كفـــــــــــــــــــاية

**Dr.Karim Emam** · 21-09-2010 09:45 PM

بسم الله الرحمن الرحيم

السلام عليكم ورحمة الله وبركاته

يا جماعة كفاية اللي بيحصل في المنتدى ده
كفاية كلام في الدين مادام هيصولنا للوضع الحالي
لأنه بالطريقة دي هيحصل انقسامات جامده جدا بين الأعضاء

أي موضوع بمجرد ذكر الحلال و الحرام فيه بيقلب خناقة و ينتهي بغلق الموضوع
و إيقاف أكثر من عضو
ده غير الكراهية و الضغينة اللي بتزيد بين أطراف النقاش الحاد

خلاص مابقاش فيه حد بيستحمل التاني
كل واحد قاعد متربص بالتاني و مستنيه يقول كلمة ماتعجبوش عشان يولع الموضوع

للأسف اللي بيحصل في المنتدى ده هو صورة مصغرة للي بيحصل في البلد كلها

يا ريت يكون فيه رقابة اكتر من الإدارة على الموضوعات الدينيه
و السيطرة على أي نقاش ديني من أوله لمنع احتداد الآراء و اشعال الموضوع
و لو إن منعها -في الفترة دي بس- هيكون أفضل

و في الآخر أود أن اوجه رسالة لكل من
ashouhdy
Islam_galal
otefa
Ahmed Samy
dr-mohamed

المسامح كريم و جل من لا يسهو أو يخطئ

و ياريت نصفي النفوس و نسامح بعض

**Dr.Karim Emam** · 22-09-2010 02:23 AM

مفيش حد عاجبة الكلام خالص كده

**tawfic** · 22-09-2010 02:30 AM

للاسف يا دكتور طالبت من الادراه بغلق هذه المواضيع ووضع تحذيربعدم التجاوز كما فعلو فى الاسلحه من قبل على اساس انها اخطر مليون مره من الاسلحه ولكن لم يتم الاستجابه لذالك ومن هنا ايضا اؤكد بل اجزم اذا لم يوضع حد لها لن يستطيع احد السيطره عليها وسيكون المنتدى حلقه صراع بين اخوه الوطن الواحد

**remomemo** · 22-09-2010 02:30 AM

لا بالعكس الكلام محترم جدا
واحى حضرتك عليه
بس واضح ان فى موضوع معين حضرتك بتتكلم عنه وفى ناس وانا منهم ماقرهوش
عشان كده مش مفهوم للبعض

**ashouhdy** · 22-09-2010 02:38 AM

@Dr_Karim Emam

اشكرك بجد ع دعوتك الطيبة و الحمد لله ع كل شىء ... عن نفسى انا مش شايل كراهية لأى شخص فى منتدانا الجميل بالعكس اوجة الشكر لكل من شارك فى المواضيع اللى اتقفلت لأن ع الرغم من أختلاف وجهات النظر الا انى استفدت بردة من أرائهم وارجو ان ميكنش فى حد شايل منى اى حاجة

وسلام حاار للأدارة بجد ممتازة فكرتنى بالحكم اللى عرف اذاى يدير مبارة ساخنة جدا حتى النهاية من غير ولا انذار :))

ولو ع التقارير اللى اتعملت فيا ياريت نخليها جوة المنتدى و خناقتنا متوصلش لأمن الدولة :)))))))))

شكرا لييك

**ashouhdy** · 22-09-2010 03:00 AM

المشاركة الأصلية كتبت بواسطة fadod

كريم ..شكرا لمتابعتك ،بس الواضح إن الإدارة عايزه مواضيع التناقش في الدين ديه تتفتح وتفضل مفتوحه ..لدرجه إن المواضيع بتبقي مولعه حريقه والناس مسكه في بعض وتلقي admin داخل مدي إنذار لواحد وخارج ..أو داخل يطالب بتهدئه الموضوع ..فبكده واضح انهم عايزين المواضيع تفضل مفتوحه ..بس بيحصل إن أي طرف من الاطرف بيغلط ..يقوم ياخد إيقاف وساعتها الموضوع يتقفل ..

لية ؟ ع فكرة الموضوعين اتقفلوا من غير ولا انذار او ايقاف . ومش فى وقت كبير اقل من ساعتين

**ashouhdy** · 22-09-2010 04:34 AM

يالا بسيطة مش مشكلة أكتر من كدة بكتييير وربنا بيسهل.

خلى بالك ان الادارة دول بردوا ناس ذيينا يعنى مش 24ساعة ع النت.

لكن لو جييت للحق المفروض ميكونش فى مواضيع دينية خالص لأن دة منتدى سيارات.

ملحوظة:

هم أربعة بجد ؟؟ انا كنت فاكرهم أتنين