شكل العربية .....يشارك بنسبة كام في قرار شرائك العربية..
شكل العربية .....يشارك بنسبة كام في قرار شرائك العربية..
90 % ...
انا ببص لشكل العربية على اساس انها " لوحة فنية " .
طبعا دة بجانب انها تكون شكل ومضمون
رائي الشخصي أهم حاجة عوامل الامان و اعتمادية العربية و التوكيل بعدين الكماليات و الموتور و وضعية القيادة و علاقة كل ما سبق بالسعر و بعدين الشكل .....من الاخر الشكل مش مهم أوي لو بشتري:)
Almost 70%
في أختياراتي الشخصية ياتي الشكل رقم 1
و لكن ليس معنى ذلك أني أفضل الشكل على الإعتمادية و لكن الأثنين معا
يبقى الشكل ......... محرك قوى و ليس بالضرورة يكون كبير ........... قوة السيارة نفسها
و لكن لو وجدت سيارة ذات محرك ممتاز و شكل مكعبر ......... فلن أشتريها
يجب ان يتوافر الأثنين معا
و شكرا
كمثال على الاشكال الى بحبها .... الفاروميو بجميع موديلاتها .. السى فور الكوبيه .. السى فايف ( تحفه ) , فيات جراند بونتو و برافو . , الجين 2 والواجا .... بى ام دبليو الفئة الخامسة .
فى عربيات تانى بس دية عينة .
وبكره تصميمات كل الماركات اليابانى فيما عدا المازدا و السوبارو .
واكتر ماركات بحب تصميماتها ايطاليا ثم ايطاليا واخيرا ايطاليا . بلد الفن والتصميم
انا أصلي من النوع اللي بتنشأ بيني و بين الحاجة اللي باقتنيها علاقة ذات نوع خاص.. عشان كده لازم الشكل يكون عاجبني.. و طبعا موضوع الشكل ده أذواق بحتتتتتتتتتتتتتتتتت.. انا مثلا واقعة في غرام البرنسيسة اللي صورتها في توقيعي دي من قبل ما اشتريها.. مع ان فيه كتير مش عاجبهم شكلها.. في حين ان شكل السيريون من الحاجات اللي مخلياني معجبة بيها جدا :)
اى عربية تكون وضعية القيادة منخفضة و كابوت طويل ومحاور عريضة و قاعدة عجلات متوسطة تتناسب مع عرض المحاور و مش مهم هاتش باك او سيدان او لفت باك
سيفيك-الفاروميو 147-لانسر من 94 الى 98-هيونداى كوبيه-سيتروين c4-
علشان كده لو اتعرض عليا عربية 4x4 ببلاش مش حاخدها ....
:D:cool:اعتمدت مرة على الشكل كعامل اول وندمت بشدة
:D:)واعتمدت مرة على الشكل كعامل من عوامل اهم وشعرت بالرضا التام
:D:confused:واعتمدت مرة على الشكل كعامل ثانى وظللت مترددا حتى بعت السيارة
الخلاصة ان الشكل عامل مهم جدا ولكنه ليس جوهريا وليس له الاولوية المطلقة فى قرار الشراء اعتمادية-راحة-اداء-اقتصادية-شكل-ماركة-سعر-اعادة بيع.
أنا في رأيي الشكل اللي برتاحله ... بجانب القوة والأمكانيات والأمان ..
يعني نسبة 50%
يعني اللي أشتريها تكون عجياني ككل شكل و إمكانيات .
لأن مركبش حاجة جميلة جدا وفي نفس الوقت رايحة في داهية وضعيفة ..
كمثال ومحدش يفتكر إني بضطهدها السيارات الصيني عانة شكلها مش بطال بس في رأيي ضعيفة جدا .
على عكس عربيتنا كورونا 92 2000 سي سي هي شبه الكريسيدا يعني ممكن يقال شكلها تقليدي أو مش محبب بس أمكانياتها عجباني مع أنها مش كتيرة ...
بس تحس بتوازن بين الشكل والأمكانيات...
أسف عالأطالة.
انا رأى 50%
أكيد مش أقل من 50%
و الأهم منه في وجهة نظري ،،
القعدة و شياكة الصالون و التابلوه ،،
عشان دول اللي بحتك بيهم لأطول وقت
والله انا للأسف مش قادر الاقي اجابة محددة لأن ده بيتحدد عن طريق مجمل للعربيه
يعني موضوع الشكل اكيد مهم ومحسوب وموجود في الاهتمامات الاولى ولكن نسبته دي بتعتمد على باقي امكانيات السيارة من عمر افتراضي واداء وحاجات كتير من ضمنها الشكل
ممكن الشكل يشجعك بنسبة كبيرة في سبيل انك تتنازل عن حاجات تانيه او العكس انك
ان الحاجات والامكانيات التانية تخليك تقلل من نسبة الشكل بالنسبة لك ولأولوياتك
فانا ارى انها ليست نسبة محددة ولكن هيا بتتأثر بباقي الأمكانيات للسيارة
بس نسيت حاجه أن في معظم الأوقات الشكل هو اللي بيشجعت تنظر للسيارة دي وتفكر بيها ... بس مش هو الأساس زي ماقلت في الأول.
الشكل الاجمالى مهم جدا ولكنه ليس الاساس
70%
70 %
لان مينفعش اركب عربيه مهما كانت وانا مش راضي عن شكلها
بس برضه ميمنعش انها تكون امكانياتها ممتازه في المقابل
الشكل ينبىء عن المضمون
100 % الشكل ..معلش اختيار مش موجود فى الاستطلاع
لية اقولك
لوعربية وحشة ...مستحيل هاكمل فى سكتها او اهتم اعرف تفاصيلها حتى لو فيها موتور لامبورجينى
ولو عربية حلوة شكلاً ..هادور على كل تفاصيلها و اشوف حتى لو فيها موتور 800 cc هادرس اقتصادياتة و طرق التغلب على عيوبة
يبقى العنصر الفاصل بنسبة 100% بين الاخذ و الترك هو التصميم الجيد
انا عن نفسى 90 % لأن العربية شكلها حيفضل فى وشى على طول و انا مقدرش اشترى عربية شكلها مكعبر لأنى كل ما حبص عليها حتقرف مثال الشيرى Qq السبرنزا 2113 الصغيرة السيدان الجديدة اووووووووف مش بطيقها مش عارف ازاى ممكن حد يشتريها انا لما بشوفها بتنرفز بالزات من الخلف ياااااااااااااااااااااااا اااااااااااااااااااة
من العربيات الجميلة
1- بروتون جين 2
2-رينو ميجان
3-السيات بكل انواعها الحديثة
4-الستريون سى 4
حاجات كتييير
الشكل الخارجى 30%
النظافة الداخلية10
المجموع40
مش لاقي قرار محدد بس شخصيا عندي اكتر م 60%
بس في مشكله تانيه
لو مثلا حتقارن "اسبيرانزا" او "اكسنت" او "لانوس"
اكيد مش حروح للاسبيرانزا مع انها اجملهم :)
شخصيا انا شايف انها مجرد نسبه
انت مستعد تتنازل عن ايه مقابل ايه :)
السلام عليكم
أنا من رأى 50% :):):)
اعتقد ان شكل العربية مهم جدا عند الاختيار
حتى لو امكانياتها قليلة بس شكلها يكون بيفتح النفس
مش اركب صاج وكماليات وفي الاخر الاقي نفسي راكب بلدوزر
رامي (ابو احمد)
انا ممكن افضل عربية على عربية عشان الشكل انما مش ممكن اختارها من الاساس عشان شكلها حلو
الشكل دا اذواق
يعني بالنسبالي انا ببص للعربيه كمجمل
مثلا و انا بشتري كنت بقارن بين السيتي و الياريس و في حين ان شكل اليريس عجبني اكتر رغم انه ما يعجبش ناس كتير و رغم ان كان عاجبني الجراند بونتو كشكل اكتر من دا كله بس مش معني كده اني جبت الجراند لا ء ...اشتريت الياريس
فالخلاصه الشكل عليه عامل لكن مش هو السبب و اللي بيعجبني مش شرط يعجب غيري
أنا في رأيي الشكل الكويس أو المقبول بالنسبة لى
بجانب القوة والأمكانيات والأمان و الصيانة و سعر أعادة البيع
يعني نسبة 50%
الشكل مش بيأثر بالنسبالى بأكتر من 30 فى المية
بس مش لدرجة الاسبيرانزا ال A213
شكلها بشع
حوالى 50%
بس بيهمنى اكتر المواصفات و الاعتمادية
نسيت اقول ...عن اهمية الشكل بالنسبة لي...
الشكل الجميل مهم طبعا ....بس انا عندي اهمية الشكل في اخر النقاط ايلي بابحث عنها...
يعني انا اهتمامتي بالعربية كالاتي:
اعتمادية السيارة
راحة السيارة بالنسبة للركاب..
اقتصادية الشتغيل
احتفاظ السيارة بسعرها ...ودة مش معناة اني ناوي ابيعها ....بس ما حدش عارف الظروف..
ممكن بعد كل ايلي فات ...يجي شكل السيارة...
يعني بالنسبة ليا ....قيمة الشكل ما تزيدش عن 15% او ممكن تنزل لحد 10%
يعني انا ممكن اشتري واركب عربية ...كل ايلي فات دة عاجبني جداااا جدااا فيها وشكلها مش عاجبني خالص...
هو يمكن يكون تفكير غريب شوية ....بس انا اهم شيء عندي مقدار استفادتي من الآلة ايلي بتنقلني من مكان لمكان...(ايلي هي العربية يعني)...
انا بالنسبة لبه موضوع الشكل بيجذبنى اوى بس عمرى ما حسيت اهم من اى حاجة
اهم حاجة عندي انها توفرلى الحاجات اللى انا محتاجاها في العربية ..يعني انا مش مختاجة مثلا عربية 1600 كفاية اوى عليه 1300 و محتاجة انها تكون automatic و استهلاك البنزين معقول و يكون ال brand name بتاعها موثوق فيه
----------------------------------------
كلام جميل ومنطقى جدا (ويبدو ان تفكيرك منظم وعملى مثل معظم بنات حواء مع ان الرجال للاسف يرون انهم هم العمليون والنساء رومانسيون)
باختصار رتبك احتياجاتك بطريقة عملية ومنطقية ورتبت اولوياتك حسب حاجتك ليها (وتقريبا دا كان رائى) اشكرك على اسلوب تفكيرك وانا احترم جدا اراءك وان كانت هذه اول مرة اعقب عليها خالص تقديرى
0
بصراحه ما بنفعش اختار عربيه فيها جزء جميل اوى على حساب جزء تانى
يعنى من الاخر
لازم يكون فى
balance between inetrior and exterior
فى عوامل كتير تيجى قبل لشكل فى اختيار العربية
بس لو اتكلمنا على الشكل يبقى الشكل الداخلى اهم بمراحل من الخارجى
يعنى شياكة الصالون وتصميمه و خاماته تيجى عندى فى مرتبة متقدمة جدا عند اختيار العربية
بينما الشكل الخارجى بيجى فى ترتيب متأخر قوى
الصالون هو ده اللى انا بشوفه و با اتعامل معاه اكتر من اى جزء اخر فى العربية
الشكل عامل مهم في العربية بس مش اساسي
يعني هستفاد ايه من عربي حلوة اوي من بره و من جوه التابلوه و الصالون شكله تعبان و خامات وحشة و اداءها ضعيف:o.
بس اعتقد الموضوع ده بيعتمد علي الواحد يقدر يفضل ايه علي ايه بمعني
ممكن واحد يحب صالون حلو اوي و شكل ال Exteriorجامد جدا بس الباقي بطيخ
او واحد يحب شكل العربية حلو من بره اوي و صالون معقول والموتور كويس و اداء حلو بس الباقي بطيخ برضه :D
او واحد يحب موتور حلو اوي وشكل من بره كلاسيكي مثلا او تصميم علي اد حال و اداء ملوش حل و الباقي مش مهم بالنسبة له اوي
وفي ناس تحب كله حلو اوي ..بس اظن انه هيدفع كتييييييير اوي
يعني الموضوع صعب تحديده شوية...بس انا رأيي احتياجات الفرد هي اللي بتحدد + فلوسه برضه :)
و مننساش ان دلوقتي ال modifiactions والtunning مخلوش اي عربية وحشة حتي لو كانت 124 من بتاعة زمان اللي هي ام suicide doors :D
________
http://i92.photobucket.com/albums/l3...y/RoadRage.jpg
20% وممكن اقل كمان
المهم عندي الامكانيات بتاعت العربية
الموتور .. العفشة .. الراحة في الصالون.. التكييف " ويمكن يكون ده اهم حاجة " الكماليات .... الحماية ... الأقتصادية في الغيار والبنزين ..قلة الاعطال ........ وبعد كل دة ييجي الشكل ( ده لو ماكنتش نسيت حاجة )
مينفعش اشترى عربيه شكلها وحش واقول اهى اى عربيه والسلام .. ممكن يكون شكلها وحش فى نظر الناس ... مش مشكله ... المهم انها تكون عجبانى " شخصيا " وشكلها انيق " حتى لو انيق ببساطه زى البونتو مثلا "......... بس طبعا بدون التنازل عن الجوده والامان .
الشكل مهم فى كل حاجه فى حياتنا ... ولا ايه الفرق مابين انى اروح اصيف فى الساحل الشمالى .... او اصيف فى عشه قدام ترعه .... ماهى ديه ميه وديه ميه ... ولا ايه
ولا اروح اجيب شقه فى 250 متر فى مكان عشوائيه .... وانا فى امكانى اجيب شقه 100 متر فى مكان كويس وراقى و كله خضره .
لازم يبقى فى توازُن .
بالنسبة ليا 40 % مش أكتر من كده
فى حاجات كتير اهم
خصوصا فى السوق المصرى والاوضاع الاقتصادية الهباب الى احنا فيها
10% انا مش بهتم بالشكل المهم الموتور و العفشة و الفتيس و الخامات المصعة منها تكون علي مستوي عالي من الجودة
100% الشكل ، بس استحالة أشترى الشكل على حساب الإمكانيات ..
قبل ما أشترى سيارتى الماتريكس كنت حابب شكلها 50% ومقتنع بأمكانياتها 50% وبعد 10 شهور من شرائها الشكل 100% بالنسبه لى والأمكانيات 100% ايضا