اليكم اسعارصيانات البونتو كلاسيك

**ahmadmidop** · 19-09-2010 03:02 PM

طبعا اانا هكتب اسعار الصيانات بتاعت عربيتي الباليو هيا والبونتو يعتبرو زي بعض تقريبا فعشان كده اسعار الصيانات هتكون متقاربة بنسبة 90 في الميه

- طبعا صيانة ال 5000 بتكون مجانية بيشيكو على العفشة وعلى العربية بصفة عامة

- صيانة ال 10000 تغيير زيت وفلاتر ودي تكلفتها عندي 445 جنيه مصري لاغير

- صيانة ال 20000 تغير زيت وفلاتر وبوجيهات ودي تكلفتها 744 جنيه مصري لاغير

- صيانة ال 30000 زيت وفلاتر ودي تكلفتها 500 جنيه مصري لاغير

- صيانة ال 40000 زيت وفلاتر وبوجيهات وسيور كاتينة وغيرها وزيت باكم ودي تكلفتها 1360 جنيه مصري لاغير

- صيانة ال 50000 عملتها بره بقى ههههه

بس لازم نلاحظ ان الزيت الموبيل بياخد مبلغ كبير بردو من تكلفة الصيانة يعني ساعات يعمل 260 جنيه (سعره متغير حسب سعر السوق )

بس كده واي سؤال انا في الخدمة

**ahmedmohamed7** · 19-09-2010 03:27 PM

اولا الف شكر على مجهودك يا باشا :)
بالنسبة لصيانة ال20 الف ليه البوجيهات اتغيرت؟ حضرتك شفتها فعلا انها مش سليمة؟ مش اعتقد انها بتتغير بعد 20
بالنسبة لصيانة ال 40 الف البوجيهات اتغيرت تانى !!! طيب و فيه سير كاتينة بتغير على ال 40 الف؟ تقريبا بيتغير بعد كده بكتيرر تقريبا على 80
استاذن حضرتك تقولى الحجات ديه فى الكتالوج موعد تغيرها امتى

**ahmadmidop** · 19-09-2010 03:46 PM

بس ياباشا هما بيمشو زي الكتالوج بالظبط فعلا .... اي نعم انتا حتى ممكن تغيرهم على ال 30000 مش هيقولو لأ بس هم بيعملو المضمون عشان العربية متعملش معااك حركة ندااالة ... مكتوب في الكتالوج البوجيهات كل 10000
يعني انتا تغير بوجيهات في ال 20000 في ال 30000 لأ تغير في ال 40000 في ال 50000 لأ وهكذا
بالنسبة لسير الكاتينة في ال 40000 والكاتالوج بيقول كده انتا ممكن توصل بيه بردو لحد 60000 بسه بردو لو اتقطع فجأة لقدر الله الموتور هيضيع ولا ايه

**ahmedmohamed7** · 19-09-2010 03:51 PM

مادام الكتالوج بيقول كده يبقى مافيش كلام بعد كده :):)

طيب مش ممكن تقولهم انا مش عايز اغير الحاجه الفولانيه لو حضرتك متاكد انها سليمه ولا مينفعشى ؟ زى التيل مثلا لو حضرتك طلبت عدم تغيرو ايه رد فعلهوم :)؟

**ahmadmidop** · 19-09-2010 03:53 PM

لأ عااااااادي براحتك هما بصراحة بيستهبلو في حوار التيل والطنابير هما قالولي في صيانة ال 40000 التيل عاوز يتغير قولتلهم لأ عاااادي وغيرتوا انا في صياتة ال 50000

**ahmadmidop** · 19-09-2010 03:55 PM

حضرتك ناوي على ايه ان شاء الله

**ahmedmohamed7** · 19-09-2010 04:13 PM

المشاركة الأصلية كتبت بواسطة ahmadmidop

حضرتك ناوي على ايه ان شاء الله

لا لا انا اقول حضرتك ماشى لكن تتقالى مينفعشى :)))
انا اسمى احمد 20 سنه :)

السيد الفاضل والدى بيفكر يجيب عربية جديدة ان شاء الله طبعا ان نطيت و مسكت فى الوضوع علشان لازم تكون فيات :)

بس المشكلة ان التوكيل مش راضى :( مافيش لينيا و الايفو انا عايز مالتى اير :(

**ahmadmidop** · 19-09-2010 04:18 PM

اهلا بحضرتك انا احمد بردو و 20 سنة :)

طبعا لاازم نقول حااضر بس ما تتقلش لينا ههههههههههه

ومعلش استنى على التوكيل شوية لما نشوف هيعملو ايه !!

**ahmedmohamed7** · 19-09-2010 04:32 PM

ان شاء الله بس انا مش هقدر استحمل الضغوط ديه كتير خصوصا اا العربيات كتير فى الفئةالسعريه ديه (100الف) انا مش عارف الاقيها منين والله يا احمد يا اخويا :))))