الحمد لله ربنا اكرمني باوبل فيكترا 99

**Nahas** · 20-09-2010 01:39 PM

استاذي نجد اشكرك على ردك وحبك للخير ليا ودي سمات اهل المنتدى الافاضل اللي انا باتشرف باني عضو معاكم
ان شاء الله اعمل الخطوات اللي حضرتك نبهتني ليها
وجازاك الله كل خير

**Nahas** · 20-09-2010 01:45 PM

استاذ اسلام البنا
اشكرك على ردك ونصيحتك ان شاء الله اعملها وحضرتك نبهتني للجنبين انا كنت متخيل اني هاغير بس الطنابير بالتيل بس
اشكرك على اهتمامك ونصيحتك

**Nahas** · 20-09-2010 01:47 PM

المشاركة الأصلية كتبت بواسطة hellboy

الف مبروك وماشاء الله العربيه سعرها حلو ...زي مااسلام قال غير الفرامل الخلفيه وسوست امامي وربنا يديك خيرها ويكفيك شرها .

الله يبارك في حضرتك
اللهم لك الحمد ان ربنا وفقنا بيها وان شاء الله اغير السوست والتيل ولك جزيل الشكر

**Nahas** · 20-09-2010 01:49 PM

المشاركة الأصلية كتبت بواسطة islambana

بالنسبه للسوست الامامي اكشف كويس علي العفشه قدام لو لقيت المساعدين اي كلام او تعبانين هات طقم كامل 2 مساعد +ياي +بطاحه استيراد هيبقوا في حدود 400 جنيه بالمره بدل ماتفك علشان تغير الياي وبعد كده تحتاج تغير مساعدين تاني
خبطه بالمرزبه ولا 100 بالشاكوش

ان شاء الله اكشف على المساعدين وطالما هافك يبقى مرة واحدة زي حضرتك ما قولت
وان شاء الله اعملها اول ما ربنا ييسر لي الحال وافضى من الشغل

**Nahas** · 20-09-2010 01:53 PM

المشاركة الأصلية كتبت بواسطة kareemz

الف مبروك يا باشا و ربنا يباركلك فيها و يحفظهالك.

أولا بالنسبه لمشاكل التغيير من 1600 ل 2000 ايكوتيك ف ان شاء الله مفيش مشاكل لو المكنه اتسقطت صح و ما دام جايه بفتيسها و اللى كشفوا لك عليها قالوا لك ان مفيش مشاكل و مفيش عندك لمبات منورة فى التابلوة يبقى ان شاء الله مفيش مشاكل.

المفروض كان صاحبها يعدل الفرامل اللى ورا لسكاكين عشان الموتور الايكوتيك عزمه أشد طبعا من ال 1600 و برضه كان المفروض يغير السوست اللى قدام عشان الموتور أتقل من بتاعها .. زى ما اسلام قالك.

بالنسبة للتكييف روح للحاج عاطف اللى طنانى بيتعامل معاه .. واضح انه فاهم جدا و شاطر.

و لو احتجت لأى حاجه بجد هتلاقى الناس هنا تساعدك لأقصى حد .. و ربنا يبارك لك فيها و يحفظهالك

الله يبارك في حضرتك
الحمد لله اللمبات مافيش فيها حاجه
بس تقريبا اللي اشتريتها منه خبرته مش كبيرة بس الحمد لله انا حاسس ان فيها خير ان شاء الله من صوت الموتور وعزمة
وان شاء الله اعرف من طناني مكان الحاج عطف وان شاء الله اوفق فيي التكييف

**Nahas** · 20-09-2010 01:55 PM

المشاركة الأصلية كتبت بواسطة tananybasha

الف مليون مبروك
السوست الأمامية لازم تتغير او يركب علاية 3 زنبه ليها
الفرامل الخلفية لازم تتعدل عشان تتناسب مع قوة الموتور
التكييف امرة سهل طالما مفيش تسريب

يا كبيرنا اشكرك على ردك ونصيحتك ان شاء الله والاخوة الافاضل تتم باذن الله
بالنسبة للتكييف الحمد لله ما فيش تسريب خاصة لما كشغت عليه في طنطا عندنا وقاللي انه عايز يتغير الفريون بس
اشكرك يا بو حميد على اهتمامك

**Nahas** · 20-09-2010 01:56 PM

المشاركة الأصلية كتبت بواسطة bedo13

الف مبروك ياباشا ربنا يديك خيرها ويكفيك شرها...

ربنا يبارك في حضرتك ولحضرتك بالمثل ان شاء الله

**lancerevolution** · 20-09-2010 02:02 PM

ألف مبروك يا باشا
بالنسبة للفرامل فا لازم فعلا تبقى سكاكين ورا

**tananybasha** · 20-09-2010 03:39 PM

المشاركة الأصلية كتبت بواسطة nahas

يا كبيرنا اشكرك على ردك ونصيحتك ان شاء الله والاخوة الافاضل تتم باذن الله
بالنسبة للتكييف الحمد لله ما فيش تسريب خاصة لما كشغت عليه في طنطا عندنا وقاللي انه عايز يتغير الفريون بس
اشكرك يا بو حميد على اهتمامك

العفو يا باشا
هيبقى الفريون و بلف الضغوط معاه

-

الموضوع: الحمد لله ربنا اكرمني باوبل فيكترا 99

LinkBack

أدوات الموضوع

عرض

-

-

المواضيع المتشابهه

ربنا ستر...الحمد لله

الحمد لله رينا اكرمني بالكارينز

الحمد لله علي كل شيء (ربنا ستر )

الحمد لله ربنا نجانى ...خمسة كانوا هيثبتونى ..الحمد لله

الحمد لله , ربنا اكرمني وانضميت للعائلة اللانسراوية

الكلمات الدلالية لهذا الموضوع

المفضلات

المفضلات

ضوابط المشاركة