الموضوع: السعر السوقى (الواقعى) الحقيقى ل 316 2006 مانيوال ؟؟

المشاركة الأصلية كتبت بواسطة medo20000

ياشباب .. ممكن حد يفيدنا فى سعر ال 316 مانيوال أقل فئه ماشيه 96000 كم بحالة ممتازة بكام ؟؟

الأخ bucaneer عايز معلوماتك المفيدة وأمثلتك الجامدة قوى إن وجدت ....شكراًً :o_stupid[1]:

بالنسبه لل e46 316 أنا عن نفسى بالأمانه مش هقدر اقيم لك سعرها لأنى شوفت فيها أسعار بينها فروق شاسعه يعنى مثلا كان فيه 2005 كانت اول ما عرضت ب 130000 جنيه و انتهى بها المطاف إلى 105000 جنيه وفيه كان معروض معها أختها ب 125000 جنيه! فال 316 كسعر مش هقدر افيدك فيه لكن أنا عن نفسى ممكن اقيمها كأمكانيات بينها و بين ال e46 318 بفارق لا يقل عن 20000 جنيه, يعنى مثلا ال 2002 البيزلاين سعر سوقها 115000 جنيه تزيد 2000 أو تنقص 2000, يعنى إذا هشترى 316 2002 هشتريها بسعر من 90000 إلى 95000 جنيه و مش هزود عن هذا السعر مهما كانت السيارة لأن عند أعادة البيع بالوضع الحالى لهبوط سعرها لفقرها للكماليات الموجوده بنظيرتها ال 318 هتقصر معى طبعا!

عالعموم أنت شوف واحده و قول لى معروضه عليك بسعر كام؟؟ و إذا كنت تقصد السياره الموجوده بموقع كونتاكت كارز و السياره الموجوده بالأسكندريه اعتقد سعرها ينزل على الأقل 8000 جنيه. يعنى من 135000 إلى 140000 جنيه سعر جيد! حاول معه فى هذه الحدود!

طبعا السياره ال 316 كلها مانيوال عدا ال 2010 فيما فوق!

المشاركة الأصلية كتبت بواسطة medo20000

بصراحة واحد صحبى قالى فى عربية 316 مانيوال موديل 2006 ماشيه 96000 كم حالة ممتازة مطلوب فيها 125000 وممكن تنزل كتير ....فأنا إتجننت وقولت له مستحيل

انا لسه شايف واحدة e46 موديل 2000 الفتيس القديم ماشية 100000 كم متباعة ب 115000 !!! طب إزاى أنا عارف ان ال e46 القديمة يعنى من 2001 إلى 2005 احسن كشكل وخامات تصنيع ....وغيره بس هل ده يعنى أن سعرها ينزل بالطريقة دى ..؟

شوف يا جميل ال e46 بدأت من 1999 إلى 2006 تمام! مصل ما قولت لك قبل ذلك الفروق فى الشكل من سنة... إلى سنة...

ال 316 وقف تنزيلها من عام 1999 إلى 2001 تقريبا و بدأت تنزل فى ال 2002 على حد تذكرى. فيه فروق ما بين ال 318 و ال 316 طبعا البلوك بتاع المحرك واحد و نفسه لكن بيختلف فى السعه و الأمكانيات, ال 316 لم ينزل منها بفتيس أتوماتيك يعنى هتجدها كلها مانيوال من 2002 إلى 2009 او بداية عام 2010 تمام! بالنسبة للسعر جميل! و إذا قدرت تنزل فى السعر عن هذا نزل فيه على قد ما تقدر و ربنا يبارك لك ويوفقك! تمام و ملحوظه لك ال 316 2006 مش E46 غالبا هتكون E90 الشكل الجديد!