لو خطيبتك كدبت عليك هتعمل ايه؟

**a_samy** · 19-09-2010 05:22 PM

واحد صاحبى كان خاطب بنت ولما خطبها كانت مفهماه أنها فى سنه رابعه فى الكليه وبعد سنه من الخطوبه قالتلوا أنها كدبت عليه وأنها فى سنه تالته مش رابعه وأنها عملت كده عشان خافت أن مامتها تأجل جوازها كمان سنه لو عرفت أنها لسه فى تالته (يعنى أهلها كمان مش عارفين) وأنها مكنتش تعرفو كويس وخافت أنه يقول لأهلها أنها كدبت عليهم ولما أطمنتله قالتلوا.
السؤال بقى هل ينفع أنه يكمل معاها بعد ما كدبت عليه لمدة سنه ولا يلتمسلها العذر ويسامحها؟
أنا رأى أنه مش هيثق فيها بعد كده وكل ما هتقوله حاجه هيفضل يشك فى كلامها ويكدبها وهتبقى عيشته معاها هباب وكلها شك وعدم ثقه.
أنتوا ايه رأيكو؟

**eslam_wega** · 19-09-2010 05:27 PM

يلتمسلها العذر ويسامحها والغاية تبرر الوسلية البنت غرضها شريف انها تتجوز ودة سبب كدبها
فلازم يسامحها بس ياخد عليها وعد وقسم بالله انها عمره ما تخبى عنه اى حاجة

**yahiahelaly** · 19-09-2010 05:31 PM

هو سوري في بنات عاقلها كده بس شئ يقلق انها كدبت علية سنة المفروض مثلا كانت تقولة من بعد ما اتخطبوا على طول

**omar-saad** · 19-09-2010 05:32 PM

يسيبها
من اولها كدة فى حاجات غلط
ياترى ايه اللى هايحصل بعد كدة؟

**mohamedbook** · 19-09-2010 05:34 PM

المشاركة الأصلية كتبت بواسطة a_samy

واحد صاحبى كان خاطب بنت ولما خطبها كانت مفهماه أنها فى سنه رابعه فى الكليه وبعد سنه من الخطوبه قالتلوا أنها كدبت عليه وأنها فى سنه تالته مش رابعه وأنها عملت كده عشان خافت أن مامتها تأجل جوازها كمان سنه لو عرفت أنها لسه فى تالته (يعنى أهلها كمان مش عارفين) وأنها مكنتش تعرفو كويس وخافت أنه يقول لأهلها أنها كدبت عليهم ولما أطمنتله قالتلوا.
السؤال بقى هل ينفع أنه يكمل معاها بعد ما كدبت عليه لمدة سنه ولا يلتمسلها العذر ويسامحها؟
أنا رأى أنه مش هيثق فيها بعد كده وكل ما هتقوله حاجه هيفضل يشك فى كلامها ويكدبها وهتبقى عيشته معاها هباب وكلها شك وعدم ثقه.
أنتوا ايه رأيكو؟

ممكن صحبك يكدب نفس الكدبة ياريت لو يحط نفسة مكانها
اكيد اهلها شداد عليها عشان كدة كدبة الكدبة دي
هل ده مبرر انه يسبها اعتقد صحبك بيتلككلها علي غلطة
والله لو بيحبها هسبلها اكبر من كده

**Mostafa.Mahran** · 19-09-2010 05:34 PM

عذر ايه و يسامح مين

يعنى تكدب على اهلها و خطيبها من غير سبب

انا لو منه تغور فى ستين داهية و فى بدالها الف واحدة

وبصراحة فى الارتباط الواحد لازم يحكم عقله قبل قلبه وبلا حب بلا كلام فاضى

**SHNORY** · 19-09-2010 05:35 PM

لو هو مكدبش كدبه قبل كده في حياته
ولا لاوع ولا خان ولا عمل اي حاجه غلط يسيبها
وهو ودماغه بقي يحدد ان كانت دي كدبتها الوحيده ولا هي محترفه
محدش يطلب حق لنفسه وهو مش بيديه للناس

**sama_Sama** · 19-09-2010 05:41 PM

يسيبها على طول، هي دي كدبة صغيرة، دي كدبة مستمرة على الأقل سنتين! وكدبة على مين، على أهلها، ومدام عنده القدرة الفظيعة دي على الكدب الله أعلم ممكن تكون كدابة في إيه تاني وحجتها خايفة تسيبني ولما أطمنتلك قلتلك

وحتى إن كان هو كداب، وفيه العبر، مادام بطل وتاب يحقله يرفضها، وحتى إن ما تابش وجاتله الفرصة يختار يختار صح ولا لازم تبقى بايظه من كله

لو هو أصلا وحش ما كانش ربنا كشفهاله

**a_samy** · 19-09-2010 05:43 PM

يا جماعه هيا بأت حياتها معاه بكدبه (حتى لو كان غرضها أنها تتجوزه)بس هيا كدبه أوb وأخيرا وهو هيبقى عنده شك طول ما هو معاها أنها بتكدب عليه فى كل حاجهزصح وb إيه؟ وحتى لو بيحبها دلوقتى ماهو ممكن يكرهها بعد كده لو كدبت عليه تانى.

-

الموضوع: لو خطيبتك كدبت عليك هتعمل ايه؟

LinkBack

أدوات الموضوع

عرض

لو خطيبتك كدبت عليك هتعمل ايه؟ - انشر الموضوع فى :

-

-

-

-

-

-

-

المواضيع المتشابهه

استطلاع : هتعمل ايه لو اكتشفت ان زوجتك او خطيبتك ...

لو ماشى فى طريق بالليل لوحدك و طلع عليك موتوسيكلات عشان تثبتك وزنقت عليك هاتعمل ايه؟

هتعمل ايه لو حصل ده

هتعمل ايه!!!!!!

لو انت مكانى هتعمل اية ؟؟؟

الكلمات الدلالية لهذا الموضوع

المفضلات

المفضلات

ضوابط المشاركة