عاجل جدا يا جماعه.رحت اشتري سلك من راديوشاك قلتلو عاوز 4 مللي قالي كام جوجgauge

**m7mda7md** · 20-09-2010 09:26 PM

رحت اشتري سلك من راديوشاك قلتلو عاوز 4 مللي قالي كام جوج
gauge
الامب 600 وات و صب 1400 وات
عاوز سلك باور و للصب نفسه و شكرا

**ashrafohm** · 20-09-2010 10:32 PM

أنا برضه عايز اعرف المفروض تكون ايه مواصفات سلك بين الكاسيت والصب .. وتفرق في ايه السلك العادي من السلك اللي هيكون من راديو شاك بمواصفات معينة :)

**heshamzaky** · 20-09-2010 10:48 PM

بص يا باشا انا مش عارف السلك المطلوب بس راديو شاك من أحسن الناس الى بتفهم انا مركب عندى سلك اسمة thomson دة ممتاز من راديو شاك بس للصب الى فى البيت دة صب JBL و ديجيتال مش أنالوج

**ashrafohm** · 20-09-2010 10:59 PM

المشاركة الأصلية كتبت بواسطة heshamzaky

بص يا باشا انا مش عارف السلك المطلوب بس راديو شاك من أحسن الناس الى بتفهم انا مركب عندى سلك اسمة thomson دة ممتاز من راديو شاك بس للصب الى فى البيت دة صب jbl و ديجيتال مش أنالوج

معلش انا مش فاهم ايه الفرق بين الصب الديجيتال .. تقصد للاستخدام المنزلي؟ مش بتاع عربيات؟

بعدين صاحب الموضوع قال انه بالفعل راح هناك يشتري السلك والراجل ساله سؤال هو مش عارف اجابته

وبرضه لسه مش عارف ايه الفرق بين السلك اللي من راديو شاك والسلك اللي بنص جنيه المتر :)

**heshamzaky** · 20-09-2010 11:04 PM

المشاركة الأصلية كتبت بواسطة ashrafohm

معلش انا مش فاهم ايه الفرق بين الصب الديجيتال .. تقصد للاستخدام المنزلي؟ مش بتاع عربيات؟

بعدين صاحب الموضوع قال انه بالفعل راح هناك يشتري السلك والراجل ساله سؤال هو مش عارف اجابته

وبرضه لسه مش عارف ايه الفرق بين السلك اللي من راديو شاك والسلك اللي بنص جنيه المتر :)

فرق رهيب جدا و كبير جدا بص الصب الديجيتال السلك بيبقى تخين و الجاكات جولدن بليتد علشان ما تأكسدش و السلك دة انا شوفتة فى العربيات بيركب فى ظهر ال mp3 و يتوصل الى ال جى أم . اسف انا مخدش بالى هو عاوز سلك عادى زى سلك الكهرباء بس برضو بتاع راديو شاك حكاية استنى عندى سلك حا اشوفة و اقولك مكتوب علية اية انا بشترى حاجات كتير جدا من عندة و كلها نظيفة جدا ثوانى كدة و حا ارد عليك

**Adham** · 20-09-2010 11:11 PM

8 Gauge يبقى كويس قوي ولو لقيت 4 Gauge يبقى افضل (كل ال Gauge مابيقل السلك بيبقى اتخن) و عندهم سلك طومسون اوكسيجين فري Oxygen Free و دة بيتباع بالمتر لونة شفاف و نحاس و متفرغ من الهواء و تخانتة 4 و كويس قوي و لو مالقيتوش اشتري ال8 سواء راديو شاك او جيم ساوند او طومسون انما اي ماركة تانية لأ علشان اتعلموا الصياعه و بقوا بيجيبوا حاجات من مستوردين محللين

و تعرفة من الماركة و ان السلك الراديو شاك الاصلي بيتقاس "بالقدم" مش بالمتر او بيتباع بكرة بلاستيك صغيرة على بعضها بس دة بيبقى سلك رفيع غالبا

و مش حاتلاقي عندهم سلك كهرباء كلها اسلاك سماعات و بس

تصدق انا اول مرة في حياتي اسمع ان فية صب ديجيتال : )

**heshamzaky** · 20-09-2010 11:15 PM

المشاركة الأصلية كتبت بواسطة adham

8 gauge

يبقى كويس قوي

تصدق انا اول مرة في حياتي اسمع ان فية صب ديجيتال : )

تصدق و تأمن بالله و الله كنت فى بالى و كنت حا أقول لة فية زميل اسمة أدهم ممكن بدلك ههههههههههههههههههههههههه ههههههههههههه مش ممكن الصدف و انت نسيت الهوم ثيتر ال jbl دة 185 rms يا باشا ممكن أتحفك بصورة هههههههههههههههههو انا بعتلك صورة للسماعة الصغيرة قبل كدة انت ناسى

**heshamzaky** · 20-09-2010 11:17 PM

أتفضل دى السلك العادى بتاع الديك العادى هههههههههههه برضو السلك بجيبة من راديو شاك الصور حا توضح

**Adham** · 20-09-2010 11:21 PM

هشام باشا حبيبي القلوب عند بعضها هههههه

بص ياباشا الصب مابيبقاش ديجيتال

الأوديو ريسيفر (الامبليفير) هوة اللي فية بروسيسنج انة يطلع الصوت دولبي ديجيتال (يعني 5 قنوات متوزع على سماعات متعددة زي ماحضرتك عارف)

و دة موجود مدمج عندك في الMain Unit اللي هيه في نفس الوقت فيها الصب ووفر انما الصب ووفر او السماعات مافيش منهم ديجيتال و انالوج

**ashrafohm** · 20-09-2010 11:30 PM

اممممممممممممم .. أنا بدأت أدخل في متاهات ولسه ما عرفتش تحديداً ايه الفرق برضه في الكابلات :(

يعني مثلاً دي مقاومتها أقل فبتوصل باور أعلى للصب؟!

والمتر من الكابلات دي بيكون في حدود كام ؟

بعدين انا السلك اللي خارج أصلاً من الهاي فاي عندي عادي جداً واستبداله من أول الهاي فاي صعب جداً لأنه راكب في حاجة زي جاك بنتين Two Pins.. فاقصى حاجة اقدر اعملها اني اقصه من بعد البداية بحيث اخلي في منه حوالي 30 - 40 سم بعدين الحمه مع السلك اللي من راديو شاك لحد الصب .. هينفع الحل ده؟