كلامك عين العقل
عرض للطباعة
منطق العقل غير منطق العاطفة والعقل بيقول انه يسيبها لانها جبااااااااااااارة بمعنى الكلمة مش عشان كدبت عليه لأ هو مش جوزها ويعتبر غريب لكن عشان كدبت على اهلها اللى هى عايشة معاهم فى بيت واحد
اللى تعرف تحبك الحبكة دى صح توقع منها اى حاجة بعد كدة...بغض النظر عن سبب كذبها او.. او... او ....
اما منطق العاطفة والحب والكلام ده.. يبقى يسامحها ..بس والله المنطق ده مش بيعيش كتيير
مع احترامى لرأى حضرتك كدبة عن كدبة تفرق
يعنى ماينفعش اساوى كدبة بيضة باللسان(زى انا اتصلت بيك مارديتش...يقولى اصلى كنت نايم وهو اصلا كان صاحى) بكدبة مترتبة ولازملها ترتيبات عالية زى انها تخبى على اهلها وتظبط كل حاجة على الاساس ده
طبعا مافيش حاجة فى الدين اسمها كدبة بيضة وسودا بس بجد كدبة عن كدبة تفرق
والكمال لله وحده و مافيش حد مابيغلطش
+111111111111111111
يا شنورى يا مدرسه(اسمحلى)
الكلام ده صح جدا....هل هو مكدبش طول حياته سواء عليها او عموما؟ ليه ديما بندى نفسنا الحق للغلط فى بعض الاشياء ولما بتحصل فينا بنحاكم المخطئ فى حقنا بكرباج؟
تحياتى
يا سيدى الفاضل مع كامل احترامى لرد حضرتك بس زى مانت قلت مفيش حاجه اسمها كدبه بيضاء وسوداء,الكدب هو الكدب وهو فى جميع الحلات ضعف من الانسان اذن لا يوجد مجال للمقارنه بين كدبه وكدبه كله كدب
تحياتى
ان بنت تخبى على ابوها وامها اللى مربينها موضوع مهم زى ده
اومال حتعمل ايه فى جوزها
أنا مقتنعة أن الكدب ده أسوأ حاجة في الدنيا و سبب أغلب المصايب. يعني فعلا الصدق منجي. خصوصا بين الزوجين مينفعش الست تكدب على جوزها أبدااااااااااااااا. و لا هو كمان المفروض يكدب عليها.
بس للأسف لو كلنا فكرنا بالعقل كدة هو أحنا و أحنا صغيرين في المدرسة و الجامعة عمرنا ما كدبنا على أهلنا؟؟ للأسف حصل و كتير كمان, لأن الواحد و هو صغير - خصوصا لو أهله شداد قوي - بيبقى بيلجأ لموضوع الكدب ده خوفا من العقاب أو عشان عايز يعمل حاجة أهله مش موافقين عليها. مش بقول أن ده صح أطلاقا بس ساعات في السن الصغيرة الواحد بيعمل حاجات غلط و بعدين يتغير.
طبعا هي كدبت في حاجة كبيرة مش صغيرة, بس برضه هي صارحته بالحقيقة و ده يحسب لها. أعتقد ان صاحبك هو أكتر واحد يقدر يقيم الموقف, يعني هل لاحظ انها بطبيعتها بتكدب كتير؟؟ هل أخلاقها و التزامها بصفة عامة مرضيين. و قبل أي حاجة خليه يعمل استخارة و اللي فيه الخير ربنا يكتبهوله ان شاء الله.
بعد ما قريت الردود و الموضوع
فى الحقيقة مش عارفة احكم عالموقف
لأن فى حجات غامضة كتيرة مش مفهومة
زى مثلا كدبت على اهلها طيب ليه؟؟؟
الرد المنطقى ان اهلها ناس صعبة وكدبت من الخوف
طيب هى لواخلاقها مش كويسة كان خطبها اصلا؟؟؟؟؟
اكيد قبل ما يخطبها سأل عليها !!!
الفكرة هنا لو جيت اسألةانت كدبت على اهلك كام مرة ؟؟؟
هيقولى متعديش ههههههههههههه
مين فينا مكذبش ؟؟؟
مين فينا معصوم من الخطأ ؟؟؟
ربنا بيسامح واحنا لا ليه ؟؟؟؟
لكن لو هو شاف ان هى اخلاقها ككل مش مظبوطة فا يسيبها طبعا ودة حاجة هو بس اللى يعرفها
اما لو كانت كويسة و اخلاقها كويسة فا لية نظلمها من موقف واحد حصل منها؟؟؟
وهى اعترفتلة انها كذبت ودى مش سهلة ان الواحد يقول انةكذب كانت ممكن تحور بردة و تقولة بعيد رابعة عادى يعنى دة لو هى ناوية تكمل التمثيلية
لكن هى اكيد كانت بتفكر مع نفسها كتير ونفسها تقولة بس مفيش الشجاعة لكدة ، ولما قدرت و بقى عندها الشجاعةلكدة اتكلمت
و مش المفروض ندبحها بمجرد انها غلطت غلطة ، البنت عايزة تعف نفسها وتتجوز...
يا باشا الحوار يجي بالراحة التمس لاخيك سبعون عذرا
وده دليل على سماحة الاسلام على فكرة فى ناس كتير بتكدب تحت ضغط بتكون مضطرة انها تكدب
مش يمكن لو قالت لاهلها انها عايدة السنة مايخاوهاش تكمل تعليم
ومن ناحية فى بدالها طالما هو اختارها يبقى مش شايف حد غيرها لانها كانت وقتها احلى بنت فى عنيه
وعلى فكرة الحب من أجمل الحاجات فى الدنيا الواضح من كلامك انك جربت بتجربة قاسية شوية
بس جرب انك تحب والله من اجمل الحاجات فى الدنيا
على فكرة انا لا عامل فيها دور اسامة منير ولا حاجة
الأهل مش هيعاملوها كأنها في المدرسه ولا حاجه
بس عادة البنات بتحكي حصل كذا النهارده في محاضرة مش عارف ايه ...... شوية تواصل مع الأهل
والأهل كمان بيكونوا عارفين ومتابعين مواعيد المحاضرات والإمتحانات
شايفين الكتب والمواد والمراجع الدراسيه اللي ما اتغيرتش من السنه اللى قبلها
ده غير ان اصدقائها هيسبقوها في سنه دراسيه وهتكون صداقات جديده من الدفعه الجديده
انا مش قصدي حاجه غير انها تكبدت معاناه ومشقه طول سنه كامله علشان تحافظ على الكدبه دي
وأكيد اهلها متشددين معاها زياده في موضوع الدراسه ده
وفي الآخر هي اتصرفت صح انها اعترفت لخطيبها
طيب سوال معلش
هيا ليه كدبت علي خطيبها كمان ؟؟؟ ان شايف ان كدبها عليه مجرد للكدب و خلاص
و الله دة كويس جدا هههههههههه بس بجد هو مين الى حا يجيب مواعيد المحاضرات و الكلام دة و لو على الكتب ممكن تكون جابت كتب بتاعت السنة الى بعدها هههههههه الله أعلم بس انا بصراحة ما فكرتش فى التفاصيل دى بقدر ما قولت انها كدبت عشات تتخطب و تلبس دبلة و تفرج صاحباتها دة قدر تفكيرها و الله اعلم و بجد مش مفترض سؤ النية الجامد و بعدين هما اصحابها دول ما بيزيدوش و لا بيتغيرو اكيد ممكن تصاحب ناس جداد لانهم مش فى فصل دراسى أقصد فية ناس كتير جدا جدا المدرجات ما كنش الواجد بيعرف يقعد من اساسة و بصراحة الكلام دة كان من مدة بس يمكن دلوقتى الجامعة بقت مش كدة هههههههه و الله دة دعابة مش تريقة دة بجد و الله . على فكرة انتى فتحتى افكار ههههههههههههههههههه ضد البنت لانها لو فكرت فى كل دة تبقى موضبة الامور تمام التمام عن سبق الاصرار و الترصد يعنى هههههههههههههه:S_thum1[1]:
يوم ما خطيبتى عملتها و كدبت على اهلها و عليا تانى يوم فكيت الخطوبه اصلا هى مش امينه مع اهلها يبقى هتبقى امينه معايا ازاى
والله ما اقصد اكون ضدها خالص ليه كده حسستني بالذنب :stink[1]: :stink[1]:
ولو مشاركتي بالذات هتخليه يسيب خطيبته انا هأطلب من الإداره تحذفها
وانا مازلت عند رأيي انه يسامحها لإنها هي اللي اعترفت بنفسها وده لو هي مش متعوده تكدب يعني ده لظروف قهريه بس
وبعدين هي ممكن يكون اهلها مسافرين وفعلا كده مش هيعرفوا حاجه
وحضرتك بتضحك على موضوع المواعيد والمحاضرات بس احنا بيتنا كان كده
صحيح محدش كان بيشوف جدول المحاضرات بس كانوا بيكونوا عارفين اني هتأخر النهارده في العملي مثلاً او عندي تنفيذ أو محاضرات نظري وبعدها لف على المكتبات
واكيد كنا بنشتري كتب السنه الجديده
مش عارفه ايه الغريب في المتابعه والإطمئنان من الأهل
وحضرتك بتتريق على فكره بس الكليه علشان عملي دفعتي كلها بجميع اقسامها المختلفه كان عددها 300 بس
قلقتني من اللي كتبته حرام عليك :stink[1]::stink[1]::stink[1]:
فى ناس بيكونوا التعليم فية تكلفة جامدة عليهم ذى الجامعات الخاصة او كورسات و خلافة بيكون الاهل مستنيين غلطة واحدة من الابن مثلا عشان يظبتوة او ينقلوة حاجة تانية
لكن
أسمعوا بقى كويس اوى الجملة دى
كان فى واحدة معروفة فى دفعتنا اخلاقها مش تمام يعنى ماشية مع طوب الارض و عربيات وسفر وخلافة . أتخطبت لواحد اكبر مننا وميعرفش حاجة عنها وهى قطعت كل علاقتها بالماضى
تفتكروا كنا نروح ننبهة ونقولة خلى بالك خطيبتك كذا و كذا وكذا ؟؟
اختلفنا ورحنا سألنا قالوا (ذوى العلم) لا يجوز
يعنى من الأخر
لو واحدة زانية وتابت واتجوزت و جوزها ميعرفش ماضيها لا يجوز اننا نقولة
حتيجوا ع عيلة صغيرة خافت من اهلها عشان سقطت سنة تخربووا عليها
ياجماعة أرحموا من فى الأرض يرحمكم من فى السماء
أحنا كنا زييك كدة مش عارفيين نعمل اية رحنا سألنا كذا شيخ قالوا طالما تابت وربنا سترها لا يجوز فضحها ....
يعنى واحد منعرفوش نروح نقولة خطيبتك كذا و كذا ولا نعمل اية والله حاجة تحيير ولحد النهاردة محتار بس خلاص اتجوزوا من سنتين ومعاهم نونو صغير ....
وأعتقد ان واجب عليها هى انها هى اللى تعترفلة وتقولة مش احنا اللى كنا زمايلها فى الدفعة اللى نجيبة ونقولة ؟؟؟ رأيك اية؟
بسم الله الرحمن الرحيم
وَلِلَّهِ مَا فِي السَّمَاوَاتِ وَمَا فِي الْأَرْضِ لِيَجْزِيَ الَّذِينَ أَسَاءُوا بِمَا عَمِلُوا وَيَجْزِيَ الَّذِينَ أَحْسَنُوا بِالْحُسْنَى٣١الَّذِينَ يَجْتَنِبُونَ كَبَائِرَ الْإِثْمِ وَالْفَوَاحِشَ إِلَّا اللَّمَمَ إِنَّ رَبَّكَ وَاسِعُ الْمَغْفِرَةِ هُوَ أَعْلَمُ بِكُمْ إِذْ أَنْشَأَكُمْ مِنَ الْأَرْضِ وَإِذْ أَنْتُمْ أَجِنَّةٌ فِي بُطُونِ أُمَّهَاتِكُمْ فَلَا تُزَكُّوا أَنْفُسَكُمْ هُوَ أَعْلَمُ بِمَنِ اتَّقَى
صدق الله العظيم
لاحظت ان الكلمة دى اتقالت فى اكتر من رد للاعضاء
الجواز قسمة ونصيب ومش احنا اللى هانخرب او نوفق
ممكن احنا نقوله سيبها وهو يتجوزها وممكن احنا نقوله اجوزها وهو اللى يقرر يسيبها
وطالما لسة عالبر يبقى النصيحة فى الوقت ده مهمة ...لكن لو كان اتجوزها خلاص والله ماكنت هاتكلم فى الموضوع اساسا
وربنا يوفق الجميع..وبلاش نفكر بالعاطفة ....العقل فقط افضل فى الحالات دى
لان الجواز مش يوم او يومين ...لكن حياة كاملة
ايه الفشل ده ... يسيبها فورا والبنات علي قفا مين يشيل
:S_thum1[1]: كلام زي الفل و الله .....
واضح ان البيت مش مركز .... يعني ايه مايعرفوش انها سقطت سنة في الدراسة ... الكتب مش بتتغير .. المواد مش بتتغير .. و صاحباتها اللي كانوا معاها و بعدين سبقوها بسنة و مابقوش معاها في الدراسة راحوا فين ..؟؟!!
هي حاجة من اتنين ... يا اما البيت عندها مش مركز معاها خالص ... و دي مصيبة في حد ذاتها .
يا اما ان البيت مشترك معاها في الكذبة ... و دي مصيبتين .
و عقلك في راسك --- تعرف خلاصك.
بص يا باشا
البنت عندها 22 او 23 سنه تفرق لو الموضوع دا حصل مع بنت عندها 29 او 30 سنه
يعنى بجد البنت لسه عيله
الحاجه التانيه البنت مش محترفة كدب لانها مفكرتش هاتعمل ايه السنه الجايه لما تبقى فى رابعه واهلها يعتقدوا انها خلصت
وقتها هتضطر تكذب تانى وتقولهم انها سقطت فى رابعه وبتعيد اخر سنه
يعنى كل الموضوع انها اجلت المواجهة
هى قالت انها خافت تقول لاهلها انها رسبت عشان ما يرفضوش الجواز
انا أشك فى الموضوع دا ن واعتقد ان الموضوع له علاقه بالماديات (وطبعاً حاجه ذى دى محرجه تقولها لخطيبها)
دى انت تقدر تعرفها بنفسك من خلال معرفتك للحاله الماديه لاهلها
يعنى مثلاً لو والدها متوفى أو دخله محدود وعندها كم اخ واخت فى الجامعه والثانويه العامه
فالسنه فعلاً بتكلف على الاسره
الحاجه التانيه ممكن يكون انها كذبت بدافع نفسى (يعنى توع من الخجل والكسوف)
ودى تقدر تعرفها لو اخواتها وقرايبها متفوقين ومحدش فيهم رسب قبل كدا
وقتها بتحس ان رسوبها دا عار لحق بها ومصيبه مكسوفه منها وعايزه تخبيها عن الناس
ولو حد رسب قبل كدا فى الكليه ، هيحس الموضوع دا وبخاصه فى اول مره يكون رسب فيها
وكل واحد يقابله من جيرانه وخلانه وعمامه ويقوله عملت ايه السنادى؟
ممكن يكون للولد شجاعه وينفض ويزلطح
لكن بالنسبه للبنت الموضوع صعب ومحرج جدا
ونفس السبب دا هو ممكن الى خلها كذبت على خطيبها فى الاول(عشان حاسه ان الرسوب عار)
وبعد ما اخدت عليه قالت له على الحقيقه
مع ملاحظة انه كل ما يسالها عامله ايه فى الدراسه وتقوله كويسه
هى بتتورط فى الكذب اكتر وبتبقى مش قادره تقوله الحقيقه
يعنى كذبه قد النمله لكن عملت عمله
ممكن تكون كذبت خوفاً من شماته حد فيها
انت عارف لما بيكون فى اقران فى سن متقارب (ولاد خاله او عمه ) بيكون فى نوع من التنافس ما بينهم وبخاصة لو كانت دخلت كلية افضل من اقرانها
الخلاصه ان فى اسباب كتير ممكن نلتمس فيها العذر ان تكون البنت من جواها بيضة ونقيه لكن عبيطه شويا وعملت كدبه كبيره عشان تدارى حاجه صغيره
احب اقولت ما تفكرش بعقليتك انت ، فى بنات -وبخاصة صغار السن- بتهتم بحجات انت كولد بتشوفها صغيره وتافهه وهى بالنسبه لها كبيره ومصيريه
اهم حاجه - اهم حاجه - اهم حاجه - اهم حاجه - اهم حاجه - اهم حاجه
تتأكد تتأكد تتأكد تتأكد تتأكد تتأكد تتأكد تتأكد
انها مش عايزه تتجوزك عشان تخرها من الورطه دى ، وانها عايزاك لخصك
عشان لو اهلها شداد هتبقى بتدور على عريس والسلام لانها مش هتقدر تواجههم انها رسبت لا السنه الى فاتت ولا السنادى
وبالتالى مش هتقدر تروح كليتها فى السنه الاخيره
فعايزه تكمل دراستها وهى فى بيت زوجها
الموضوع راجع اولاً واخيراً لتقييمك للحاله كلها
وصلى استخاره تانى وتالت ورابع
ومحدش بيتجوز مرات حد
لو نصيبك ربنا هيحليها فى نظرك وهتبلع لها الظلط
ولو مش نصيبك
لو كحت فى وشك هتحسيبها
ممكن تكون بتخاف رعب من اهلها و علشان كدة كدبت عليهم استنى معاها و شوف هل الكدب خصلة فيها و لا لاء و مين مبيكدبش و مين مبيغلطش
لا لا ما ينفعش بيقولك سأل
و بعدين إحنا مين عشان ننصب نفسنا قضاه على البشر البنت غلطت و كانت ماشية مع طوب الأرض إيش عرفك إنها دلوقتي تابت و لا لأ
لو إنت تعرف على بنت حاجه
ما ينفعش خالص تروح تقول لخطيبها إلحق دي ليها ماضي مثلا
و ربنا بيقول :
(الْخَبِيثَاتُ لِلْخَبِيثِينَ وَالْخَبِيثُونَ لِلْخَبِيثَاتِ وَالطَّيِّبَاتُ لِلطَّيِّبِينَ وَالطَّيِّبُونَ لِلْطَّيِّبَاتِ أُولَئِكَ مُبَرَّؤونَ مِمَّا يَقُولُونَ لَهُم مَّغْفِرَةٌ وَرِزْقٌ كَرِيمٌ)