مؤيد لرأي د.احمد, لان فعلا مافيش غير كده, و بصراحه هو قال كل الحلول الممكنه...
القرار في ايدك, و انت ادرى بظروفك...
عرض للطباعة
الأختلاط اهم سبب
بالظبط كده
انا رايي كده برضه
=================
وليمة محترمة ولو لقيت مكان محترم ويكون اكل مظبوط وانسى كل الناس هيشكروا فيها
والنساء يعيشوا حياتهم مع بعض ويعملوا اللي هما عاوزينه في مكان تاني ويفضل كل الكلام ده تجهزله مكان في بيت احد منك لو يساعي الكلام ده
بس صدقني الرجاله لو اقعدوا واكلوا اكل كويس هيبقى ميه ميه
والحل الثاني انك تقولهم احنا هنعمل عمره بفلوس الفرح وتعمل الدخله وتسافر
وبالله عليك لا تتنازل صدقني بعد كده هتندم اشد الندم على ما فعلته في الفرح بجد
صدقني اخلص النيه لله وهتلاقي كل الناس انبسطت وفرحت والناس اللي كانت معارضه ربنا هيرقق قلبها ان شاء الله حتى لو ام العروسة او ابوها
والكلام ده عن تجارب
وبعدين مفيش حاجه اسمها رجاله تضرب دف مع احترام لكل من قال هذا
الدف بيبقى عند النساء فقط
الرجاله الفرح عندهم قاعده مع العريس وتهاني له واكل اما رقص ودف لأ
ممكن لو فيه حد يقعد ينشد للعريس يبقى جزاه الله كل خير
اما غير ذلك فلا يطلق عليه فرح اسلامي وليس هناك اساسا حاجه اسمها فرح اسلامي
قول عاوز اعمل فرح بدون معاصي وذنوب
ونصيحة لك اخلص النيه وتوجه بالدعاء الى الله لكي يخرجك منها ان شاء الله سالم
وبارك لكما وبارك عليكما وجمعا بينكما في خير
انا مش فاهم ياجماعة اية القصة بتاعة الافراح دية
يعنى فية واحد عاقل يبتدى حياتة مع مراتة بذنب زى كدة انت مش هتاخد بس ذنب الاغانى لا دة هتاخد انك عملت اختلاط بين الرجال والنساء والى بينتج عنة كل راجل يشاهد على الست دية لبسة اية ومش عارف اية وهيا ذنوب بس دة ملايين الذنوب الى هاتخدها بعدين احنا مين عشان نعدل على شرع ربنا اعذرنى يا اخ بس العيب فينا احنا بجد احنا مش عايزين نتغير لمستوى احسن
انا عارف انك عايز تفرح وتهيص بس احنا مين عشان نحكم العقل فى الشرع بتاع ربنا وكفاية عليك ليلة الدخلة ياسيدى هاتهيص
مع حلاك وربنا يستر على عقولنا من انفسنا
ماهو بيحاول يقولك انه ده ذنب ف متعملوش
انا عرفت معلومات مبدئيه عن مكان المحل اللى بيبع الفساتين
هو فممر الكونتنينتال وسط البلد عنده فساتين كتير و اسعارهم معقوله بس لازم تفاصل شويه علشان توصل لسعر كويس
اسم المحل: انا سألت اخويا عليه و ان شاء اول معرفه هقولكم عليه
طبعا من الجهل الناس كل واحد بيفتكر انه طلق مراته
و الصحيح لو كان بيقولها و هو فى شدة الغضب و الثورة لا يقع طلاق لانه مش متحكم فى تفكيرة و اقوالة ساعتها
و هية لو حائض لا يقع طلاق
فلو واحد عصبى و عمال يزعق و يحلف بالطلاق حتى لو قالها 1000 مرة لا يقع طلاقا لانه مش متحكم فى عقلة ساعة الغضب
الشيوخ و العلماء افقة منا فى كل شيئ
فيا ريت يا ريت ياريت يا ريت
محدش يقول على رجل دين اى كلمة غلط علشان هو الى ما بيفهمش فى احكام الشرع فبيتهمهم بما ليسوا فية
ياخى السلام عليكم
لا تفهمنى غلط انت زى اخويا وشايف ناس كتيرة فى المنتدى دة رجالة وزى الفل وانت اولهم
انا بقولك متزعلش اذا كنت مش هاتعمل فرح دة بالعكس ربنا بيحبك انك فيك البذرة النظيفة دية وحاسس بتأنيب الضمير ربنا يدمها عليك ودة بيدل انك مش عايز تغضب ربنا لانة فية ناس بعيد عنك ربنا بيختم عليهم ومش بيعرفهم الحلال من الحرام ويخليهم ماشيين مش داريين
انا الى كنت بقولة كانت نصيحة اخوية لاخ كريم مثلك واعذرنى لو مكنتش متابع لمشاركاتك او ان فهمتك غلط او اذا كان كلامى غليظ شوية معاك لكن حسيت انك عايز تعمل اختلاط فى فرح اسلامى عشان الناس تفرح
وانا عن نفسى مقدرش اديلك فتوى بخصوص الفرح الاسلامى و الدفوف او حاجة متعلقة بفرح اسلامى ياريت ترجع لشيخ تلتمس فىة الخير وهو يدلك
وما كان كلامى الا خايف على اخواتى المسلمين يقعوا فى الخطا لانى بحب الناس الى فيهم البذرة الكويسة الى ذيك واحب ليهم الخير عشان كدة كتبت مشاركتى
وبطلب من اخوانى انهم ما يقلولوش فتاوى من انفسهم لان دية ذنبها كبير جدا لو طلعت خطاء فياريت لو كل واحد يذكر المصدر الى جاب من الافتاء يبقى جزيل الشكر للافادة
ودية مواقع افتاء فى اسئلة واردة ممكن تبحث فيها او انك ترسلهم سؤال
اولهم دار الافتاء ودة بيرد عليك بسرعة
.: Dar Al-Iftaa | ط¯ط§ط± ط§ظ„ط¥ظپطھط§ط، ط§ظ„ظ…طµط±ظٹط© :.
وتانى واحد بياخد وقت شوية عقبال الرد وبتبعت سؤال من على الموقع الساعة 8 الصبح لانة بعد كدة بيقفل الاسئلة لانة بيكون علية ضغط اسئلة كتير فبياخد كمية كل يوم ويقوم قافل
إسلام ويب - مركز الفتوى
وربنا يوقفك ويرزقك بالخير انت وزوجتك والذرية الصالحة ويدوم عليكم الخير والبركة
ربنا يكرمك ياباشا
كده انا فهمتك
لا انا مش عاوز اعمل اختلاط ولا الكلام ده
بس فعلا والله كان نفسي اهيص عشان انا اصلا كنت بحب ارقص في الافراح العاديه
فكان نفسي فرحي يبقي مختلف
بس طالما حاجه حرام يبقي مينفعش تتعمل
انا ححاول اسأل في موضوع الدفوف عند الرجال ده
لو حرام حخش اقعد مع مراتي جوه بقي وانزل الاكل هناك عند الرجاله ومحدش حياخد باله مني
:satelite::satelite:
(ايموشن واحد ابليس خبيث)