20 سنة فاتوا ...

السلام عليكم ورحمة الله وبركاته

كل سنة وانتم بخير و طيبين

يا رب كلكم يبقي كويس و بخير :))

من كام يوم كدا كان عيد ميلادي 14 -9


طبعا كان عندي امتحانات

تميت 20 سنة:8954[1]:

حاسس انهم كتير اوي

و حاسس اني كبرت ,, و كمان حاسس ان الوقت بيعدي بسرعة جداااا

...........


ياتري حسيت بايه لما تميت العقدين من عمرك .... و بتحس ايه فعيد ميلادك ؟

و هل في شيء معين بتبقي حريص عليه ؟؟؟

بتزعل ... بتفرح ... بتفكر ؟

ولا كانه اي يوم عادي

بالله عليك لتسكت لاحسن انا شبح التلاتين فاضل عليه سنة و حاسس اني عجوز تنين !!!

20 ايه يابا

بص بصراحة على اياميها كان الرقم يخض

و النقلة من ال teens للعشرينات يخوف

بس بصراحة - و ما تفهمنيش غلط و لا تزعل مني و انا معتمد انك مخك كبير - انا دلوقتي بافتكر نفسي اما كنت 20 و باضحك و اقول ايه العبيط الاهبل ده و انا ازاي كنت فاكر نفسي كبير !!!!

count-down timer
now about to complete 39
يعني داخل عالاربعين وكل سنة وانتم طيبين وربنا يسعد ايامنا وايامكم دنيا وآخرة & in between

ايام ال 20 كنت مفروم في الجامعة ف محستش بيها قوي, بس ال 25 وجعتني قوي, ربع قرن من الزمااااان :-(

بس خلاص بقى عيد ميلادي كل سنة بقى الذكرى السنوية للحاجات اللي فشلت اني احققها, و اللستة كبيرة والحمد لله

بص فكر في اللي مش ممكن تعمله غير لما تكبر، يعني مثلا تتخرج و تشتغل و تصرف على نفسك و تجوز و تخلف ( بغض النظر عن صعوبة المواضيع دي بس خلي املك في ربنا كبير)

كل سنة و انت طيب

الموضوع ببساطة
إنت بتسيب مرحلة وتخش مرحلة
يعني إنت دلوقتي سايب مرحلة (الطفولة والمراهقة)
المرحلة إلي مفيهاش أي هموم خالص..عايش حياتك بالطول والعرض
عاوز فلوس ...بابا عاوز فلوس ..عاوز لبس..بابا عاوز لبس

تدخل بقا على العشرينات
بداية الرجولة

وتبدأ أول ماتشوف بنت حلوة ..تقول عاوز أخطبها
هههههههههههههه
وتحس (إحساس غير ناضج)إنك بقيت راجل مكتمل الرجولة

وبتكون لسه عايش الحياة بالطول والعرض

لحد لما تبدأ الإقتراب من شبح الــ30 سنة
وتحس إن عمرك بيتسرق منك..وإنك ماعملتش حاجة في دنيتك

وتحس إنك بدأت تركب المنحنى الهابط من الحياة
وغالبا
ممكن البعض يصاب بالإكتئاب في المرحلة دي (بين الــ25 -30)

زي أخوكم كده...أنا دلوقتي شايف الدنيا سودا ..سودا
وحاسس بجد إن عمري بدأ فعلا count down

اقتباس:

---

المشاركة الأصلية كتبت بواسطة أحمد كمال

بالله عليك لتسكت لاحسن انا شبح التلاتين فاضل عليه سنة و حاسس اني عجوز تنين !!!

20 ايه يابا

بص بصراحة على اياميها كان الرقم يخض

و النقلة من ال teens للعشرينات يخوف

بس بصراحة - و ما تفهمنيش غلط و لا تزعل مني و انا معتمد انك مخك كبير - انا دلوقتي بافتكر نفسي اما كنت 20 و باضحك و اقول ايه العبيط الاهبل ده و انا ازاي كنت فاكر نفسي كبير !!!!

---

اها ... بالظبط يا هندسة :E_braces[1]:

انا مش من النوع الي كل شوية افكر الناس اني خلاص بقيت راجل و كبير .... لا لا بالعكس ,,, و فعلا تقريبا مفيش مسئولية دلوقتي خالص انا شايلها ..... و ربنا اعلم بالي جي ..

كل سن و ليه حلاوته ,, و طبيعي فعلا انك لما توصل 30 تبص لل 20 و تقول ايه دا ... انا كنت كدا ازاي هههههههه



بس ال 20 سنة " كفترة زمنية" كمان كبيرة مش صغيرة .... و سبحان الله علي الرغم من اني شفت و عديت علي حاجات كتير

غير انها عدت بسرعة جدا

اقتباس:

---

المشاركة الأصلية كتبت بواسطة waelfarid

count-down timer
now about to complete 39
يعني داخل عالاربعين وكل سنة وانتم طيبين وربنا يسعد ايامنا وايامكم دنيا وآخرة & in between

---

كل سنة و حضرتك طيب يا ريس و عقبال مليون سنة بصحة و خير :))

اقتباس:

---

المشاركة الأصلية كتبت بواسطة hussein_emara

ايام ال 20 كنت مفروم في الجامعة ف محستش بيها قوي, بس ال 25 وجعتني قوي, ربع قرن من الزمااااان :-(

بس خلاص بقى عيد ميلادي كل سنة بقى الذكرى السنوية للحاجات اللي فشلت اني احققها, و اللستة كبيرة والحمد لله

بص فكر في اللي مش ممكن تعمله غير لما تكبر، يعني مثلا تتخرج و تشتغل و تصرف على نفسك و تجوز و تخلف ( بغض النظر عن صعوبة المواضيع دي بس خلي املك في ربنا كبير)

كل سنة و انت طيب

---

و انتا بالصحة والسلامة يا بوب ربنا يخليك :)

بس ليه التشاؤم دا بس هههههههههه ,, انا بفكر نفسي بالحاجات الي نفسي احققها و بفتكر ان الوقت بيعدي

و ان شاء الله املي فربنا كبير

اقتباس:

---

المشاركة الأصلية كتبت بواسطة a7med_pharma

الموضوع ببساطة
إنت بتسيب مرحلة وتخش مرحلة
يعني إنت دلوقتي سايب مرحلة (الطفولة والمراهقة)
المرحلة إلي مفيهاش أي هموم خالص..عايش حياتك بالطول والعرض
عاوز فلوس ...بابا عاوز فلوس ..عاوز لبس..بابا عاوز لبس

صحيح فعلا " يعني انا كنت طفل من كام يوم هههههههههههه ماشي يا دكترة "

مفيش اي هموم و لا اي حاجة فعلا ..... الحمد لله ....... بس لازم طريقة تفكير الواحد تتغير بقا لما تسيب المرحلة دي

ابسط مثال انك تشيل الحمل شوية من علي والديك مثلا .... تحاول تكبر بتفكيرك ... كدا

تدخل بقا على العشرينات
بداية الرجولة

وتبدأ أول ماتشوف بنت حلوة ..تقول عاوز أخطبها
هههههههههههههه
وتحس (إحساس غير ناضج)إنك بقيت راجل مكتمل الرجولة

ههههههههههههههههههههههههه حلوة دي

لا لا خطوبة مين بس " انتا عايز ابو كمال يزعل مني " , انا اصلا مش بفكر فالموضوع دا خالص الا لما اخلص كلية عالاقل ,, هيا كدا الحياة حلوة

و ربنا ما يجيب الاحساس الغير ناضج دا :brn:

وبتكون لسه عايش الحياة بالطول والعرض

لحد لما تبدأ الإقتراب من شبح الــ30 سنة
وتحس إن عمرك بيتسرق منك..وإنك ماعملتش حاجة في دنيتك

وتحس إنك بدأت تركب المنحنى الهابط من الحياة
وغالبا
ممكن البعض يصاب بالإكتئاب في المرحلة دي (بين الــ25 -30)

دي مقلقة ..... لاني من دلوقتي اساسا مكتئب ههههههههههههههههه

زي أخوكم كده...أنا دلوقتي شايف الدنيا سودا ..سودا
وحاسس بجد إن عمري بدأ فعلا count down

---

لا يا باشا ازاي تقول كدا

ربنا يديك طولة العمر دانتا لسه في عز الشباب يا عم ماشاء الله :)))

اقتباس:

---

المشاركة الأصلية كتبت بواسطة M.almaghraby

ربنا يديك طولة العمر دانتا لسه في عز الشباب يا عم ماشاء الله :)))

---

بالظبط كده يامغربي
أنا في عز شبابي ..أنا أخدت المنحنى الصاعد لحد ماوصلت لقمة المنحنى
إلي هوا عز شبابي
ودلوقتي
بداية رحلة الهبوط في المنحنى الهابط

..........
فاهمني
يوم ..بعد يوم ..لما تلاقي جسمك وإنت عندك 26 ..مش زي جسمك وإنت عند 20
لياقتك بتقل
ولما تشوف أوتحس إن شعرك بيقع هههههههههههههههههههههههه
وتشوف ملامح الزمن مرسومة على وشك
وتلاقي الناس تبدأ تديك سن..إلي يقولك""إنت بتاع 30-35 سنة"""
وإلي يقولك""إنت يعني بتاع 30 سنة""
ده معناه إن الزمن رسم ملامح في غير وقتها

ومش عاوزني أكتئب

:H_angry[1]::H_angry[1]::H_angry[1]:

دة مين العبيط اللي بيقلك ان شكلك يدي 30 سنة لا طبعا
دول مش بيفهموا حااجة
زي انا اهة شكلي بيديني اصغر من سني يقوم واحد يقلك اية
تلاقيك مانتش شايل هم وراكبلي عربية وابوك مدلعك
وطبعا محدش فاهم حاااجة من النااس الهبل دول
والقاافلة تسير

كنت حاسس زيك كده لما وصلت 21 اللي هو سن الرشد كنت عمال اقول لنفسي وصلت سن الرشد ! طيب عايز ايه يعني عادي اهوه هههه

وكنت ببص للناس اللي وصلو 30 ولسه متجوزوش واقول الناس دي عايشه ازاي وبيصعبو عليا :)) لحد ما وصلت 30 الا 3 شهور اهو وبرضو الدنيا عادي وماشيه

المهم ركز في قراراتك المرحله اللي جايه لأنها هتشكل حياتك بنسبه كبيره ومتضيعش أي فرصه واستغل الوقت دلوقتي في أي حاجه ممكن تستفيد بيها في المستقبل حتي لو كورسات لغات و كورسات وتدريب في مجال دراستك ، لأن بعد كده مش هيبقي عندك وقت تعمل حاجه غير الشغل ، ومش هقولك لو جالك أي فرصة هجره متسيبهاش حتي لو للصومال لأن دي من الحاجات اللي ندمان عليها جدا ، أيامها كنت بقول ايه اللي يخليني اهاجر مانا عايش كويس وشغلي كويس وجنب أهلي هتغرب ليه بس مفيش حاجه بتفضل علي حالها خصوصا في بلدنا دي

:majd(4)::majd(4)::majd(4)::majd(4):

30 سنه حاسس انى معشتش منهم اكتر من 10

فين بقيه عمرى اللى ضاع

ليه يا جماعة التشاؤم ده كرهتوا صاحب الموضوع في سن التلاتين كدة حيروح ينتحر قبل ما يتم التلاتين ههههههههههههه
وبعدين ما انا 30 سنة و3 شهور وعادي حاسس ان الواحد يدوب عمره الافتراضي انتهي :C_laugh[1]:

اقتباس:

---

المشاركة الأصلية كتبت بواسطة A7MED_PHARMA

وتحس إنك بدأت تركب المنحنى الهابط من الحياة
وغالبا
ممكن البعض يصاب بالإكتئاب في المرحلة دي (بين الــ25 -30)

زي أخوكم كده...أنا دلوقتي شايف الدنيا سودا ..سودا
وحاسس بجد إن عمري بدأ فعلا count down

---

عايش الحاله دي دلوقتي والله.... اكتئاب و ارق, و مش عارف انام كويس بقالي اكتر من 3 شهور,
و الحادثه طبعاً كان ليها دور فعال في حالة الاكتئاب, لاني حاسس ان انا مش زي الاول خااالص و لا هبقى

دمااااااااااااغي باظت والله من كتر التفكير و احساسي ان العمر بيجري و بيتسرق و انا ماعملتش حاجه..!!!

هتجنن بجد... :fdsa:

اقتباس:

---

المشاركة الأصلية كتبت بواسطة A7MED_PHARMA

بالظبط كده يامغربي
أنا في عز شبابي ..أنا أخدت المنحنى الصاعد لحد ماوصلت لقمة المنحنى
إلي هوا عز شبابي
ودلوقتي
بداية رحلة الهبوط في المنحنى الهابط

..........
فاهمني
يوم ..بعد يوم ..لما تلاقي جسمك وإنت عندك 26 ..مش زي جسمك وإنت عند 20
لياقتك بتقل
ولما تشوف أوتحس إن شعرك بيقع هههههههههههههههههههههههه
وتشوف ملامح الزمن مرسومة على وشك
وتلاقي الناس تبدأ تديك سن..إلي يقولك""إنت بتاع 30-35 سنة"""
وإلي يقولك""إنت يعني بتاع 30 سنة""
ده معناه إن الزمن رسم ملامح في غير وقتها

ومش عاوزني أكتئب

:H_angry[1]::H_angry[1]::H_angry[1]:

---

تصدق فعلا ده اللي بيحصل..!!! مافيش حد قابلني إلا و قاللي (انت 32 سنه... صح.؟؟) :majd(4):

قبل 21 سنه حاجه, و بعدها حاجه تانيه خاااااااااااااااااااالص... اختلاف كلي و جذري في حياتك

و يا سلام لما تبقى داخل على النص التاني من العشرينات (العبد لله)... بتحس انك خلاص بتشطب

تدخل على الثلاثين بقى... يبقى انت كده بتسلم نمر, و بقيت في عداد كبار السن رسمي :36_1_31:

الحق عيش حياتك يا مغربي, و خطط صح لمستقبلك, قبل ما تلاقي نفسك داخل على الثلاثين كمان يومين :ma:

احنا كدة كئبنا الراجل صح الصح

شوف انا حقولك على نصيحة, حاول تستفيد من وقتك دلوقتي في الفسح و السفر و الرحلات!!!!
ليه بقى؟؟ عشان كمان عشر سنين حتشوف اخواتك او معارفك اللي اصغر منك و اصحابهم عايشين حياتهم و انت تقول يا رتني
بس اوعى الكلية تقع منك تحت اي مسمى, حاول توزن الامور بس متحرمش نفسك من الوقت ده.
و انا باخد نفسي عبرة في الموضوع ده, عملت فيها جدع, و في الاخر اكتئااااااااااااب تام, الناس تقدر تتفسح و بتشتغل برده

كل سنة وأنت طيب :happybday:
و عقبال 1000000000000000 سنة
ههههههههههه و الله ضحكتونى يا جماعة الله يحظكوا :POINTIy2[2]:
زمان كانت أزمة منتصف العمر من 45 إلى50 سنة
و أنتوا دلوقتى خلتوها من 25 إلى 30 سنة :8954[1]: ههههههههههه
عرفين فكرتونوا بالآيه الكريمة " فَكَيْفَ تَتَّقُونَ إِنْ كَفَرْتُمْ يَوْمًا يَجْعَلُ الْوِلْدَانَ شِيبًا (١٧) " سورة المزمل
المهم فى العمر البركة ، و الإنجاز اللى حققته فيه ، ممكن فى سنة معينة تعمل اللى غيرك عمله فى عشر سنين و ممكن العكس" و ربنا يجعل أحسن أعمالنا خواتيمها

أنا برضه هتم اهوه 21 سنه الشهر الجي و مش حاسس إني عملت حاجه و لا حققت حاجه,,و لسه فاضلي سنتين في الكليه,,ال20 سنه اللي فاتو عدوا هوا و لا الواحد حس بيهم,,,يمكن لإنعدام المسئوليه ,,,الله أعلم ,,,بس اللي زعلان عليه ,,,إني ماستمتعتش بالسنين اللي فاتت و لا خرجت و لا اتفسحت,,,و كل فين و فين لما اسافر,,,بس لسه أملي في ربنا كبير,,,و يمكن الأحوال تتعدل و تبقي أحسن
و الحمد لله علي كل شيء
و كل سنه و إنت طيب

اقتباس:

---

المشاركة الأصلية كتبت بواسطة wesam_salom

30 سنه حاسس انى معشتش منهم اكتر من 10

فين بقيه عمرى اللى ضاع

---

يا عم لا ضاع ولا حاجة:w6266d

اقتباس:

---

المشاركة الأصلية كتبت بواسطة amrnagy

ليه يا جماعة التشاؤم ده كرهتوا صاحب الموضوع في سن التلاتين كدة حيروح ينتحر قبل ما يتم التلاتين ههههههههههههه
وبعدين ما انا 30 سنة و3 شهور وعادي حاسس ان الواحد يدوب عمره الافتراضي انتهي :C_laugh[1]:

---

ههههههههههههههههههههه لا طمنتني ههههههههههه

لسه بدري اوي علي 30 دي:satelite:

اقتباس:

---

المشاركة الأصلية كتبت بواسطة ghazy12

عايش الحاله دي دلوقتي والله.... اكتئاب و ارق, و مش عارف انام كويس بقالي اكتر من 3 شهور,
و الحادثه طبعاً كان ليها دور فعال في حالة الاكتئاب, لاني حاسس ان انا مش زي الاول خااالص و لا هبقى

دمااااااااااااغي باظت والله من كتر التفكير و احساسي ان العمر بيجري و بيتسرق و انا ماعملتش حاجه..!!!

هتجنن بجد... :fdsa:



تصدق فعلا ده اللي بيحصل..!!! مافيش حد قابلني إلا و قاللي (انت 32 سنه... صح.؟؟) :majd(4):

قبل 21 سنه حاجه, و بعدها حاجه تانيه خاااااااااااااااااااالص... اختلاف كلي و جذري في حياتك

و يا سلام لما تبقى داخل على النص التاني من العشرينات (العبد لله)... بتحس انك خلاص بتشطب

تدخل على الثلاثين بقى... يبقى انت كده بتسلم نمر, و بقيت في عداد كبار السن رسمي :36_1_31:

الحق عيش حياتك يا مغربي, و خطط صح لمستقبلك, قبل ما تلاقي نفسك داخل على الثلاثين كمان يومين :ma:

---

والله عندك حق يا غازي ,, الوقت والعمر بيعدوا بسرعة اوي :_Alshmokh08[1]:

والواحد مش عارف يعمل ايه ولا ايه !!

اقتباس:

---

المشاركة الأصلية كتبت بواسطة Hussein_Emara

احنا كدة كئبنا الراجل صح الصح

شوف انا حقولك على نصيحة, حاول تستفيد من وقتك دلوقتي في الفسح و السفر و الرحلات!!!!
ليه بقى؟؟ عشان كمان عشر سنين حتشوف اخواتك او معارفك اللي اصغر منك و اصحابهم عايشين حياتهم و انت تقول يا رتني
بس اوعى الكلية تقع منك تحت اي مسمى, حاول توزن الامور بس متحرمش نفسك من الوقت ده.
و انا باخد نفسي عبرة في الموضوع ده, عملت فيها جدع, و في الاخر اكتئااااااااااااب تام, الناس تقدر تتفسح و بتشتغل برده

---

دا الي خايف منه ... ام الكلية دي

ليك حق طبعا في موضوع التوازن دا ... مهم جداااااااا

اقتباس:

---

المشاركة الأصلية كتبت بواسطة زينة الله

كل سنة وأنت طيب :happybday:
و عقبال 1000000000000000 سنة
ههههههههههه و الله ضحكتونى يا جماعة الله يحظكوا :POINTIy2[2]:
زمان كانت أزمة منتصف العمر من 45 إلى50 سنة
و أنتوا دلوقتى خلتوها من 25 إلى 30 سنة :8954[1]: ههههههههههه
عرفين فكرتونوا بالآيه الكريمة " فَكَيْفَ تَتَّقُونَ إِنْ كَفَرْتُمْ يَوْمًا يَجْعَلُ الْوِلْدَانَ شِيبًا (١٧) " سورة المزمل
المهم فى العمر البركة ، و الإنجاز اللى حققته فيه ، ممكن فى سنة معينة تعمل اللى غيرك عمله فى عشر سنين و ممكن العكس" و ربنا يجعل أحسن أعمالنا خواتيمها

---

و حضرتك طيبة يا بشمهندسة مرسيي جدااا :shine[1]:

و نعم بالله ,, و صحيح ان المهم البركة و الانجاز الي الواحد بيحققه فالكام سنة دي

ربنا يسترها معانا

اقتباس:

---

المشاركة الأصلية كتبت بواسطة mohamed_mohsen

أنا برضه هتم اهوه 21 سنه الشهر الجي و مش حاسس إني عملت حاجه و لا حققت حاجه,,و لسه فاضلي سنتين في الكليه,,ال20 سنه اللي فاتو عدوا هوا و لا الواحد حس بيهم,,,يمكن لإنعدام المسئوليه ,,,الله أعلم ,,,بس اللي زعلان عليه ,,,إني ماستمتعتش بالسنين اللي فاتت و لا خرجت و لا اتفسحت,,,و كل فين و فين لما اسافر,,,بس لسه أملي في ربنا كبير,,,و يمكن الأحوال تتعدل و تبقي أحسن
و الحمد لله علي كل شيء
و كل سنه و إنت طيب

---

و انتا طيب يا باشا و بخير ... مرسيي جدا

Have fun as much as you can هيا الحياة كدا

و لسه بدري قدامك العمر طويل يعني :ma:

انبسط لك يومين و عيش اللحظة ..... محدش عارف بكرة فيه ايه .....

بس ايه يا عم النيولوك دا .... صورة و كلمات جامدة جدا

من احلي اغاني البت ماريا كاري ........... رائعة بجد

دانتا حوارك حوار هههههههههههههههه

مش بحس باي حاجه وغالبا مش بفتكر اصلا ودايما ياامي يامراتي هي اللي تفركني
ده انا حتي السنه اللي فااتت جبت تورتات في كل اعياد الميلاد بتاعة مراتي وابني واخواتي ووالدي والدتي ومرضيتش اجيب لنفسي

بصراحه مش عايز احط موضوع السن ده في دماغي عشان انا ليا شوية اهداف احققها في حياتي ومرتبهم باولويات ومش فارقه بقي سنه كان سنه المهم اني بحقق اللي انا عايزه وخلاص

انا عيد ميلادي الـ 20 برضوا كان قبل حضرتك بـ شوية حلوين كده يجي من 29\5 اللي فات بالضبط ولكن للأسف انا عشان كنت عايش برة وجيت مصر هنا ودخلت كلية زي اي محروس في بلدنا الحبيبة واكتشفت انو دفعتي يا نهار ابيض كله 17 سنة اكبر واحد فيهم 18 وسوكة طبعا انا كل ما ابصلهم وافتكر انه لسة 5 سنين كلية وجيش كمان يعني ها اتخرج منها على رأي سعيد صالح كده على المقابر على طول احس اني ها اتخرج من طب مش هندسة يعني بالميت كده على 26 مش قبل كده ههه ولكن اهي مشاية وبترزق

كل سنة وأنت طيب يادكتور مغربي...........وعادي كل مرحلة وليها طعمها وبتختلف من أنسان لأنسان كل واحد ليه شخصية وطريقة في التفكير وظروف كتيرة ..........وفعلا العمر بيجري زي الرهوان هههههههه.........وعلي فكرة لغاية فترة قريبة كنت فاكر سنك مش أقل من ال30 وعرفت أنك في أوائل العشرينات من موضوع تاني كنت مشارك فيه....أنا شاكك حبك في الألفاروميو يكون السبب:satelite:

كل سنة ونت طيب اولا

انا كان نفسي اتم عشرين سنة علشان بس تاني يوم اغني اغنية امبارح كان عمري عشرين

مع ان قبلها كان نفسي اكون 16 واطلع بطاقة

و 18 واعمل رخصة

وفالاخر كنت بقول لماما نفسي يبقي عندي 21 علشان استلم الميراث

وطبعا كان الرد المناسب انها بتحدفني باي حاجة تلاقيها فوشها

لحد مبقتش انتظر اي سن خلاص وبقيت بعيش اللحظة

life's short..so, live the moment

انا كملتهم ال 20 يوم 9/5 ومش حاسس فرق كبير بس كان زمان بحلم باليوم برده اكمل 16 علشان اعمل بطاقه وادخل الكليه و18 اعم رخصه ويبقى معايا عربيه 20 بقى نفسى اتخرج من الكليه وبتقدير كويس واشتغل ف مكان كويس وااولا ان ربنا يرحمنا ويسكنا جنته ان شاء الله

وكل سنه وانت طيب

انا داخل على 24 سنة
يعنى على كلامكم انا فاضلى سنة و أدخل مرحلة الإكتئاب
إنا لله و إنا إليه راجعون

على العموم يا مغربى يا إبنى انا لما عديت 20 سنة محستش بحاجة خالص
بس بعد كده بقيت بحس إنى عايز أعرف الدنيا من حواليا فيها إيه
بقيت أهتم بالقراءة بالذات فى الفترة الأخيرة
و رحت إشتريت عجلة و بقيت بنزل بيها شوية الصبح بدرى فى محاولة انى أربط نفسى بالرياضة قبل فوات الأوان

و طبعآ طلعت رحلات كتير و رحت الأماكن اللى كان نفسى أشوفها فى مصر

و حاليآ مستنى مصيرى فى الجيش و ربنا يعديها على خير

اولا كل سنة وانتا طيب وعقبال10000000000000000 سنة
ايه ياجماعة فى ايه
وحدوا الله كدة وثقوا بيه
انتو هاتكئبونا وتكئبو الراجل ليه
عادى انا الحمد لله لما كملت عشرين سنة
حسيت انى داخل مرحلة تانية خالص كلها مسؤليات ومستقبل قدامى لسة طويل
بس كنت بزعل شوية واضايق من بعض الحاجات
وبعد كدة بتعدى عادى جدا وعديها قول الحمد لله على النعمة اللى انا فيها
اهم حاجة مستقبلك ودراستك هما دول اساس اللى جاى كله
ولازم يكون عندك تخطيط كويس وتبقى عارف انتا عايز ايه
وتؤمن بالله كويس ويبقى عندك ثقة بنفسك
وان شاء الله الحياة هاتبقى كويسة وكل ماتعدى عليك مرحلة تضحك عليها وتقول انا ايه اللى كنت بعمله دة
وربنا يوفقك فى حياتك ان شاء الله

بص يا سيدي وستي وكل الزملاء في المنتدي الرائع
سنين عمرنا من وقت التكليف يعني بعد البلوغ
عبارة عن زمن لجنة امتحان وكل واحد قدامه وسائل مساعدة واختيارات(قيمة الانسان ما يجيد عمله)
وكل امتحان مختلف عن التاني محدش يبص في ورقة اللي جنبه يركز في ورقته لان مفيش حد امتحانه زي التاني لان الظروف ممكن تكون متشابهة وليست متطابقة والموضوع داخل فيه النية والعلاقات بكل من حولك من اول الجماد الي ما شاء الله تكون كويسة (وطبعا صوابع ايديك مش زي بعضها) ربنا يرضي عنا ويحسن ختامنا وأن نكون من السعداء جميعا (high score ان شاء الله)
وكل سنة وانتم طيبين جميعا وعقبال عيد الميلاد المية وزيادة

اقتباس:

---

المشاركة الأصلية كتبت بواسطة shaddadfalcon1

مش بحس باي حاجه وغالبا مش بفتكر اصلا ودايما ياامي يامراتي هي اللي تفركني
ده انا حتي السنه اللي فااتت جبت تورتات في كل اعياد الميلاد بتاعة مراتي وابني واخواتي ووالدي والدتي ومرضيتش اجيب لنفسي

بصراحه مش عايز احط موضوع السن ده في دماغي عشان انا ليا شوية اهداف احققها في حياتي ومرتبهم باولويات ومش فارقه بقي سنه كان سنه المهم اني بحقق اللي انا عايزه وخلاص

---

وان شاء الله يا شداد تحقق كل الي انتا عايزه يا مان :S_thum1[1]:

اقتباس:

---

المشاركة الأصلية كتبت بواسطة sayed911

انا عيد ميلادي الـ 20 برضوا كان قبل حضرتك بـ شوية حلوين كده يجي من 29\5 اللي فات بالضبط ولكن للأسف انا عشان كنت عايش برة وجيت مصر هنا ودخلت كلية زي اي محروس في بلدنا الحبيبة واكتشفت انو دفعتي يا نهار ابيض كله 17 سنة اكبر واحد فيهم 18 وسوكة طبعا انا كل ما ابصلهم وافتكر انه لسة 5 سنين كلية وجيش كمان يعني ها اتخرج منها على رأي سعيد صالح كده على المقابر على طول احس اني ها اتخرج من طب مش هندسة يعني بالميت كده على 26 مش قبل كده ههه ولكن اهي مشاية وبترزق

---

كل سنة وانتا طيب و عقبال 1211 سنة :))

صدقني واسمع مني ,, السنين دي مش فارقة اي حاجة

المهم الي بتحققه وانتا بتدرس مش السن .... و ان شاء الله تخلص بدري بدري :36_7_7[1]:

اقتباس:

---

المشاركة الأصلية كتبت بواسطة otefa

كل سنة وأنت طيب يادكتور مغربي...........وعادي كل مرحلة وليها طعمها وبتختلف من أنسان لأنسان كل واحد ليه شخصية وطريقة في التفكير وظروف كتيرة ..........وفعلا العمر بيجري زي الرهوان هههههههه.........وعلي فكرة لغاية فترة قريبة كنت فاكر سنك مش أقل من ال30 وعرفت أنك في أوائل العشرينات من موضوع تاني كنت مشارك فيه....أنا شاكك حبك في الألفاروميو يكون السبب:satelite:

---

بشمهندس ...... منور الموضوع يا كبير والله:S_thum1[1]:

و حضرتك طيب و بخير يارب ...الف شكر

مش عارف بقا ......... فعلا كل الناس كانت فكراني كبير حبتين :C_laugh[1]: مش عارف ليه !!

و اكيد الالفاروميو مش اي حد يحبها يا باشا ....... لازم يكون قدها :36_9_4: ولا ايه ....

اقتباس:

---

المشاركة الأصلية كتبت بواسطة icehearted girl

كل سنة ونت طيب اولا

انا كان نفسي اتم عشرين سنة علشان بس تاني يوم اغني اغنية امبارح كان عمري عشرين

مع ان قبلها كان نفسي اكون 16 واطلع بطاقة

و 18 واعمل رخصة

وفالاخر كنت بقول لماما نفسي يبقي عندي 21 علشان استلم الميراث

وطبعا كان الرد المناسب انها بتحدفني باي حاجة تلاقيها فوشها

لحد مبقتش انتظر اي سن خلاص وبقيت بعيش اللحظة

life's short..so, live the moment

---

وانتي طيبة يا دكتورة .... مرسيي كتييير :Y_hi_3[1]:

بالنسبة لموضوع كان عمري عشرين .... مش حرد عليه دلوقتي هههههههههههههههههههههههه

و ميراث ......... ياحول العالم !!! و بتقوليها فوش مامتك كدا هههههههههههههههه

و فعلا اني اعيش اللحظة هوا انسب و احلي حل ... و اريح الدماغ ... بس مش علي طول الواحد بيعمل كدا

ساعات التفكير فلي جي بيأثر عليك ... سواء بالسلب او الايجاب

I will .

اقتباس:

---

المشاركة الأصلية كتبت بواسطة MoHaMed HaMeD

انا كملتهم ال 20 يوم 9/5 ومش حاسس فرق كبير بس كان زمان بحلم باليوم برده اكمل 16 علشان اعمل بطاقه وادخل الكليه و18 اعم رخصه ويبقى معايا عربيه 20 بقى نفسى اتخرج من الكليه وبتقدير كويس واشتغل ف مكان كويس وااولا ان ربنا يرحمنا ويسكنا جنته ان شاء الله

وكل سنه وانت طيب

---

كل سنة وانتا طيب يا محمد باشا :S_thum1[1]:

و ان شاء الله تتخرج و تلاقي شغلانة حلوة و ربنا يحققلك كل الي انتا عايزه

اقتباس:

---

المشاركة الأصلية كتبت بواسطة amr mokhtar

على العموم يا مغربى يا إبنى انا لما عديت 20 سنة محستش بحاجة خالص
بس بعد كده بقيت بحس إنى عايز أعرف الدنيا من حواليا فيها إيه
بقيت أهتم بالقراءة بالذات فى الفترة الأخيرة
و رحت إشتريت عجلة و بقيت بنزل بيها شوية الصبح بدرى فى محاولة انى أربط نفسى بالرياضة قبل فوات الأوان

---

احب انا الدماغ دي اوي اوي

بجد احييك .... انتا كدا عايشها صح يا عمرو :)) القراءة فعلا بتخليك انسان تاني

اقتباس:

---

المشاركة الأصلية كتبت بواسطة momo_sunny

اولا كل سنة وانتا طيب وعقبال10000000000000000 سنة

عادى انا الحمد لله لما كملت عشرين سنة
حسيت انى داخل مرحلة تانية خالص كلها مسؤليات ومستقبل قدامى لسة طويل
بس كنت بزعل شوية واضايق من بعض الحاجات
وبعد كدة بتعدى عادى جدا وعديها قول الحمد لله على النعمة اللى انا فيها
اهم حاجة مستقبلك ودراستك هما دول اساس اللى جاى كله
ولازم يكون عندك تخطيط كويس وتبقى عارف انتا عايز ايه
وتؤمن بالله كويس ويبقى عندك ثقة بنفسك
وان شاء الله الحياة هاتبقى كويسة وكل ماتعدى عليك مرحلة تضحك عليها وتقول انا ايه اللى كنت بعمله دة
وربنا يوفقك فى حياتك ان شاء الله

---

ربنا يخليك يا مومو و حضرتك طيب يا ريس

و ربنا يخليك عالدعوة الجميلة اوي دي ........ امين يارب

انا 24 و حاسس فعلا ان العمر بيجرى من تحت ايدى

يا مكة لسه شباب يا باشا

ربنا يديلك كل الي تتمناه ان شاء الله

كل سنة و انت طيب و عقبال ال 100 م يا سيدى الايام بتعدى

كل سنه وانت طيب
انا داخل على ال22
ربنا يسترها
انا اللى عدى على فى آخر 5 سنين
بيخلينى اقول هوانا لسه هقدر أستحمل لحد امتى :(:(

فعلا انا موقن ان المسؤليه هى اللى هتخليك تحس برتم السنسن الرخم وهو بيعدى عليك
بيخليها تعدى بسرعه وببطء فى نفس الوقت
اللحظات القليله الحلوه بتعدى بسرعه البرق
والباقى بطىء بطء السلحفاه

اقتباس:

---

المشاركة الأصلية كتبت بواسطة heshamzaky

كل سنة و انت طيب و عقبال ال 100 م يا سيدى الايام بتعدى

---

وانت طيب يا هشام بيه الف شكر :satelite:

اقتباس:

---

المشاركة الأصلية كتبت بواسطة blazer

كل سنه وانت طيب
انا داخل على ال22
ربنا يسترها
انا اللى عدى على فى آخر 5 سنين
بيخلينى اقول هوانا لسه هقدر أستحمل لحد امتى :(:(

فعلا انا موقن ان المسؤليه هى اللى هتخليك تحس برتم السنسن الرخم وهو بيعدى عليك
بيخليها تعدى بسرعه وببطء فى نفس الوقت
اللحظات القليله الحلوه بتعدى بسرعه البرق
والباقى بطىء بطء السلحفاه

---

فعلا دا الي انا حسه بالظبط :120146b اهي كلها ايام و بتعدي يا باشا

كل سنة وانتا بالصحة و السلامة:ma:

اقتباس:

---

المشاركة الأصلية كتبت بواسطة m.almaghraby

يا مكة لسه شباب يا باشا

ربنا يديلك كل الي تتمناه ان شاء الله

---

انا اسف يا باشا و الله مختش بالى من الرد غير دلوقتى

و شكرا على الدعوة

و نفسى اتخلص من الاحساس ده باذن الله

و كل سنة و انت طيب يا باشا