محتاج رأيكم يارجالة فولكس بيتلز

**krash2020** · 20-09-2010 09:27 PM

انا بحب العربيه دى بجد لانها عربيه مشيها حلو فى الطريق بس فى ناس نصحونى ان الفولكس فى بعها صعب عكس 128 وخيرونى فى 128 احسن وعربيه اقتصاديه بس انا قررت انى اجيب الفولكس والان فى فولكس قدامى موديل 79

صحبها بيقولى عاوزه طقم شكمان حضراتكم تنصحونى بأيه قبل ما اشتريها علما ان دى اول عربيه اشتريها وانا مش فاهم فيها قوى تنصحونى بايه ايه اهم حاجه فى العربيه دى عشان اعرف انها كويسه ولا لاء عشان ماتخمش وياريت تردو عليا

شكرا ليكم تحياتى

**HOSSAM99** · 20-09-2010 09:41 PM

خلي ميكانيكي فولكس مشهور يقيمهالك
هي عربيه سهله في كل حاجه وبتتباع كويس بس ليها ناسها
وقطع غيارها كويسه

**krash2020** · 20-09-2010 09:54 PM

شكرا ليك يا أستاذ حسام على اهتمامك هوا صحبها بيتكلم على 8.5 حضرتك ايه رأيك فى سعرها هوا فى كهربائى فولكس اعرفه حجيبه معايا ويشوفها هيا محتاجه علبه شكمان .. بس حسأل سؤال فنى يعنى العربيه دى احسن 128 ولا بلعكس يعنى انا دى اول عربيه اجبها

**ahmedamr** · 20-09-2010 09:58 PM

8 ونص يبقى العربية فيها حاجة انا عربيتى بيتلز 82 جابتلى فى العيد 14 الف ومبعتهاش عشان عارف عربيتي كويس

**krash2020** · 20-09-2010 10:25 PM

شكرا ليك يا أحمد على انا مش عارف انا على العموم حروح اشوف واجيب معايا مكانيكى وربنا يسهل ونشوف وحبقى ابلغك ان شاء الله ايه الى تم

**ahmedamr** · 21-09-2010 12:42 AM

يعنى بص ع الرقبة بتاعتها اسال مغيرة رقبة ولا لا وراشة جوة ولا لا
واطع امشي بيها جرب الموتور بتاعها وهات الاربع غيارات فى الفتيس يعنى اطلع بيها ع طريق جرب سحبها وكدة لو العربية فبريكة ومية مية وموتور وفرش ممتاز
وبوية برا اكيد راشة برا طبعا جديدة ممكن تعملها 13 او 12
لو كانت حالتها حلوة وعجبتك
ومتظبتة بس مثلا راشة جوة او مغيرة رقبة وكدة ممكن تخلصها عندك من 9 كدة لحد 11بس لو 11 هتلاقي جنوط سبور وكاوتش جديد وفرش جلد جديد فاهمنى وربنا يوفقك انشاء الله ومتنساش تخلي صاحبها يجهزلك شهادة المخالفات وهو جاى يكتب العقد معاك وربنا يوفقك انشاء الله

**krash2020** · 21-09-2010 12:55 AM

ياجماعه العربيه محتاجه بطاريه وتظبيط فى الفرامل وشكمان .. ايه رأيكم

**ahmedamr** · 21-09-2010 01:30 AM

علبة الشكمان جديدة بتعملها فى حدود 350 جنية من غير الديلين طبعا اللى هما نيكل دول لو القدام سلام ممكن تركبهم عادى بس دول اللى بيعملوا صوت الصفارة لو هتشتريهم جداد فى منة بيعمل صوت الصفارة وفى لا خلي بالك
وحوار الفرامل دة متقلقش بيتعمل عادى وممكن تعدل الفرامل اللى قدام ع ديسكات كمان بدل الطنابير بالمرة
المهم الاساسيات اللى قولتلك عليها والموتور والفتيس ودول الميكانيكي بتاع الفولكس هيطمنك عليهم هما والرقبة والعفشة والكلام دة بس ميكانيكي فولكس مش اي ميكانيكي عشان الميكانيكية العاديين ولا يفهموا فيها حاجة
وما انصحكش تشتري عربية متعدل فيها والكلام الفاضي اللى بيعملوة دة عشان دة بيقلل من تمن العربية كتير

**mmoneim** · 21-09-2010 11:32 AM

الاخ العزيز العربيه الفولكس براى احسن من 128 طبعا والسعر اللى انت جايبه مفيش وجه مقارنه بينه وبين سعر العربيه التانيه
اما علبه الشكمان فدى بتعمل 250 بالديل فى عين شمس وممكن تسال هناك الف مين يدلك لان فى واحد متخصص فى العلب دى
واما العربيه فلازم تخلى المكانيكى يبص على الرقبه فعلا والدنجل عدل ولا لآ العفشه اخبارها ايه والموتور لو معموله عمره ولا لآ
وطبعا السعر لازم تفاصل شويه يعنى مش من اول مره توافق على السعر
دا طبعا بعد راى الميكانيكى
وربنا يجعلك فيها خير

**ahmed2y** · 21-09-2010 12:01 PM

شوف الينك دة وقولنا رايك ويا ترى الميزانية قد اية وخد بالك الفولكس اسعارة من 7 و8 لحد 18 وخايلك فى موديل 1302 و 1303 افضل من 1300من ناحية العفشة

ContactCars | السيارات المستعملة