الموضوع: عايز رأيكم في ال i 10 الاوتوماتيك 2011.....

بص يا سيدي انا معايا العربيه ديه اوتوماتك 2011

العربيه حلوه جداا ماشاء الله بس مشكلتها الوحيده في الموتور بس برضو الموتور مش سيء

يعني لما بشغل التكيف اول ما ادور العربيه في الحر اووي بتعد حبه كده مكلبشه وبعدين تفك وتسحب كويس

وبمشي بيها على طرق سريعه والتكيف شغال مفيش مشاكل ووصلت بيها لـ 110 بالتكيف وهي اكيد تجيب اكتر من كده بس انا مش بحب امشي اسرع من كده

بالنسبة لقطع الغيار واعادة البيع بصراحه معنديش فكره

ولو في اي اسئله تاني ممكن اساعدك فيها قول كل اللي في نفسك :)

عربية حلوة وجميلة
بس مشكلتها
واطية شوية
نظام التعليق ضعيف

المشاركة الأصلية كتبت بواسطة aburawa

عربية حلوة وجميلة
بس مشكلتها
واطية شوية
نظام التعليق ضعيف

بالعكس العربيه عاليه اوي ومريحة في المطبات

خليك فى البيكانتو الاوتو احلى منها بكتير

انا معايا العربية و داخل فى 20,000 كم مغيرتش حاجه فى العربية حتى الآن و مش بعمل صيانه فى التوكيل

فقط تم تربيط عفشة عند 14,000 كم و مفيش غير مسمار واحد اللى لف اقل من ربع لفه و مسمار لف اقل من تمن لفه

العربية مش عايز اقولك بتغابى عليها ازاى ساعات فى الحرق و الغرز و الفرامل و رزع فى مطبات و سواقة فى طرق مكسره احيانا

و حتى الآن الموتور ناعم و بدون اهتزازات زى اول يوم ركبتها و الدبرياج خفيف جدا الحمد لله الحاجه الوحيدة اللى قرفاتى السنتر لوك لأنى مركبه بره

لو قدرت تجيب الفول اوبشن هتبقى احسن بكتييييييييييير من حيث الكماليات

و احب اطمنك ان عربيات هيونداى معمره جدا

العربية عفشتها ناشفه نوعا ما بس البيكانتو كذلك و يمكن انشف منها و العفشة الناشفه دى ميزه ان العربية مش بتعوم مع الفرامل الجامده و كلامى ده بناء على تجارب فى عربيات تانيه فى فئات اعلى ممكن تعوم مع الفرامل

العربية اوسع من البيكانتو من حيث الشنطة و الكنبة الخلفية

يؤسفنى اقولك ان العربية ممتازه بس قطع غيارها غاليه لكن لو هتأمن (و دا امر طبيعى بحكم ان المدام هى اللى هتسوقها) يبقى ربنا يسترها و شركة التأمين تحلها لو لا قدر الله حصل حاجه

فى حاجه وحيده احب اضيفها
عندى فى الفرش بتاع الكرسى بتاعى شوفت من حوالى 4 او 5 شهور تشقق فى جزء صغير جدا فى قاعدة الكرسى بتاع السائق لكن باقى الفرش بالكامل زيرو و التشقق ده مش بيزيد يعنى من ساعة ما شوفته و هو زى ما هو و اعتقد انه غالبا بسبب انى قعدت على جزء مكشكش من الفرش و العربية جديدة و لاحظت التشقق بعد اكتر من سنه و نص و الاحتمال التانى ان الفرش من الجلد الهندى اى كلام بس مقدرش اجزم لانى مش خبير فى الجلود بس الجلد شكله محترم جدا

و على فكره العربية عاليه جدا عن الارض و عمرها ما حكت فى اغبى مطب حتى لو محمل 5

الناس بتقول واطيه علشان وش العربية من قدام واطى و دا جهل بالشىء

و من ناحية البنزين اطمن خالص اقل حاجه 250 كم فى الصفيحة

اما اللى بيسوق كويس ممكن يعمل فى السفر قرب ال 400 كم فى الصفيحة

و من الاخر جوه البلد العربية ممتازه

اما فى السفر الموتور تسارعه من قوى لو مش بتحرق

يعنى لو العربية محمله على الاخر و مشغل تكييف السحب بيكون ضعيف

لكن العربية بتجرى و تجيب 160 و 170 مع الوقت

و مش بتقول لأ فى السفر انا بسافر بدون توقف سواء العين السخنه او اسكندرية......

فى الاجواء اللى بتكون فيها عواصف جامده جدا العربية بتحس انها غير مستقره اوى على الطريق لو ماشى على سرعة فوق 100-120 هو احساس فقط لكن مفيش فقدان للسيطرة


لكن بما انك قلت انها عربية تانيه و للسواقه جوا المدينة يبقى انت بتتكلم على كل مميزات العربية دى مش عيوبها و هى خيار مثالى