موضوعات الفرقه والكراهيه .. وأقتراح
ياجماعه أحنا منتدى سيارات مفيش فيه مكان للتعصب والفرقه وأنا شايف أن الموضوعات الخاصه بالدين مش هتزود أو هتنقص من قوة أيمان أى عضو تابع لأى ديانه وكمان مش هتزيد عدد تابعيه أو المؤمنين بيه فعلا
ياريت نلغى نقل المواضيع اللى بالشكل ده فى قسم الأخبار المنقوله وكمان نبطل نحط زيها فى الأجتماعى
ولو ممكن الكلام فى الدين فى المنتدى (عشان محدش يقوللى حاجه ) ممكن الأداره مشكوره تعمل قسم لإستفسارات وتساؤلات الديانه الأسلاميه وأخبارها وقسم آخر للديانه المسيحيه وأخبارها
وبكده ممكن نفض الأشتباكات اللى ممكن تحصل
وكلمه أخيره ياجماعه فعلا البلد مش ناقصه أحنا شكلنا كده داخلين على خراب مستعجل والله
وهوه ده بالظبط اللى هما عاوزينه :120146b
فى التعميم و جلب نيران الفتنة فى المنتدى
مشكلة اراها كثيرا فى الحياة العامة وفى خارج مصر ايضا
وهى مشكلة التعميم
يعنى مثلا تسأل واحد ايه رأيك فى ابناء الدولة الفلانية
يرد عليك بسيل من الشتائم و التحقير لاهل هذه الدولة برغم بالكتير يكون اتعامل مع 2 او 3 افراد من اهلها و يمكن اصلا لم يقابل أى أحد منهم اساسا
و على طول التعميم عن سلوك شخص سىء او مجموعه افراد للتعبير عن سلوك اهل البلد كلهم
برغم انه يوجد فروق فردية بين طباع البشر واخلاقهم وما ينطبق على فرد لا ينطبق على الكل
ينسحب الامر الان على اختلاف اهل الملل و العصبية القبلية
و تحس الان كأن الناس فجأة لقيت نفسها فجأة مش عارف تعيش مع الغير
لو الغير ده مختلف فى الديانة كأن 1400سنة دول ولا كأنهم محسوبين
هو فيه ايه
ونرى الان جريدة مثل المصريون واليوم السابع تبث أخبار تثير الفتنة زى جريدة الشروق الجزائرية
وكأن الموضوع شعللة زى ايام الجزائر بالضبط
لا اختلاف على تواجد كثيرون محترمون ومتفاهمون من المسيحيون و المسلمون داخل هذا المنتدى و بين جيراننا ايضا و بين اصدقاءنا و زملائنا ..
فأرجو عدم زرع بذور الفتنة فى هذا المكان وهذه البلد