سؤال بخصوص البنج الكلي والنصفي؟؟

**فادى محمد** · 20-09-2010 02:16 PM

السلام عليكم ورحمه الله وبركاته ...

زوجتي حامل وعلي وشك الولاده وسمعنا كتير ان البنج الكلي اللي بيتاخد اثناء العمليه القيصريه معظمه مغشوش ويسبب الوفاه وكل دكاتره النساء بينصحوا الان بالبنج النصفي ,ايه راي الدكاتره في الموضوع ده؟؟؟وايه الفرق بين البنج النصفي والابيديورال؟؟ ومشكورين مقدما ..

**فادى محمد** · 21-09-2010 01:20 PM

المشاركة الأصلية كتبت بواسطة abdallah2010

يا باشا مخاطر البنج الكلى كتيرة و فى عملية ولادة لا داعى ليها من الأساس
أما البنج النصفى ففى منه نوعين سبينال و إيبيديورال و الفرق إن السبينال بيكون وقت العملية فقط بعدها بدقائق بيبدأ الأثر يروح أما الإبيديورال فبيكون فى زى قسطرة كده واصلة لبرة يقدر منها الدكتور يحط أدوية و يزود مسكنات حتى بعد ما العملية تنتهى و دى بتكون فى العمليات الكبرى فقط إللى بتسبب ألم بعدها زى لا قدر الله البتر و عمليات العظام الكبرى
و لذلك فى الولادة القيصرية أفضل شئ هو التخدير النصفى من نوع سبينال spinal

متشكر جدا يا دكتور عبد الله وربنا يجعله في ميزان حسناتك ..

**MASERATI** · 15-12-2010 11:39 AM

السلام عليكم و رحمة الله و بركاته

الأفضل أنك تبعد عن البنج الكلى طالما أن العملية ممكن تتعمل بالSpinal أو بالEpidural لأن البنج الكلى ليه آثار جانبية كتير سيئة, لكن البنج النصفى و بالدات الEpidural هيمكن طبيب التخدير أن يكون فيه قسطرة مؤقتة ممكنة يحط منها مسكنات كلما شعر المريض بالألم و ربنا يتمها على خير و تقوم بالسلامة ان شاء الله

**أحمد كمال** · 15-12-2010 02:23 PM

المشاركة الأصلية كتبت بواسطة hellboy

السلام عليكم ورحمه الله وبركاته ...

زوجتي حامل وعلي وشك الولاده وسمعنا كتير ان البنج الكلي اللي بيتاخد اثناء العمليه القيصريه معظمه مغشوش ويسبب الوفاه وكل دكاتره النساء بينصحوا الان بالبنج النصفي ,ايه راي الدكاتره في الموضوع ده؟؟؟وايه الفرق بين البنج النصفي والابيديورال؟؟ ومشكورين مقدما ..

هو أولا مفيش حاجة اسمها بنج كلي بتاع القيصرية و بنج كلي بتاع العمليات التانية

و لو البنج الكلي معظمه مغشوش كان زمان حالات الوفاة هتبقى بالجملة و في اي عمليات سواء عبيطة (زايدة .... لوز .... خراج) او عادية (ولادة) او كبيرة (قلب مفتوح) ..... و كانت هتبقى فضيحة كبيرة في البلد ..... ده غش في بنج يموت ..... مش غش في بانادول و لا اسبرين .... لو تفتكر حضرتك اما اسطوانة اكسجين في النيل بدراوي كانت مغشوشة و موتت اتنين و لا تلاتة البلد كلها اتقلبت ..... تخيل بقى لو معظم البنج مغشوش و يسبب الوفاة ..... دي تبقى مصيبة سودة !!!!

اللي فتى على حضرتك ده واضح انه طعمجي كبير جدا ..... ربنا يرحمنا يا رب من صنف المصري الفتاي ده .......

خلي بالك برضه من حاجة ..... البنج النصفي لو الحقنة دخلت لجوة سنتيمتر واحد زيادة هتعمل قطع في الحبل الشوكي و هتعمل شلل نصفي دائم

**أحمد كمال** · 15-12-2010 03:56 PM

المشاركة الأصلية كتبت بواسطة MASERATI

السلام عليكم و رحمة الله و بركاته

فعلا الكلام ده صحيح.

بس سم بحاله يبقى كتيييييييييير أوى, ده دكتور التخدير اللى يدخل ابرة الspinal ولا الepidural سم بحااااااااااااااااااااله زيادة , يبقى أكيد مش طبيب تخدير , ده الميكانيكى اللى بيظبط المكنة , مابيلفش المسمار سم كامل مرة واحدة !!!!!!!!!!!!!!!!!

معلش خانني التعبير ..... مش قصدي سم مرة واحدة ..... ملليمترات ..... و اكيد حضرتك عارف انها فعلا بتحصل

انا اختي حصل لها - و في امريكا مش في مصر - ان الحمار الله يحرقه ما دخلش الابرة بما فيه الكفاية فما دخلتش في ال spinal fluid و دخلت ال blood stream و النتيجة انها دخلت في hallucinations و delirium كانها شاربة مخدرات ....

بصراحة انا باخاف موت من ال epidural دي

-

-

الموضوع: سؤال بخصوص البنج الكلي والنصفي؟؟

LinkBack

أدوات الموضوع

عرض

سؤال بخصوص البنج الكلي والنصفي؟؟ - انشر الموضوع فى :

-

-

-

-

المواضيع المتشابهه

سؤال بخصوص ال e30

هل فكرت ان تشكر الله على نعمة الكلي؟؟ معجزه بمعنى الكلمه

سؤال بخصوص gps

كام سؤال بخصوص ال i10

ماهي نسبة الهلاك الكلي ما معني نسبة الهلاك الكلي

الكلمات الدلالية لهذا الموضوع

المفضلات

المفضلات

ضوابط المشاركة