تويوتا كرولا95 جميع الكامليات اتوماتيك عاملة فقط 83000 كيلو

**m000dy** · 21-09-2010 05:05 PM

يا استاذ اشرف
العربيه دى فى سعر اللانسر 98 فى السوق بالفعل
يعنى من 47 ل 50
وده اللى انا شوفته فى اخر زياره ليا للسوق الجمعه اللى فاتت وعلى شرط اللانسر بتبيع ب 50 الف انما التويوتا كانت واقفه للى كان طالب اكتر من 47 واللى طالب الخمسين كان فابريكه بره وجوه بس كان عدادها 180 الف كيلو
عموما ربنا ييسرلك الحال وتبيعها بالسعر اللى يرضيك ويباركلك فى مالها

**misoalex** · 22-09-2010 06:15 AM

المشاركة الأصلية كتبت بواسطة m000dy

يا استاذ اشرف
العربيه دى فى سعر اللانسر 98 فى السوق بالفعل
يعنى من 47 ل 50
وده اللى انا شوفته فى اخر زياره ليا للسوق الجمعه اللى فاتت وعلى شرط اللانسر بتبيع ب 50 الف انما التويوتا كانت واقفه للى كان طالب اكتر من 47 واللى طالب الخمسين كان فابريكه بره وجوه بس كان عدادها 180 الف كيلو
عموما ربنا ييسرلك الحال وتبيعها بالسعر اللى يرضيك ويباركلك فى مالها

+11111111111
ازاى عربيه موديل 95 و ب 56 الف جنيه هو لسه الناس مش واخده بالهم من الاسعار يعنى عربيه بقالها 15 سنه الفرق بينها وبين عربيه زيرو 6000 جنيه!!!!!!!!!!

**Memo_Lancer** · 22-09-2010 06:26 AM

يا باشا م السيفيك اس اي ار مثلا 96
بتعمل حاجه و ستين
اسيبها و اركب فيرنا مثلا
انا مش عارف بتحسبوها ازاي ؟
ربنا يوفقك و هتجيب يا باشا السعر اللي انت عايزه ان شاء الله

**m000dy** · 22-09-2010 11:20 AM

انا مش عارف بتحسبوها ازاي ؟

احنا بنحاول نحسبها بمنطق الناس العاقله فى البلاد المتحضره
طول عمر العربيات بيتحدد سعرها بسنة صنعها
الا فى مصر
بيتحدد بكمالياتها (اللى بره ماسمهاش كماليات زى التكييف والباور والسنتر ) لانها اساسيات
وبيتحدد بمشاكل العربيات الجديده
وفى مصر بس ممكن تلاقى عربيه موديل 90 جودتها اعلى من عربيات موديل 2010
ده لان الحكومه لسه فاكره تفعل جهاز حمايه للمستهلك ومواصفات للسلع ومنها العربيات
فبقى ازبل سلع تيجى هنا واللى يغيظك الناس لانهم بيقبلوا عليها وبيعاملوها على انها تستحق التعامل فيها وكمان اسعار الحاجات دى مستعمله بعد فتره قليله ممكن تتباع بسعر اعلى من سعرها وهى جديده ( زى اللانسر الكريستاله واللانوس 1 ) شوف كانوا بيتباعو بكام زيرو ودلوقتى بيتباعو بكام
والمشكله الاخيره ان كل واحد فاهم اللى بقوله ساعة الشرا اما ساعة البيع يبقى شايف ان حاجته مفيش منها اتنين وكفايه ان شرف امتلاك الشىء من جانب الذات الملكية واستخدام جنابه ليها يزيد سعرها ماينقصوش
طبعا انا لا اقصد حضرتك ولا صاحب الموضوع انا بتكلم فى حال السوق فى مصر وماقصدش توجيه اى كلام لاى حد من الساده المحترمين زمايلنا فى المنتدى
وبالرغم من كل ده مانقدرش ننكر ان فى بعض السلع ومنها العربيات بتبقى محتفظه يقدر كبير من سعرها لجودة تصنيعها وتكلفتها ودقتها بس مش ممكن تبقى اكتر من سعرها جديده بردو
ولا انا غلطان؟

**M.FOUAD** · 22-09-2010 11:45 AM

انا واحد صاحبي شاري اختها بس موديل 97 ب 58 الف

**Memo_Lancer** · 22-09-2010 11:48 AM

يا باشا انا احترم كلامك و بجد مناقشتك جميله
بس هو ده حال مصر
و اكيد كل بلد و ليها نظامها
معلش انا لو بره ب ال 55 دول منا اجيب اخر موديل في اي عربيه
بس هي الدنيا هنا كده
و لو حسبنها كده
هتلاقي مثلا 128 و 131 ببلاش؟
حبيب قلبي مناقشتك فعلا اسعدتني

**m000dy** · 22-09-2010 05:20 PM

يا باشا انا احترم كلامك و بجد مناقشتك جميله
بس هو ده حال مصر
و اكيد كل بلد و ليها نظامها
معلش انا لو بره ب ال 55 دول منا اجيب اخر موديل في اي عربيه
بس هي الدنيا هنا كده
و لو حسبنها كده
هتلاقي مثلا 128 و 131 ببلاش؟
حبيب قلبي مناقشتك فعلا اسعدتني

ياباشا ربنا يخليك ده انا اسعد والله

**د.احمدالشافعى** · 23-09-2010 01:01 AM

السلام عليكم
الاخ صاحب الاعلان من خلال قراءتى لمشاركاتك السابقه وجدت الاتى
ان سيادتك جميع مشاركاتك عباره عن اعلانات لسيارات من عينة (سياره لم تستخدم _شاذه _استعمال سيدة ........الخ)ودا ان دل فانه يدل على ان سيادتك تاجر واخد المنتدى وسيله للاعلان عن سياراتك ودا يخالف قوانين المنتدى
ثانيا جميع اعلاناتك تقول كلمتين وتمشى من غير ماتكمل الاعلان ودا يدل ايضا على استخفافك بعقول اعضاء المنتدى وايضا كلام مش عارف اسعر العربيه...........الخ بالرغم ان سيادتك تاجر من خلال المشاركات بتاعتك
ثالثا مش عيب ان الشخص يبقى تا جر سيارات ولكن العيب فى اخفاء دا لانه زى ماقلت ان دا بيخالف قوانين المنتدى
علشان كد انا حبيت انبه على الاخوه الاعضاء واترك الامر للاداره
وشكرا