عرض للطباعة
السلام عليكم.......
ناوي ان شاء الله اجيب هيونداي i 10 اوتوماتيك 2011 لزوجتي العربية 1100 سي سي اتنين ازاز كهرباء و سعرها زيرو 70 الف......
هل هيه عربية جيدة و هل قطع غيارها متوفرة و اخبار استخدامها ايه؟؟واخبار الموتور الجديد ال 2011 ايه؟؟سحب و استهلاك بنزين؟؟اعادة البيع؟؟؟كله يعني.......
ارجو من مستخدميها و مالكيها نقل رأيهم و تجاربهم معها للافادة.....مع العلم انها سيارة للمدينة و ليست سيارة اداء و سباقات يعني عائلية كسيارة تانية للاسرة........
و شكرا للجميع...........
بص يا سيدي انا معايا العربيه ديه اوتوماتك 2011
العربيه حلوه جداا ماشاء الله بس مشكلتها الوحيده في الموتور بس برضو الموتور مش سيء
يعني لما بشغل التكيف اول ما ادور العربيه في الحر اووي بتعد حبه كده مكلبشه وبعدين تفك وتسحب كويس
وبمشي بيها على طرق سريعه والتكيف شغال مفيش مشاكل ووصلت بيها لـ 110 بالتكيف وهي اكيد تجيب اكتر من كده بس انا مش بحب امشي اسرع من كده
بالنسبة لقطع الغيار واعادة البيع بصراحه معنديش فكره
ولو في اي اسئله تاني ممكن اساعدك فيها قول كل اللي في نفسك :)
عربية حلوة وجميلة
بس مشكلتها
واطية شوية
نظام التعليق ضعيف
شكرا لكل الردود الحلوة
بانتظار المزيد
اقتباس:
المشاركة الأصلية كتبت بواسطة aburawa
بالعكس العربيه عاليه اوي ومريحة في المطبات
خليك فى البيكانتو الاوتو احلى منها بكتير
من حيث ايه؟؟؟اقتباس:
المشاركة الأصلية كتبت بواسطة mahmoudzaied
الهيونداي فرشها جلد في قماش يستحمل الاطفال و كمان تابلوه احلى بكتير من تابلوه البيكانتو العتيق و اوسع الى حد ما و اكيد هيونداي قطع غيارها اسهل في التداول و ارخص........
لكن ياريت توضحلنا وجهة نظرك مع كل احترام و تقدير لك و للجميع......
و شكرا
انا معايا العربية و داخل فى 20,000 كم مغيرتش حاجه فى العربية حتى الآن و مش بعمل صيانه فى التوكيل
فقط تم تربيط عفشة عند 14,000 كم و مفيش غير مسمار واحد اللى لف اقل من ربع لفه و مسمار لف اقل من تمن لفه :ma:
العربية مش عايز اقولك بتغابى عليها ازاى ساعات فى الحرق و الغرز و الفرامل و رزع فى مطبات و سواقة فى طرق مكسره احيانا
و حتى الآن الموتور ناعم و بدون اهتزازات زى اول يوم ركبتها و الدبرياج خفيف جدا الحمد لله الحاجه الوحيدة اللى قرفاتى السنتر لوك لأنى مركبه بره
لو قدرت تجيب الفول اوبشن هتبقى احسن بكتييييييييييير من حيث الكماليات
و احب اطمنك ان عربيات هيونداى معمره جدا
العربية عفشتها ناشفه نوعا ما بس البيكانتو كذلك و يمكن انشف منها و العفشة الناشفه دى ميزه ان العربية مش بتعوم مع الفرامل الجامده و كلامى ده بناء على تجارب فى عربيات تانيه فى فئات اعلى ممكن تعوم مع الفرامل
العربية اوسع من البيكانتو من حيث الشنطة و الكنبة الخلفية
يؤسفنى اقولك ان العربية ممتازه بس قطع غيارها غاليه لكن لو هتأمن (و دا امر طبيعى بحكم ان المدام هى اللى هتسوقها) يبقى ربنا يسترها و شركة التأمين تحلها لو لا قدر الله حصل حاجه
فى حاجه وحيده احب اضيفها
عندى فى الفرش بتاع الكرسى بتاعى شوفت من حوالى 4 او 5 شهور تشقق فى جزء صغير جدا فى قاعدة الكرسى بتاع السائق لكن باقى الفرش بالكامل زيرو و التشقق ده مش بيزيد يعنى من ساعة ما شوفته و هو زى ما هو و اعتقد انه غالبا بسبب انى قعدت على جزء مكشكش من الفرش و العربية جديدة و لاحظت التشقق بعد اكتر من سنه و نص و الاحتمال التانى ان الفرش من الجلد الهندى اى كلام بس مقدرش اجزم لانى مش خبير فى الجلود بس الجلد شكله محترم جدا
و على فكره العربية عاليه جدا عن الارض و عمرها ما حكت فى اغبى مطب حتى لو محمل 5
الناس بتقول واطيه علشان وش العربية من قدام واطى و دا جهل بالشىء
و من ناحية البنزين اطمن خالص اقل حاجه 250 كم فى الصفيحة
اما اللى بيسوق كويس ممكن يعمل فى السفر قرب ال 400 كم فى الصفيحة
و من الاخر جوه البلد العربية ممتازه
اما فى السفر الموتور تسارعه من قوى لو مش بتحرق
يعنى لو العربية محمله على الاخر و مشغل تكييف السحب بيكون ضعيف
لكن العربية بتجرى و تجيب 160 و 170 مع الوقت
و مش بتقول لأ فى السفر انا بسافر بدون توقف سواء العين السخنه او اسكندرية......
فى الاجواء اللى بتكون فيها عواصف جامده جدا العربية بتحس انها غير مستقره اوى على الطريق لو ماشى على سرعة فوق 100-120 هو احساس فقط لكن مفيش فقدان للسيطرة
لكن بما انك قلت انها عربية تانيه و للسواقه جوا المدينة يبقى انت بتتكلم على كل مميزات العربية دى مش عيوبها و هى خيار مثالى
شكرا جزيلا يا هيما............كفيت و وفيت
ربنا يكفيك شرها يارب و يسترها معانا و معاك ان شاء الله
انا فاكر ان قطع غيار الهيونداى كانت اغلى من البيكانتو
الكلام ده بناء على مقارنات بين الاسعار فى اول 2009
اتمنى الايضاح منكم لو حصل تعديل فى الاسعار