مطلوب مساعدة فى ازالة اثار اللزق بتاع العربيات الجديدة

**معاذ الشرباصى** · 16-03-2008 05:16 PM

دلوقت العربية كان عليها الورق البلاستيك الابيض اللى بيبقى محطوط على الكابوت الامامى و السقف

بد ازالته, سايب اثار للزق على السقف و الكبوت, و ازالتها صعبة بالمياه العادية

هل فى حاجة ممكن تشيلها؟

**mo3tazelgamal** · 16-03-2008 05:27 PM

والله أنا حصل معايا حاجه شبه كدة أن واحد ا لزق على أبواب العربيه والمرايات والتانك سوليتب
من الأخر خايف عليا أحسن الحاجات دى تتفتح لوحدها وأنا ماشى (ربنا يباركله )
وطبعا فكرت فى نقطه بنزين أو أسيتون (بتاع أظافرالسيدات) بس خفت على لون العربيه أحسن يتأثر فجربت ال wax الخاص بالتلميع وجاب نتيجه أكتر من ممتازة مع الأخذ فى الأعتبار عمل العربيه بالكامل علشان ما يكونش فيه فرق فى درجه اللمعان

**السيد أحمد** · 16-03-2008 05:29 PM

مبروك عليك العربية يا معاذ وربنا يديك خيرها ويكفيك شرها
اما بخصوص اللصق واثاره فانا قبل كده شوفت بتوع البوية بيشيلوه بقطنه وبنزين ومكنش بيأثر على البويه خالص وانتظر ردود الاخوة يمكن حد يفيدك برد افضل

**أبو عبدالله** · 16-03-2008 05:34 PM

معاذ
شيلها ببنزين او الواكس بتاع العربيه بس المشكلة في البنزين او الواكس
المشكلة في الحاجه اللي هتحك بها
فالمفروضمتبقاش قماش او اي حاجه تانيه خليها لقطن او الفوطة الجلد الصفراء اللي قولتلك عليها في موضوع الادوات بتاعت السيارة في قسم الكماليات
وبراحه متحكش بسرعه وجامد

**mo3tazelgamal** · 16-03-2008 05:58 PM

مش معنى أن بتوع البويه بيشيلوة بالبنزين يبقى دة صح وإلا يبقى النقاش إللى أنا شفته عند واحد قريبى فى شقته إللى غسل وشه بالجاز علشان ينضف يبقى عبقرى!!!!!!!!!!!!!!!!!!!!!!!!
يا جماعه البنزين دة (مذيب عضوى ) لو حطيته على البويه لفترة طويله حياكلها و لو أمسح أو أتغسل فى ساعتها برضه حيسيب أثر حتى لو مش ملحوظ إنما مرة فى مرة أكيد حيأثر

**Karim_Monir** · 16-03-2008 08:56 PM

هو فعلا بينضفوة بنقطة بنزين او تنر يا معاذ
ونقطة على حتة قطن مش هاتعمل حاجة فعلا مش هاتاثر قوي زي مانت متخيل

**pcegypt** · 16-03-2008 10:35 PM

التنر حااااامي جدا و البنزين برضه حامي واعتقد كمان Wd-40 ممكن ياثر على البوية ، بس متهيالي إن ممكن شوية جاز في محطة البنزين ويتغسل بسرعة وعموما انتظر باقي الآراء.

تحياتي

**أبو عبدالله** · 17-03-2008 12:59 AM

يا جماعه الموضوع مش هيقعد اكتر من 30 ثانية لأنه هيبل القطنة وهيزيله بسرعه
يعني البنزين مش للدرجه هيقعد علشان يأثر على البوية بالدرجه الملاحظه وبعدين ده على مناطق صغيره ومعينه
وبعديها ابقى اعمل عليهم ميه كتير وخلاص

**معاذ الشرباصى** · 17-03-2008 01:56 AM

الف شكر يا جماعة على الرد

انا ناوى ان شاء الله اجرب الاول بالشمع مع تلميع العربية, لو مجابش طريقة يبقى بقطنة صغيرة و بنزين على الاماكن دى

الموضوع: مطلوب مساعدة فى ازالة اثار اللزق بتاع العربيات الجديدة

LinkBack

أدوات الموضوع

عرض

مطلوب مساعدة فى ازالة اثار اللزق بتاع العربيات الجديدة - انشر الموضوع فى :

-

-

-

-

-

-

المواضيع المتشابهه

إزاي أشيل اللزق الأبيض اللي العربيات الجديدة بتيجي بيه؟

على رضا بتاع اكسسوارات العربيات

هل زيت المساعدين هو نفس زيت الفتيس بتاع العربيات

ماهى طريقة ازالة اثار الحبوب؟؟؟؟

مطرح اللزق بتاع الجرايد - اشيلة أزى ؟

الكلمات الدلالية لهذا الموضوع

المفضلات

المفضلات

ضوابط المشاركة