تستلمها على خير ان شاء الله :):verygood:
عرض للطباعة
طب يا احمد، مش حقول لك حضرتك بقى عشان انا عبدالرحمن و عندى 21 سنة :d
معلش قل لى بالظبط ايه اللى بيتغير فى صيانة العشرين الف عشان انا لسة جديد فى الموضوع
تغيير زيت
الزيت اللى بيتغير دة زيت الموتور بس ولا فى زيوت تانية بتتغير؟ زيت الباور مثلا او زيت الفرامل ؟ ولا الحاجات دى اعملها مع نفسى (تزويد بس؟)
الفلاتر اللى بتتغير، فلتر الزيت بتاع الموتور ولا فى فلاتر تانية بتتغير؟ فلتر الهوا مثلا؟ و فلتر البنزين؟
هو انا جبت الكتالوج بتاع باليو بس الهندى و الظاهر ان مواعيد الصيانة فى مختلفة عن الكتالوج اللى معاك..
اهلا بيك ... واهلا برجالة الباليو بص ياسيدي اللي بيتغير في صيانة ال 20000 هوكالاتي :
زيت موبيل كل 10000 - فلتر زيت - فلتر هواء - فلتر بنزين - بوجيهات
زيت الباور لو نقص بس
- بالنسبة لزيت الجير بوكس مكتوب يتغير عند ال 80000 بس الافضل طبعا يتغير على ال 50000 ان شاء الله
- زيت الباكم (الفرامل ) يتغير عند ال 30000 وال 60000 وال 90000 وهكذا
ولو حضرتك عاوزني اصورلك جدول الصيانة انا في الخدمة
يا احمد.. قلنا متقولش حضرتك بقى :)
انت كدة 100 100 و الله، بس لو كمان عرفت تصور لى جدول الصيانة تبقى 200% :)
عشان كنت عايز اشوف امتى سير الكاتينة و الحاجات دى تتغير عشان ابقى عارف بس من قبلها بفترة عشان مخاطرش..
بس يا احمد، انا شايف ان كل الحاجات دى بسيطة و مستكتر الفلوس اللى حياخدوها فى التوكيل على صيانات بسيطة زى دى
يعنى زيت الموتور و فلتر الزيت و فلتر الهوا و فلتر البنزين كل دى حاجات صغيرة اعتقد كتير عليها بزيادة 750 جنيه..
على العموم، احتمال ابقى اروح قريب لمركز خدمة.
اللى اشتريت منه العربية كان قال لنا عليه و قال انهم فاهمين فى العربية كويس و بيقول الراجل اللى شغال هناك كان شغال فى التوكيل وبعد كدة سابهم و فاتح لوحده تقريبا دلوقتى.. و اكيد برده اسعاره ان شاء الله تبقى احسن من اسعار التوكيل
شكرا يا احمد على المعلومات دى :)
يا عوبد ولا يهمك ... وان شاء الله بكره بالكتير هصورلك الجدول وارفعهولك على المنتدى ... وسير الكاتينة هيتغير ان شاء الله على ال 40000 ... وفعلا اسعار التوكيل مبالغ فيها .... بس انا في دمياط وملقتش حد بيفهم في العربية بس لو على الزيوت والبوجيهات لو عملناها بره عاادي ... لكن الحاجات الكبيرة لقدر الله في التوكيل عشان مش هتبقى ناقصة لكلكة :)
آه منا قصدى كدة، يعنى اى حاجة ليها علاقة بالcontrol unit او الحاجات التقيلة لأن حخاف اروح لحد يبوظ فيها حاجة تتكلف جامد
يعنى لو حد بوظ الكنترول يونيت حدفع كتير ، كدة يعنى
لكن تغيير زيت الموتور و الفلاتر و الحاجات دى مش مستهالة توكيل و مصاريف التوكيل :)
و شكرا مقدما يا ميدو :)