الى اصحاب البيتل الدخول ضرورى

**max666666** · 21-09-2010 03:27 AM

بسم الله الرحمن الرحيم

السلام عليكم جميعا وانا فرحان فعلا برجالة البيتل لان انا قريت كل المواضيع بتعاتكم كلها ويا سلام على الروح الجميلة الى بينكم وكل واحد بيتفانى فى مساعدة اخو التانى والله بجد من كتر كلامك مع بعض حسيت انكم اصحابى الانتيم (المهم) انا هرخم عليكم فى شوية استفسارات كدة ده بعد اذن انا اولا لسه معنديش عربية وكنت بدور على عربية فى حدود العادى المهم ::::
انا بفكر اجيب البيتل وبصراحة لسببين
1الفلوس 2وعلشان انتم ناس حلوة
وبصراحة خايف منها من كتر ماشوفت المواضيع بتاعتكم انها بتبوظ كل شوية وانا معيش كل شوية اروح واصلح :
انتم رايكم ايه اجيبها ولا بلاش لا انها بتبوظ بسرعة
وقطع غيارها الى مش متوفرة وان لازم يكون ليها ميكانكيى معين...ياريت تنصحونى لان دى هتبقى عربية عائلة .................. واسف اسف على الاطالة والرغى

**maiasn2000** · 21-09-2010 05:35 AM

يا صديقي عربيه جميله ودمها خفيف قوي انا لسه مشتري واحده 1974 ومبسوط بيها قوي مع العلم اني معايا اكسنت 2005 بس الشوراع هنا يدوب الفلوكس ( الدبابه ) مناسبه قوي ليها وقطع غيارها متوافره جدا وارخص من قطع غيار ال 128 علي عكس المتوقع لاني سالت علي كل قطعه فيها قبل ما اشتري علشان برضه كنت فاكر زيك انها غاله لكن الحقيقه انها عربيه اقتصاديه جدا
المهم ان العربيه لما تجيبها طبعا عارف انها قديمه واكيد محتاجه شوية مصاريف علشان ترجعها لحالتها الاصليه ولو ضيطتها يبقي خلاص هاتحافظ عليها ومش هاتشتكي منها

**ahmed_mido1889** · 21-09-2010 05:43 AM

لو العربيه اساسيتها نضيفه وموتورها مظبوط ةالكرابراتير تمام مش هتحتاج غير كل فتره تغير بوجيهات وابلاتين وكوندنسر غير كده العربيه مفيهاش حاجه تانيه تتعمل

**hosamsief** · 21-09-2010 09:54 AM

انا كنت زيك بالظبط من 4 شهور و محتار بس ربنا اكرمنى و اشتريت واحدة موديل 80 و فعلا عربية محترمة بس مينفعش تهمل فيها علشان تاخد منها افضل اداء و اهم شيىء و انت بتشترى لازم تاخد معاك ميكانيكى امين و فاهم و تشوف حاله العربية ككل و تشوف الاساسيات لو سليمة توكل على الله (( زى الرقبه و السقف و حاله الماتور )) و ربنا يوفقك .......

**max666666** · 21-09-2010 11:21 AM

شكرا على الردود الجميلة دى انتم فعلا رجالة وربنا يديم المعروف وانا هتوكل على الله واجيبها بس عاوزين بقى نتجمع ونشوف بعض علشان انا نفسى اتعرف عليكم

**max666666** · 21-09-2010 11:22 AM

هو بس لو حد يعرف ميكانيى فولكس قريب من الهرم او الجيزة لان انا معرفش ميكانكيى فولكس وشكرا يا رجالة

**mido320i** · 22-09-2010 07:43 AM

انا بفكر اجيب واحده وفضلتها على 127 & 128 بس هو ممكن يتحطلها بنزين 80 من غير مشاكل؟؟؟؟ واستهلاك البنزين كام 1300 cc ??? شكراً

**samirsaid1** · 05-10-2010 06:14 PM

توكل على الله ومش هاتندم
بتشتغل بنزين 80 واستهلاكها فى القاهرة من 7 إلى 8 لتر أما على الطرق السريعة ممكن تكون 12 كيلو لو العربية متظبطة

وبالتوفيق

**al_manara** · 05-12-2010 09:48 AM

طيب بالمناسبة ليا سوال برضة . لان انا كمان العربية دي عجباني
هي ليها صوت كدة مميز كلنا عارفينة . تقريبا بيطلع من الشكمان . هل الصوت دة بيكون مسموع في الصالون من جوة ؟
وكمان اية اخبار عزل العربية يعني الي قاعد ورا هايسمع صوت الموتور او هايحس بحرارة ؟

**smsmxxxxxx** · 05-12-2010 10:51 AM

المشاركة الأصلية كتبت بواسطة al_manara

طيب بالمناسبة ليا سوال برضة . لان انا كمان العربية دي عجباني
هي ليها صوت كدة مميز كلنا عارفينة . تقريبا بيطلع من الشكمان . هل الصوت دة بيكون مسموع في الصالون من جوة ؟
وكمان اية اخبار عزل العربية يعني الي قاعد ورا هايسمع صوت الموتور او هايحس بحرارة ؟

يا باشا صوت الموتور بيبقي مسموع في صالون العربية وكمان صالون البيت لو راكن تحت البيت

بالنسبة للعازل الداخلي كل عربية بتفرق عن التانية في عربيات معزولة كويس وفي اى كلام

بس بصفة عامة صوت الموتور عالى والصالون اسخن من العربيات العادية في الحر طبعا

-------------------------
محمد سالم

الموضوع: الى اصحاب البيتل الدخول ضرورى

LinkBack

أدوات الموضوع

عرض

-

-

-

-

المواضيع المتشابهه

الرجاء اصحاب بيجو 505 الدخول

اصحاب مازدة 323 الدخول ضرورى

عاجل لكل اصحاب السيارة 308 برجاء الدخول

الي اصحاب السيراتو والكارنز ارجوا الدخول

اصحاب السيارة Gen2 ياريت الدخول

الكلمات الدلالية لهذا الموضوع

المفضلات

المفضلات

ضوابط المشاركة