ما انت لازم تمنع الأختلاط
عرض للطباعة
متعملش فرح خالص
او لو مصر يعني... حط فلوسك في وليمة... ادبح واعزم الناس على عشاء بعد الكتاب وخلاص
السلام عليكم
اول حاجة ربنا يجازيك خير انك بتحاول ترضي ربنا في فرحك و كفاية الحديث الرائع اللي اخونا فكرنا بيه عشان تتأكد ان انت صح
الافراح الاسلامية في رأيي لازم تبقى احلى افراح و يا ريت كل واحد يحاول يخليها احلى ما يمكن عشان الناس تتشجع لها و يبقى له ثواب تحبيب الناس في الحلال و ابعادهم عن الحرام
الموضوع عند النساء بيبقى زي الافراح العادية و احلى بس الوضع عند الرجالة هوا اللي بيبقى محتاج تظبيط
انا في رأيي انك تجمع الرجالة على وليمة بدل من تكلفة الفرقة و انت عارف احنا الرجالة بنعز الاكل قد ايه و بتبقى فرصة للكلام و الضحك و المجاملات و في باقى الوقت تفكر في فقرة او اثنين تناسب الرجالة و أقترح عليك انك تجمع الناس من اهلك و من اهل العروسة في تعارف ممكن في نص ساعة او اكتر لان دايما لما باحضر الافراح بيبقى اهل العريس لوحدهم و اهل العروسة لوحدهم و محدش عارف حد وممكن وقت تاني لاصحابك اللي يحب يباركلك بكلمة لطيفة او لو انت محظوظ زيي واصحابك كلهم شعراء حد منهم يكتبلك بيتين حلويين
بس كل ده محتاج ان اهلك و اهل العروسة و اصحابكم يبقوا مرحبين بفكرة الفرح الاسلامي عشان محدش يتدخل وقتها و يبوظ الدنيا
و أهم حاجة ترتب لوقت يتجمع فيه الاسرتين بس و الناس اللي يجوز تشوف عروستك و تفرحوا فيه زي ما انتوا عايزين وعلى فكرة هما دول الناس اللي الواحد بيبقى بجد نفسه يفرحوا و ربنا ييسر لك الخير و يباركلك و يقر عينك بزوجتك و يرزقكم الذرية الصالحة
الواحد يجيب بلاي ستيشن وترابيزه بنج ويعمل دوره وخلاص
:) :)
واللي يكسب ياكل
فكر في قد ايه ماليزيا اسلامية وجميلة (أفكار شريرة)
فكر ف انك قد ايه اتزنقت في المصاريف وعايز تتبسط بقى (أفكار أشر منها)
فكر تتفسح انت وعروستك 10 ايام ب 15ألف بالكتير ولا تدفع دم قلبك في عشوة الناس هتنساها بعد يوم واحد؟ (مواهاهاهاهاههههه)
أولاً : ألف مبروك يا ميكي ، وربنا يتمم لك على خير ..
ثانياً :شيل صورة ميكي اللي في توقيعك اللي بتقول على فار كارتوني إنه في الجنة والعياذ بالله .
ثالثاً كلمتك دي استوقفتني
فيه فرق بين القاضي والمفتي
القاضي بيسمع من طرفين علشان يحكم بالحق
لكن المفتي بيسمع من طرف واحد بس .. وبيفترض في السائل أن يكون متديناً حسن النية صادقاً دقيقاً فيما يقول ..
فلما يكذب هذا الطرف على المفتي يكون الوزر عليه هو ..
يعني لما يسأله عن ملابسات الواقعة فيكذب ويزور ويدلس ، فهل يكون المفتي هو المخطئ
مثلاً : نقول ذهبت لصلاة الجمعة وكنت شاكك في وضوئي فهل تصح الصلاة ..
فحين يقول لك نعم تصح .. ولكنك في الحقيقة متأكد 100% إنك كنت على غير وضوء
يكون هو المخطئ ولا انت
تقبل خالص مودتي
أنت ممكن نعمل فرح عادى وتتحكم فية ... يعنى الدى جى حيشغل موسيقى slow و تجيب عوواد يغنى اغانى زمان الحلوة بتاعت سوق بينا ياسطى ع الكورنيش و الحاجات الجميلة دى وبعدين اغنية العريس والعروسة تكونوا مختارينها انت و مراتك تبقى رقصة سلو جميلة بعدين البوفية وبعد البوفية اغانى فيروز و كدة
حيبقى فرح جميل و هادئ ومفيش فية مسخرة والحاجات دى ...
يا عم بلا فرح بلا بتاع بفلوس الفرح روح اتفسح في اي مكان انت اولى بالفلوس دي
الفرح ده فلوس على الفاضي وعمره ما حيعجب حد تلاقي المعازيم ينتقدوا اي حاجه والسلام ولو ملقيوش حاجه يعيبوا على العريس والعروسه
انا اسف ياشباب لو كنت ضايقت حد ومكنش قصدي يعني
بس ده فعلا اللي حصل انا مجبتش حاجه من عندي
الراجل ده عصبي وكثير التلفظ بلفظ الطلاق
وكل مره يروح دار الافتاء ويرجع يقول لا تحسب
هوا كل مره لا تحسب
عشان هيا اخر مره يعني
طلقتين ؟
اشمعني اللي فات اتحسب يعني
عشان فيه فرصه تانيه
اشمعني دول متحسبوش ساعه غضب
انا انعدمت الثقه فيهم تماما واما بحب اخد فتوي بدخل عالنت علي الموقع بتاعهم واتأكد من مواقع اخري
عالعموم بعتذر مره تانيه ان كنت ضايقت حد وفهم كلامي غلط
قال الله تعالى...
{فَاسْأَلُوا أَهْلَ الذِّكْرِ إِنْ كُنْتُمْ لَا تَعْلَمُونَ} [النحل: 43]
صدقني دار الافتاء هي المكان السليم للسؤال و طلب المشوره
و النصيحه طبقاً للشرع و الدين, و ان شاء الله يوجهوك لما
فيه الخير ليك طبقاً لكتاب الله و سنة رسوله عليه الصلاة و السلام...
ده الموقع بتاع دار الافتاء...
www.dar-alifta.org
www.dar-alifta.com
www.dar-alifta.net
و ده رقمهم...
107 - 25970400
ربنا يوفقك للخير, و يباركلك في زواجك...
ربنا يتمملك علي خير ونفرح فيك قريب
حتي لو نفسك تهيص اكيد مش هتبقي مستمتع وانت اصلا مستحرم الموضوع ومعاك حق طبعا ، احتسب عند ربنا انك معملتش كده إرضاءً لله و ممكن قبل الفرح تعمل عزومه لكل اصحابك ومجرد التجمع اصلا هيكون هيصه وهتقضي وقت جميل جدا بالتجمع ده وهتهيص
بالنسبه للفرح نفسه هقولك تجربه عملناها في فرح اختي ، حجزنا في كافتريا كبيره علي الكورنيش خدنا نصها بالظبط واتقفل لينا من بعد الباب وكل اللي معزومين كانو من العائله فقط ،، الناس اول ما وصلو كان في رحله نيليه لحد المغرب وكانت جميله جدا خصوصا وقت الغروب
بعد كده نزلو في المكان العريس والعروسه علي ترابيزه و الخلفيه كلها بوكيهات ورد و كل عائله علي ترابيزه ، وجبنا المأذون عمل كتب كتاب وهمي لأنهم كانو كاتبين اصلا قبلها واشهار وبعدين لبسو الشبكه و كنا جايبين أكل من برا وحلويات وما شابه ، وطبعا الدنيا كانت هيصه الناس كتير بس كلهم عارفين بعض كويس لأن كله من العائله زي ما قلتلك والجو العام كان جميل جدا وكله ود ومرح جدا وكله عمال يهزر واحيانا مقالب خصوصا ساعة الأكل وفي التصوير ، وكان يوم جميل والحمد لله الكل اتبسط حتي مكانش في أي تعليقات سلبيه ودي حاجه غريبه والوقت عدي بسرعه رغم اننا ماشيين متأخر
متزعلش مني بس بصراحه اللي في الفيديو ده حاجه مبتذله ومستفزه ، يعني ايه واحد عمال يقول صلو علي النبي مع الموسيقي والناس عماله ترقص عليها ! هو ده مقام ذكر النبي ! وتفتكر كام واحد من اللي موجودين دول أصلا افتكر انه المفروض يقول "عليه الصلاه والسلام" ! أكيد محدش في دماغه ! فكرتني بمنظر للأسف شوفته في فرح كالعاده بيفتتحو باغنيه لأسماء الله الحسني وحتي دي الناس كانو عمالين يرقصو عليها !! بجد حاجه مستفزه !
د.أحمد انا اول ما شوفت اسمك قلت وجدنا الحل :E_braces[1]: فين الحل بقي ؟
صورة ميكي معتقدش مقصود بيها جنة الخلد خالص شكلها جنه عاديه من بتوع الدنيا
انا عملت فرحي إسلامي وكانت الفرقة جايبين فيه دف وطبلة وتقريبا درامز بس بصراحة أصحابي كلهم لحد الان "انا متجوز من خمس سنين" بيتحاكوا بالفرح ده وكلهم ناويين يعملوا فرح إسلامي. فيه واحد من الفرقة رقم تليفونه معايا لو حضرتك عايزه ممكن أبعتهولك.وربنا يتمم لك بخير
ألف مبروك و ربنا يتمم بخير إن شاء الله
أنا أسمع إن السنة فى الزواج هى إعداد الوليمة و الإطعام له ثوابه العظيم
و رأيى تعمل عزومة محترمة لو تقدر و زفة بسيطة زى ما عملت لأختك
و لو باقى معاك فلوس ممكن تتفسحوا بيها فسحة حلوة فى شهر العسل
و ربنا يجعل أيامكم كلها عسل و يبارك لكما و عليكما إن شاء الله
المشكله يازينه ان العروسه ملتزمه
بس اهلها عادييين
وزي اي ام نفسها تفرح
ومن نظام ان البنت تقلع ليله فرحها ودي ليله العمر والعبط ده
فطبعا عشان اجي اقولهم وليمه
حتقولي تيييييت
فلازم اعمل حاجه تبسطهم
وانا عند اختي كانت وليمه
عند البنات هيصوا واحنا كانت اكل بس
وكان صباح الكأبه والله
وكنت متضايق جدا مع اني كنت جايب الطبله والدفوف وكنا حنهيص احنا
والعريس مرضيش وكان يوم رخم جدا والرجاله قاموا متضايقين
فطبعا انا مش عاوز كده
مش عاوز اما اقول فرح اسلامي الناس تقرف ومتجيش ويقولك احنا مش رايحين ناكل
مع انهم اصلا رايحين ياكلوا
:ma:
وانا اولهم
ده اول فرح حعمل البوفيه فيه علي مزاجي
ياسلااااااااااااااااااااا اااااام
بس بقي احسن الشباب تسمع وييجوا
والاقي البوفيه خلص علي 3 انفار
أنا فرحي كان عبارة عن قاعة أفراح و dj عبارة عن شرائط سامي يوسف فقط
استمر حوالي 3 ساعات منهم حوالي ساعه أو أكثر بوفيه
التكلفة كانت كبيرة كأي فرح عادي و لكن كان الغرض إدخال السعادة لقلب أبي و أمي و عدم إغضاب الله سبحانه و تعالي و أعتقد أن الغرض تم بشكل كبير وانتهي الفرح بدون شد عصبي و لا تمثيل و لا برنامج مكرر ممل لكل الأفراح
كانت جلسة ظريفة مع كل الناس و لم نكن تماثيل يتفرج عليها الناس بالساعات
كانت وليمة جميلة أشبعت الجميع و زادت
كان وقت قصير خفيف أدي المطلوب بدون تقليد لتقاليد عجيبة
بالإضافة لأني حضرت أفراح تقتصر علي كتب الكتاب في المسجد كانت جميلة جدا
أهم حاجة الواحد يبقي عارف هو عايز إيه مش الناس أو العادات
هو ليه الشباب ما بيهيصوش زى البنات ما بتفرح العروسة و يغنولها و يهيصوا معاها فى الأفراح الاسلامية و بتبقى بالنسبة لهم بايخة :U_thin1[1]:
طالما مفيش أختلاط أيه المشكلة يعنى أنا فاكرة زمان أيام الأفراح المحافظة التقليدية كان الشباب يغنوا للعريس و يلعبوا بالعصاية و يرقصوا بيها و هز الكتاف والدبكة و حاجات كدا تفاريح رجالى ظريفة ( و مش زى رقص سعد الصغير والقرف دا) و كان الأطفال والبنات يتفرجوا عليهم من الشبابيك أو من وراء الستاير و الله كانت ظريفة جدا
ـ
-
-
ربنا يستر على البوفية اللى أنت صرحت بيه دا أنت قولتى الفرح فين ههههههههههه
عندنا هنا كاسحات بوفيهات فى المنتدى ههههههههههه :C_laugh[1]:
أنا حضرت أفراح إسلامية كتير .. معظمها ممل جداً .. وفرح أو اتنين الي كانوا حلوين بجد
فيه فرح فيهم كان فيه فرقة إسلامية ، دف فقط ، ورقصنا وهيصنا مع العريس ..
والجميل بقى كان فيه واحد من الفرق منظم الموضوع والناس كلها تعمل زيه ، يعني كان فيه دبكة سوري وصعيدي وتشكيلات تانية جميلة جداً
أنا بقى رأي في الموضوع ده ، كتب كتاب أو إشهار في الجامع ، وتقديم عصير وشيكولاتة ، والناس تسلم على بعضها ، وتطلع زفة بالعربيات ، بعد كده تاخد العروسة والأقارب المقربين للعشاء في مكان فاخر .. وشكراً على كده
وفلوس الفرح دي تطلع بيها شهر عسل في تايلاند أو ماليزيا
ودي حاجة بسيطة كده عشان أقنعك
http://i20.photobucket.com/albums/b2...h_thailand.jpg
http://www.beachbumparadise.com/wp-....-phi-beach.jpg
http://www.projects-abroad.org/_phot...n-thailand.jpg
http://www.beachbumparadise.com/wp-....-phi-beach.jpg
الفرح لا يتعمل زى ما بيتعمل و خلاص
لا ميتعملش
بس فرح اسلامى و مش فرح اسلامى انا شايف انه لف و دوران لا طائل منه
خد مراتك وروحوا انبسطوا مع بعض و سافروا - الناس مش هتعملك حاجه
ياشباب الاهل عامل مهم جدا انتو غافلين عنه
يعني ازاي امها حتقبل ان بنتها تخش سكيتي
دي ابسط حاجه حتتقال
اذا كان عليها هيا هيا مش عاوزه غير حاجه واحده
فستان ابيض وعربيه متزوقه ولولولولولولولولولولولولو لولولوي وخلاص علي كده
ونطلع عمره في شهر العسل
دي اقصي طموحاتنا
وموضوع اشهار في مسجد ده مش حلو لان اللي بيعمله بيكونوا ناس كبار في السن وسنهم مش سن افراح وهيصه
انا كاتب كتااااااااابي ولازم الاقي طريقه اعمل بيها اشهار والوليمه سنه يعني لازم اولم والرسول صلي الله عليه وسلم قال اولم ولو بشاه
وكانت وليمته علي احدي زوجاته تمر ولبن
بس مين يفهم
ان الموضوع ممكن يكون بسيط
والله انا مش عارف حجيب اصلا فلوس الفرح دي منين
ربنا كريم
انا بفكر معاكو من دلوقتي عشان اوصل لحل
ياجماعه دول رافضين ان الفستان يتأجر
اقول ايه تاني
ايه يا صبحى, انت صدعتنا بجد
بص يا ريس مفيش حاجه اسمها سكيتى لا الأعضاء المحترمين جدا هنا قالوا بعد تناول وجبه العشاء فالمكان الفخم تعمل زفه بالعربيات, و تدخل الشارع و البيت بالأزعاج المعروف علشان الناس تعرف (الأشهار) و خلاص على كده
كون العروسه مش عايزه غير فستان ابيض و عربيه متزوقه يبقى خلاص اشتريلها فستان (مش تأجر) انا ان شاء الله هجيبلك عنوان محل بيبيع فساتين كويسه جدا و اسعاره ممتازه و تزويق العربيه مش مشكله طبعا
عمره فشهر العسل ماشى
<>ممكن تريح نفسك و تعمل وليمه فالجامع اللى جنب البيت اللى هتسكن فيه (و تجيب حد يقول اناشيد و كمان شيخ الجامع يقول خطبه صغيره و يدعى لك) و بعدها زفه صغيره جدا و خلاص
يبقى عملت فرح اسلامى,اشهار, وليمه, زفه الـــ ولولولولولولولولولولولولو لولولوي و الفستان و الأهل كلهم موجودين, اظن كده مش ناقص حاجه
يا جماعه حكاية مافيش فرح فكره مش عملية لأن 90% من العائلات سواء العريس أو العروسه هتطلب الفرح و مش هتتنازل عنه أبدااا
مفيش مخرج من الحكاية دي إلا بطريقتين وبس :
فرح على الضيق تتقابل فيه العائلتان فقط يعني انت واسرتك واخواتك وأسرة خالك وخالتك واسرة عمك وعمتك فقط .. مش أسر أولادهم كمان لو كبار
ونفس المسألة الناحية التانية فقط ..
الميزة في هذا الفرح هو تعارف العائلتين على بعض .. وحدود الاختلاط هاتبقى في إطار محترم جداً ..
الحل الأمثل لهذا الشكل هو باخرة نيلية وعشاء فاخر .
الحل الثاني هو فرح على الواسع يعني قرايبك وصحابك ، وقرايبها وصحابها .. الخ
ودي ملهاش حل غير الفرح الإسلامي التقليدي وبس ..
ويمكن القفز على هذه المسألة بأن تفصل بين الرجال والنساء ببرافان كبير فقط ، أو تقعد الرجالة على اليمين والستات على الشمال ودمتم ، وكل الناس تكون عارفة إن ممكن حد من الرجالة يدخل لمراته أو اخته ، والعكس .. يعني فيه اختلاط لكن في حدود ضيقة ، وعدم الفصل التام يخلي كل واحد يبقى عارف حدوده كويس ، وتعمل بوفيه محترم ، وتمنع الرقص والكلام الفاضي ده ، وتقعد جنب مراتك في كوشة برضة في النص وخلاص ..
وغير كدة يبقى أي حاجة تانية متنفعش وفق الكلام والمعايير التي وضعتها ..
وتقبلوا جميعاً خالص مودتي