دلوقت العربية كان عليها الورق البلاستيك الابيض اللى بيبقى محطوط على الكابوت الامامى و السقف
بد ازالته, سايب اثار للزق على السقف و الكبوت, و ازالتها صعبة بالمياه العادية
هل فى حاجة ممكن تشيلها؟
دلوقت العربية كان عليها الورق البلاستيك الابيض اللى بيبقى محطوط على الكابوت الامامى و السقف
بد ازالته, سايب اثار للزق على السقف و الكبوت, و ازالتها صعبة بالمياه العادية
هل فى حاجة ممكن تشيلها؟
والله أنا حصل معايا حاجه شبه كدة أن واحد ا لزق على أبواب العربيه والمرايات والتانك سوليتب
من الأخر خايف عليا أحسن الحاجات دى تتفتح لوحدها وأنا ماشى (ربنا يباركله )
وطبعا فكرت فى نقطه بنزين أو أسيتون (بتاع أظافرالسيدات) بس خفت على لون العربيه أحسن يتأثر فجربت ال wax الخاص بالتلميع وجاب نتيجه أكتر من ممتازة مع الأخذ فى الأعتبار عمل العربيه بالكامل علشان ما يكونش فيه فرق فى درجه اللمعان
مبروك عليك العربية يا معاذ وربنا يديك خيرها ويكفيك شرها
اما بخصوص اللصق واثاره فانا قبل كده شوفت بتوع البوية بيشيلوه بقطنه وبنزين ومكنش بيأثر على البويه خالص وانتظر ردود الاخوة يمكن حد يفيدك برد افضل
معاذ
شيلها ببنزين او الواكس بتاع العربيه بس المشكلة في البنزين او الواكس
المشكلة في الحاجه اللي هتحك بها
فالمفروضمتبقاش قماش او اي حاجه تانيه خليها لقطن او الفوطة الجلد الصفراء اللي قولتلك عليها في موضوع الادوات بتاعت السيارة في قسم الكماليات
وبراحه متحكش بسرعه وجامد
مش معنى أن بتوع البويه بيشيلوة بالبنزين يبقى دة صح وإلا يبقى النقاش إللى أنا شفته عند واحد قريبى فى شقته إللى غسل وشه بالجاز علشان ينضف يبقى عبقرى!!!!!!!!!!!!!!!!!!!!!!!!
يا جماعه البنزين دة (مذيب عضوى ) لو حطيته على البويه لفترة طويله حياكلها و لو أمسح أو أتغسل فى ساعتها برضه حيسيب أثر حتى لو مش ملحوظ إنما مرة فى مرة أكيد حيأثر
هو فعلا بينضفوة بنقطة بنزين او تنر يا معاذ
ونقطة على حتة قطن مش هاتعمل حاجة فعلا مش هاتاثر قوي زي مانت متخيل
use WD-40 .....
التنر حااااامي جدا و البنزين برضه حامي واعتقد كمان Wd-40 ممكن ياثر على البوية ، بس متهيالي إن ممكن شوية جاز في محطة البنزين ويتغسل بسرعة وعموما انتظر باقي الآراء.
تحياتي
يا جماعه الموضوع مش هيقعد اكتر من 30 ثانية لأنه هيبل القطنة وهيزيله بسرعه
يعني البنزين مش للدرجه هيقعد علشان يأثر على البوية بالدرجه الملاحظه وبعدين ده على مناطق صغيره ومعينه
وبعديها ابقى اعمل عليهم ميه كتير وخلاص
الف شكر يا جماعة على الرد
انا ناوى ان شاء الله اجرب الاول بالشمع مع تلميع العربية, لو مجابش طريقة يبقى بقطنة صغيرة و بنزين على الاماكن دى
الشمع مش هيشيل يا معاذ
اللي هيشيل الكومباون او البنزين
يا عم معاذ وديها التوكيل يشلوهالك وريح دماغك لو باظت تبقي تخصهم
لو خايف من البنزين أستخدم الجاز ومتقلقش من حاجة ، دة كل البوابين بيمسحوا العربيات بالجاز عشان تلمع ، إية يا باشا مسمعتش عن الحته الزفره هههههههههههههه
يا جماعة اللي انا اعرفة ان التوكيل المفروض بيسلمك عبوه صغيرة من سائل خاص بهذا الموضوع
انا ما اعرفش السائل دة اسمة اية
لكن وانا باستلم العربية كتير من اصدقائي نبهوني للنقطة دي وقالولي لو العربية عليها الاستيكر الابيض لازم تاخد منهم السائل دة لأنه غالي ومش موجود في كل البنزينات
رأيي التوكيل هما اللي يشيلهولك ... ده شغلهم والمفروض يسلموك العربية نضيفة تماما
دة اللي حصل معايا في منصور
ويا ريت تبقي تقولنا وصلت لأيه
مبروك العربية الجديدة ربنا يباركلك فيها ويعطيك خيرها ويكفيك شرها
أنا جربت الشمع قبل كدة وجاب نتيجه ممتازة
نقطة بنزين على قطنة
انا بعمل كدة من زمااااااااااان
ايه الكومباوند ده وممكن نشتريه منين
نصيحه لوجه الله اوعي تسخدم البنزين اوي اي شئ من مشتقاته حتي لو بنسب بسيطه الاخ معتز عنده حق ده مذيب عضوي وصدقني هياثر وانت بتعمل الصيانه في التوكيل قلوهم وهما هيشلوها بمعرفتهم
طيب ما تحاول...تستخدم....قطنة مع شوية ماء ساخن ....(مش بيغلي يعني....بس تقدر تقول فوق الـ 60 درجة).
الكمباون لا يستخدم مع البوية الفرن أو الميتاليك - لانة بيزيل أول طبقة من البوية - وهو محتاج صنايعى حتى لاتكشف البطانة