العربية و مشكلة القطط

**thegoodhacker** · 21-09-2010 09:16 PM

عندي العربية ال127 دائما بالاقي اثار اكل قطط تحت الاستبن ( بالاقي بقايا اكل يعني هياكل سمك و هياكل فراخ .... الخ ) يعني معني كده القطة بتطلع تستخبي تحت الاستبن و تهيص في الاكل براحتها .... فياريت تشوفولي حل لاني النهاردة لقيت نمل كتير جدا جدا ملموم تحت الاستبن و عمال يهيص في بقايا اكل القطة ..... بجد كانت حاجة تقرف اني اشيل الحاجات دي و كمية النمل الكبيرة دي ..... فياريت حل لان دي مش اول مرة

**onz** · 21-09-2010 09:31 PM

يعني القطط دي بتدخل منين
هو عنك الاستبن جوه الشنطة ولا بره ؟؟
حاول تسد الفتحات اللي بيدخل منها النمل موقتا

و اما القطط
حاول تركن بعيد عن مقالب زباله او برك مياه ( سوري )
و لو منفعش
يبقي حاول تركن عربيتك في مكان جديد لحد متحل المشكلة

**anaskhal** · 21-09-2010 09:33 PM

ممكن تحط سلك بقلاوة تحت منطقة الحوض بالكامل اى تحت الموتور والفتيس وتثبته بمسامير من الاربع اطراف وبكده تمنع دخول اى شئ الا الهواء لانه مهم جدا لعملية التبريد والحل الاخر انك تسكن فى مكان تانى مفهوش قطط وده اكيد مش فى مصر ههههههههههه

**onz** · 21-09-2010 09:43 PM

المشاركة الأصلية كتبت بواسطة anaskhal

ممكن تحط سلك بقلاوة تحت منطقة الحوض بالكامل اى تحت الموتور والفتيس وتثبته بمسامير من الاربع اطراف وبكده تمنع دخول اى شئ الا الهواء لانه مهم جدا لعملية التبريد والحل الاخر انك تسكن فى مكان تانى مفهوش قطط وده اكيد مش فى مصر ههههههههههه

**thegoodhacker** · 21-09-2010 10:18 PM

المشاركة الأصلية كتبت بواسطة onz

يعني القطط دي بتدخل منين

هو عنك الاستبن جوه الشنطة ولا بره ؟؟
حاول تسد الفتحات اللي بيدخل منها النمل موقتا

و اما القطط
حاول تركن بعيد عن مقالب زباله او برك مياه ( سوري )
و لو منفعش

يبقي حاول تركن عربيتك في مكان جديد لحد متحل المشكلة

لا بالنسبة للاستبن في ال127 فهو بيبقي تحت الكبوت في حوض العربية .... وال127 عموما مالهاش صاجة تحت الموتور وعلشان كده القطط بتلاقي مكان واسع تدخل منه ....
بالنسبة لموضوع المكان انا عمري ما باركن فوق ميه ايا كانت او جنب مقلب زبالة ابدا بس ده ما يمنعش ان بيبقي فيه صندوق زبالة قريب بكام متر و ده بيبقي موجود في معظم الشوارع بس انا عمري ما باركن جنبه بالضبط ....
ومشكلة القطط دي حصلت معايا في مكانين مختلفين مش نفس المكان خالص ....
وشكرا علي الرد

**thegoodhacker** · 21-09-2010 10:24 PM

المشاركة الأصلية كتبت بواسطة anaskhal

ممكن تحط سلك بقلاوة تحت منطقة الحوض بالكامل اى تحت الموتور والفتيس وتثبته بمسامير من الاربع اطراف وبكده تمنع دخول اى شئ الا الهواء لانه مهم جدا لعملية التبريد

ياريت حضرتك توضحلي اكتر ايه السلك البقلاوة ده ؟ ولو صورة توضيحية للفكرة دي يبقي كده تمام .... وشكرا طبعا علي الرد

**anaskhal** · 21-09-2010 10:45 PM

السلك البقلاوة شبه السلك المبين بالصورة وبيتباع بالمتر عند محلات بيع المسامير وكوالين الابواب وخلافه ( الموان) واى سمكرى هتروح له يعرف يجيبه ويركبه

**mohabelnegm** · 21-09-2010 10:46 PM

أعتقد بنسبة كبيرة جدا أن دى عرسة مش قطة...كان عندى نفس المشكلة و كانت عرسة.

**zago** · 21-09-2010 10:47 PM

ياباشا ريح نفسك واشتري كلب وسيبه ينام في العربيه
ههههههههههههههههههههههههه ههه

**thegoodhacker** · 21-09-2010 10:48 PM

المشاركة الأصلية كتبت بواسطة anaskhal

السلك البقلاوة شبه السلك المبين بالصورة وبيتباع بالمتر عند محلات بيع المسامير وكوالين الابواب وخلافه ( الموان) واى سمكرى هتروح له يعرف يجيبه ويركبه

شكرا علي التوضيح

الموضوع: العربية و مشكلة القطط

LinkBack

أدوات الموضوع

عرض

العربية و مشكلة القطط - انشر الموضوع فى :

-

-

-

-

-

-

-

المواضيع المتشابهه

مشكلة ...لما اكون على الرابع و امور العربية العربية بتبطل

القطط

الحؤني القطط بوزط العربية

القطط مبهدلة العربية

الكلمات الدلالية لهذا الموضوع

المفضلات

المفضلات

ضوابط المشاركة