المشاركة الأصلية كتبت بواسطة azmeralda
اسميه وجهة نظر ام شايفة ابنها نازل اجازة ومش لاحق بس انا معترضة ان لو عجبته بنت واقتنع بيها خلاص بيكمل اللفة ليه
بالظبط, بس والدته هتقوله نكمل يمكن نشوف واحده احسن
لكن البنت نفسها مبتبقاش عارفة الوضع ده هى هتشم على ضهر ايدها
وده ينفع ؟ بس اهلها اكيد عارفين, ليه يوفقوا على حاجه تجرح كرامه بنتهم علشان واحد ميعرفهمش اصلا و مش عارفين الموضوع هيكمل ولا لأ ؟؟
طيب هى مش ليها الحق انها توافق او ترفض العريس, ليه نحرمها من حقها و نخلى الولد بس هو اللى يقول اه او لأ ؟
وحكاية انها بتقعد هنا وهو بيسافر دى بعض حالات واحدة اعرفها وافقت على كده بس ده كان شرطه هو لأن مرتبه هناك ميكفيش ياخد شقة مستقلة عن اصحابه وهى وافقت لأن لها بنت خالتها عدت التلاتين وهى خافت تبقى زيها وهو فعلا كان متدين وكويس
لكن الطبيعى انها تسافر معاه وفى الدين اصلا مش صح انهم يبعدوا عن بعض بالسنة والهبل ده ده جواز مع ايقاف التنفيذ
دلوقتى الطبيعى انها مش بتسافر, لان ببساطه هو مسافر علشان يجيب فلوس
لكن اسمح لى حكاية البنت المتدينة اللى بتقول عليها دى لأنى اعرف ناس كتير جدا فبقولك ان احتمالات ان واحد يعجب بيها من الجامعة او الشغل دى كام فى المية لو الناس اعتمدت عليها المشكلة هتزيد اكتر من كده بمراحل
مش عارف, انا شايف ان الجواز مش معتمد قوى على جواز الصالونات
ثم مش عمالين تقولوا الشباب ومشاكله الأقتصادية ايه فايدة انه يعجب بيها فى الجامعة مش هيقدر يوفر ابسط عيشة بعد التخرج علطول الا لو عيلته اللى غنية وعملت له كل حاجة
اظن ان اى شاب بيتجوز اهله هم اللى بيساعدوه لان ببساطه لو اعتمد على نفسه يبقى مش هيزوج الا على المعاش
و جواز الصالونات هو انك بتشوف واحدة ولك الحرية الكاملة تتكلم معاها زى مانت عايز لغاية متقتنعوا ببعض وممكن تقروا الفاتحة فى السر ومفيش اعلان ولا حاجة و صدقنى البنات دلوقتى هى اللى بتخاف تخش فى خطوبة فاشلة وتتحسب عليها عالفاضى خصوصا فى وسط بعض الأمخاخ اللى بتشك فى اللى كانت مخطوبة فى النور وبتعمل اللى الشرع قال عليه فى حين واحدة تانية ممكن تكون عملت اللى هى عايزاه فى الظلام
ده كلام سليم بس عايز يكون فيه شبكه علاقات اجتماعيه كبيره منتشره و محترمه
للأسف ده موجود فعلا, و التفكير ان لو الخطوبه فشلت لأى سبب بتكون البنت هى الغلطانه و العيب منها و اى حد يفكر يرتبط بيها هيسمع اشاعات و كلام فاضى كتير او يسمع ليه يا ابنى ده مش عارف مين سابها هو احسن منك ؟
وبعدين مالخطوبة برضه اتعملت عشان نشوف الجواز هينفع ولا لأ
مش ده ديننا
افرض كنت ايام ما البنات مبتشتغلش ولا بنت كويسة جدا ومبتشتغلش ؟ لما تخرج فى الشارع واحد هيعجب بيها ويتقدم؟ طبعا فرصها محصورة فى اللى معارفها هيجيبوه
انا معاكى فالنقطه دى