الموضوع: هى الدنيا بقت زحمة ليه

المشاركة الأصلية كتبت بواسطة maka

انا حاسس ان الدنيا السنة دى زحمة عن كل سنة دراسية و زحمة خانقة كمان

ياترى انتم كمان رايكم كده و لا انا بيتهيالى ؟؟؟

أه زحمة أوي أوي...كل سنة عن التانية. من أول يوم مدارس لقيت مرة واحدة الشوارع انزحمت بشكل غير طبيعى اكتر من بداية مدارس الشتا اللى فات

المشاركة الأصلية كتبت بواسطة kamalsalem

الحل في اننا نتكاتف ونجمع من بعض ونشتري من برة دفعة مدافع 30مم تركب على سقف العربية... وانا اعرف اللي يركبهالنا ببلاش وتبقى مفهوم جديد للطارة المالتيفانكشن

بالمرة بقى نركب صواريخ جانبية على الأبواب زي الطيارة الاباتشى و ممكن نركب قاذفة لهب عالكبوت

المشاركة الأصلية كتبت بواسطة ASKAFRAWY

واضح انها مشكلة عامة...انا لاحظت مع بداية العام الدراسي ان الناس بقت عاملة زى الصرصار المضروب شبشبين على الصبح ولا خو العاوز يموت ولا عارف يمشى
والله بشوف حاجات عجيبة غريبة مريبة...واحد قافل الزجاج الجنبه و ساندلى دماغه عشان يكمل الحلم بتاعه وواحد وهو سايق باصصلى فى مراية الصالون بيشوف تاثير الحشيش على عينه...والحاجة البتتنطط مع العيال فى العربية ولا كانها سايقة حاسة انها راكبة عربية الملاهى...و تلاقى واحد وواحدة بيكشفوا تقريبا على عيون بعض والواد سايق بكل تناحة ولا كأنه فى بيتهم....وحاجات من دى كتير...كان نفسي والله اصورلكم النماذج دى لان دة انا شوفته فعلا بعينى
وياما هنشوف....
كان معكم محدثكم من اهدى مكان فى العالم
الاسكندرية

شكرا على نشرة الأخبار و ابدي أعجابى بالتشبيه الرومانسي اللى قلته فوق و واضح ان الشاعر متأثر بالبيئة المحيطة اللى هى شوارعنا الجميلة النضيفة.