بلاش موضوع المدافع ده لان الحكومة ممكن تقول ده اوبشن و تاخد عليه ضريبة زياده
عرض للطباعة
دلوقتى بتوع اتوبيسات النقل العام
يعنى النهاردة كوبرى قصر النيل ماشى بالعافية وسواق اتوبيس نقل عام راح ناقل من الحارة اليمين للحارة الشمال وماشى فى الشمال على راحته ووقف الكوبرى كله وراه ولو اى راكب عاوز ينزل بيوقف فى نص الشارع وينزله عادى يعنى مفيش اى مشكلة والعربيات اللى وراه تولع !!!!!!!!!!
مفيش حل فى الزحمة
كل سنة بتزيد عن اللى قبلها لان الناس بتزيد والعربيات بتزيد والشوارع هية هية
يعملوا شوارع دورين وثلاثة ههههههههههههههههههههه
لا السنة دى مش طبيعية فعلا
فى ناس كتير فشلت تروح الشغل اول يوم الدراسة
وبعدين معروف ان الدنيا بتفضى على الساعة 9 ونص عشرة علشان الكل بيبقى راح المدارس
لكن السنة دى طول الوقت الدنيا واقفة تماما
فعلا السنه دي زحمه طحن
من اول الاسبوع ده وانا كل يوم يطلع عيني عشان اركن ونزل الاقي العربيه مخبوطه عشان ولاد ال#$#$# الأغبياء سواقين الاتوبيسات بتاعة المدراس والعيال بتاعة المدراس اللي بتعملو الحب علي كبوت العربيات
السنة دي فعلا مش زي اي سنة
الزحمة بشكل بشع بشع السنة دي عن اي وقت
و لسه القادم اسوأ
واضح انها مشكلة عامة...انا لاحظت مع بداية العام الدراسي ان الناس بقت عاملة زى الصرصار المضروب شبشبين على الصبح ولا خو العاوز يموت ولا عارف يمشى
والله بشوف حاجات عجيبة غريبة مريبة...واحد قافل الزجاج الجنبه و ساندلى دماغه عشان يكمل الحلم بتاعه وواحد وهو سايق باصصلى فى مراية الصالون بيشوف تاثير الحشيش على عينه...والحاجة البتتنطط مع العيال فى العربية ولا كانها سايقة حاسة انها راكبة عربية الملاهى...و تلاقى واحد وواحدة بيكشفوا تقريبا على عيون بعض والواد سايق بكل تناحة ولا كأنه فى بيتهم....وحاجات من دى كتير...كان نفسي والله اصورلكم النماذج دى لان دة انا شوفته فعلا بعينى
وياما هنشوف....
كان معكم محدثكم من اهدى مكان فى العالم
الاسكندرية
أه زحمة أوي أوي...كل سنة عن التانية. من أول يوم مدارس لقيت مرة واحدة الشوارع انزحمت بشكل غير طبيعى اكتر من بداية مدارس الشتا اللى فات
بالمرة بقى نركب صواريخ جانبية على الأبواب زي الطيارة الاباتشى و ممكن نركب قاذفة لهب عالكبوت :C_laugh[1]:
:C_laugh[1]: شكرا على نشرة الأخبار و ابدي أعجابى بالتشبيه الرومانسي اللى قلته فوق و واضح ان الشاعر متأثر بالبيئة المحيطة اللى هى شوارعنا الجميلة النضيفة.
أكيد زيادة عدد العربيات سبب لكن في رأيي سلوك الناس مع عدم وجود ضابط ولا رابط هو العامل الأكبر.
يعني تخيل حضرتك مثلاً عدد العربيات ده في شارع بنفس الشكل في مصر (لو فيه أصلاً)، تفتكر المنظر هيبقى كدة ؟؟؟؟
http://www2.0zz0.com/2010/09/22/10/134178977.jpg
طبعاً للأسف مستحيل حد هنا يلاقي مسافة بين حارتين و يسبها و يفضل ماشي عادي في حارته زي بقية البني أدمين و يا سلام لو كان ميكروباص ...
هههههههههههههه
النقل العام دول ملهمش حل تماما , انا بخاف اقرب منهم العربيات هلكانة و كل حتة فيها بتمشى فى ناحية
بشاير بدر الدين
انا الحمد لله من اول الاسبوع و انا شغال وردية ليلية العقبة الوحيدة و انا راجع الدنيا زحمة بطريقة غير طبيعية
هههههههههههههههههههه
محرمتكش من حاجة اهو :colsmil:
واضح ان تاثير المدارس فى مصر كلها بس قلبة مع الاسكندرانية بمراجيح , احنا عندنا الناس تبتة جدا جدا و هى بتعدى تحس انهم زامبيى مش مدركيين للحياة الواقعية
بس ايه رايك فى يومين الفراغ اللى انا قضيتهم :ma:
انا برده حواليا مدارس بنات كتيير و بعانى من الحبيبة دول تقريبا احتلوا عربيات الشارع اما قعدة او البت مندول تنام قدام المرايا تظبط شعرها
ربنا يستر