2500 ل3500 وانتا وشطارتك في الشرا وكلو واحد في الاخر الي يقولك دا بقد كده علشان احسن ودا علشان اوحش كلو بياكل عيش
سمكره هما رفرف يعني هياخد 20 جنيه قووووووووول 100
دوكو فرن ميتالككككككك عند واحد محترم جدااا عندي بعد التجنيييد ب800 قوووول 900
يعني المجموع 2200
رفايع زي كاوتش باب اي حاجه في الكهربا في الدواخل قووول 300
العربيه اساسا حاجتها رخيصه
يعني المجموع من 2500 ل3000 علي حسب الرفاهيه الي انتا عايز فيها العربيه
اي حاجه تانيه تبقا من عندك دي تبقا زيادات للعربيه زي كاسيت فرش طاره جنط كاوتش
وانا شاريها من 4 سنين ب27 الفففف

**MINPP** · 22-09-2010 10:03 AM

تليفوني 0129765725 لاي استفساررر
323 1982 22000 ج

1500 سى سى | 100000كم

فرش جلد موتور 1500 عفشة جديدة وكاوتش جديد وبطارية جديدة اللون احمر
من كونتاكت كارر ودي هتلاقيها مانوال