الموضوع: استفسار عن العربية فيات 1100 (القردة ) ؟

المشاركة الأصلية كتبت بواسطة fadod

حاولت كتير أفهم إيه الحكمه إن البابين بتوع العربية يفتحو عكس بعض ومفهمتش ..إيه تفسيرها لو حد يعرف

علشان لو عربية جاية ونتا بتفتح الباب الباب يتقفل مش يطير

المشاركة الأصلية كتبت بواسطة fadod

حاولت كتير أفهم إيه الحكمه إن البابين بتوع العربية يفتحو عكس بعض ومفهمتش ..إيه تفسيرها لو حد يعرف

حضرتك دى موديلات الستينات وكان فيه بيتلز كمان كده

وطبعا عربيات الخمسينات والستينات كانت كده وكالعاده لما انتجوها عملوها نفس الفكره وعلى فكره دى كانت حاجه جاااااااااااامده ساعتها

وبعد كده انتجو منها النسخه ال D ودى كانت الابواب بتتفتح عادى والفتيس مش معلقه فى الدركسيون زى النسخه القديمه

وبعد كده انتجو النسخه ال r زى الى فى الصوره الى فوق وكانت تواكب التططور بتاع السيارات اواخر السبعينات حتى 83 تقريبا وكان فيها تابلوه بعكس النسخ القديمه التابلوه فى صاج فى الصدر زى البيتلز
وبعد كده اتوقف انتاجها لان الاسود ال 127 وال 128 كانو اكلو السوق والنصر ابتدت فى انتاجهم

المشاركة الأصلية كتبت بواسطة misoalex

مهو احنا احبطنا الراجل يا سمسم بس احنا بنقول الحق

سيبك انت احلى حاجه ان الموضوع ده فكرنى بنفسى زمان من 5 سنين كنت حشترى واحده r وكان لونها احمر شبه الى كان راكبها احمد السقا فى مسلسل ظريفه لو تفتكره ههههههههههه كان شكلى حيبقى تحفه فيها ركبتها وتخليت نفسى كده هههههههههههه وطبعا صرفت نظر بعديها وكان سعرها ايامها 8 الاف وكانت برضه مطلوبه وفيه ناس بتركبها

شبهه دى

هههههههه بس ديه شكلها معقول شوية :b4_282:

المشاركة الأصلية كتبت بواسطة moamen_mo3gza

مع احترامى لحضرتك الواضح ان حضرتك راكب سيات يعنى مش هتفرق كتير فى الركوبه عن دى انا اسف لو هاضيقك بس انا بقولك وجهة نظرى

اولا انا مش راكب سيات معلوماتك غلط انا كاتب العربيه الاولى سيات
يا سيدى الفاضل ولو على الفرق بين الاتنين لا الفرق كبييييييييييييييييييييير
وانا ركبت 3 عربيات سيات ورا بعض وكلهم معدلين فى الشكل والموتور يعنى اول واحده كانت فيها عتب وكساحات وفتحه سقف ولونها نحاسى ميتاليك وبموتور 127 وصالون وتابلوه بيج
اركب السيات ولا العربيه الى فى الصوره الى من ايام تحتمس

تركب سيات بالمواصفات الى بقول عليها ولا تركب 1100

وبعدين السيات ليها جمييييييييييييع قطع الغيار جديده واستعمال
وبيتعدل فيها كل حااااجه حتى الموتور بيتغير بواحد 127 زى مكنت عامل وانا كنت بحب السيات جدااااااااا لانها عربيه لذيذه وخفيفه ولو هى مش عجبانى مكنتش ركبت 3 عربيات ورا بعض سيات كنت غيرت لاى حاججه تانيه


حضرتك بقا ال1100 صاحبى كان شاريها ب 7 الاف وكان داااااااايخ بيها ومش لاقى ليها قطع غيار ولا حد بيفهم فيها وحتى حاجات عبيطه مكانتش موجوده ليها زى الفوانيس والباغات بتاعه الاشارات و حاجات فى المكانيكا وغيره وكانت بتقف بالاسابيع عشان قطعه غيار ده غير صوت الكرونه الجمييييييييييل الى اقوى من صوت الموتور الى يخليك تنزل من العربيه عامل دماغ موسيقى ميكانيكيه
والسيات طبعا حاجتها موجوده عند البقال وارخص من 127 وبتتوافق معاها فى حاجات كتير
اظن الميزه الى فى ال1100 ان الموتور ادام (بس برضه بتسخن ) والعربيه ليها باب ورا بس برضه ضيقه جدااااااااااا
انا بتكلم عن تجربه العربيتين وشوفت الفرق بينهم والفرق كبيييييييييييييييير

ولو حضرتك امتلكت عربيه من ال 2 ياريت تقول ايه وجهه نظر حضرتك وتجربتك