الموضوع: الحقوني انا سقطت في امتحان الرخصة اعمل اية ؟

عليك وعلي مدرسه القياده في المرور وهما هيطلعولك الرخصه من غير واسطه ولا حاجه
اللي هتدفعوه في الوسطه ادفعوا في المدرسه ومتحملش نفسك جمايل

اولا صباح الخير.....انا عايز اوضح نقطتين...اولا مرور عبود انا كنت لسه فيه من كم شهر علشان احد اصحابى ساكن فى شبرا وتبع مرور عبود وكان عايز يطلع رخصه وطلب منى انى اساعده لأن عربيتى صغيره واوتوماتيك وانا وهو اتقابلنا مره واحده قبل يوم لما رحنا وساق العربيه شويه علشان يأخد عليها ويوم الامتحان رحنا من الساعه 9 الصبح وعملنا الورق ودخل امتحن على الساعه 1 الظهر تقريبا وطبعا كان فيه جيش ناس بيمتحن وتقريبا اكتر من ثلاثه ارباع الناس كانوا بيوقعوا الاقماع وبيسقطوا لكن بفضل ربنا صاحبى نجح فى اليوم ده وطلع الرخصه وعزمنى على كنتاكى ...اللى عايز اقوله ان الموضوع بجد بسيط واتعمل من غير ولا واسطه ولا اى حاجه كل اللى انتى محتاجاه هدوء اعصاب لأن الناس هناك فعلا وحشين اوى وكثره الناس بتعمل ضغط عصبى سواء عليكى او على الموظفين هناك

ثانيا النقطه الثانيه اللى عايز اسئل فيها هى ان احنا لما كنا هناك الكلم ده كان من كم شهر وكان الامتحان حرف U دخول بالوش ورجوع بالظهر هل هو اتغير بقى حرف S؟

النقطه الثالثه اللى سألتى فيها هى ازاى ممكن تمتحنى تانى من غير ماتستنى؟ افتكر بحكم معرفتى البسيطه انتى قدامك حل من اربعه انك تعملى تغيير محل اقامه فى البطاقه علشان تبقى تبع مرور تانى وتقدرى تمتحنى تبع المرور الجديد على طول لو واثقه من نفسك او تمتحنى تبع مدرسه القياده اللى تبع المرور ده ودى طريقه متجربه من كذا حد معرفه بس مكلفه يعنى زيها زى لما تجيبى واسطه بتتكلف فى حدود 500 جنيه...او الحل التانى انك تستغلى الفتره دى لحد ميعاد امتحانك اللى جاى وتشوفى حد من اصحابك معاه عربيه صغيره اوتوماتيك وناعمه وتتدربى عليها علشان فعلا الموضوع ده بيساعد جدا فى استخراج الرخصه او الحل الثالث اللى كل الاخوه قالوه انك تشوفى واسطه تطلعهالك بالفلوس او الحل الرابع انك تستنى لرمضان اللى جاى علشان فى رمضان بتبقى الحكايه مريحه اوى...انا السنه اللى فاتت فى رمضان كنت فى يوم فى التجمع ومعايا ابن خالى وواحنا هناك قالى ماتيجئ نعدى على المرور نجرب عايز يمتحن مع انه ماسقش فى حياته غير مره او مرتين ورحنا سألنا وشوفنا الامتحان فى اليوم ده كان عباره عن حرف U دخول فقط بدون رجوع وطلعها...افتكر فى رمضان بتبقى الحكايه سايبه شويه علشان مش بيكون فيه ناس كتير

اخر حاجه احب اقولها هى عقوبه السير بدون رخصه....افتكر فى الحاله دى بتكون العقوبه الحبس والتحفظ على السياره ده غير الغرامه يعنى الموضوع كبير ماتستهونيش به

تحياتى وربنا يوفقك

المشاركة الأصلية كتبت بواسطة tom_gr

صديقى العزيز

هاجبلك من الاخر
انا لسه مطلع رخصة من شهرين بس
باختصار
1- روح المرور الى انت تبعه واسئل فين التقديم على المدرسة
2- قول للموظف انا بعرف اسوق وعاوز ادخل الامتحان على طول
3- هايحددلك ايام وساعه لامتحان الاشارات والعملى التزم تماما بالمواعيد
4- لاتدفع اى فلوس او اكراميات لاى حد الا للراجل الى بيقعد جانبك فى الامتحان السواقة
5- خلص امتحان الاشارات على غير لاتقلق سوف تنجح بدون اى مجهود منك
6- اهم حاجة بقى امتحان السواقة تروح قبل معادك بنص ساعه تتفرج على الناس الى قبلك علشان بس تروح الرهبة منك والخوف يروح
اول ما يجى دورك طلع 10 جنيه وطبقها كويس اوى وخبيها فى ايدك اول لما تركب العربية قول للراجل الى جانيك باللفظ صباح الفل يا عم الكل انا عاوز انجح باى طريقة ودى حاجة بسيطة بس واذا نجحت ليك عندى ضعفها مرتين
هاينجحك وبعد ما تعدى الامتحان هايقلك يلا الباقى تروح باصصلة بقرف ولو تقدر تف فى وشه كمان وسيبه وانزل ولا تعبره ( لانه ابن كلب بيعمله فى اليوم الواحد فوق 200 300 جنيه
بعد كده كله مجرد ورق بيخلص ومبرروووووووووووك

اسمحلى الكلام ده مش دقيق لأن العسكرى او امين الشرطه اللى بيأخد منك الملف بتاعك وانت داخل تمتحن كل اللى بيعمله انه بيأخده ويديه لرئيس الوحده اللى قاعد شايف كل اللى بيمتحنوا وبيمضى على الورق بنفسه لائق او غير لائق

تحياتى

المشاركة الأصلية كتبت بواسطة zaqzaq

هو بالنسبة للامتحان هو كان عليشكل حرف s
طب في نقطة انا ليا سكنتاني في الهرم
وبس عايشفي شبرا ينغع اعمل تحويل اقامة وامتحن تبع مرور الجيزة
واخير ينفع اجيب ورقي وامتحن من اول جديد تبع المرور بتاع عبود
لانني اناساعت ما اكمتحنت ما امتحنتش علي الكملبيوتر ولا اشارات هو بس امتحان الاقماع

حول محل السكن فى البطاقه وروح اعمل ملف جديد فى مرور الجيزه وامتحن تانى ومتجيبش سيره عبود....احنا فى عبود برضو يومها صاحبى ما امتحنش اشارات هو امتحان السواقه بس

ربنا يوفقك

معلش من غير زعل القسم هنا مخصص لصور سيارات الاعضاء فقققققققققققط اية اللى جاب موضوع عن الرخصة هنا ؟!!!؟

المشاركة الأصلية كتبت بواسطة mohamed_refaat

معلش من غير زعل القسم هنا مخصص لصور سيارات الاعضاء فقققققققققققط اية اللى جاب موضوع عن الرخصة هنا ؟!!!؟

منا بعت للاداره ومعملوش حاجه يظهر احنا الى غلط وصاحب الموضوع هو الى صح

اولا بالنسبه للمدرسه ملهاش ايه لازمه لو انت عندك عربيه تتدرب عليها يبقي احسن ,انا امتحنت من سنتين و بلا فخر سقطت و لسه مطلعتش رخصه انا كنت مقدم في المدرسه ,
المهم قلت اروح النهارده احاول تاني لقيت المرور عليه ضرب نار و ناس بالهبل(يوم التقديم للمدرسه النهارده) و غيروا الاجراءات عندنا طالبين الشهادات الطبيه الاول فمشيت اجر ازيال الخيبه :(
الامتحان الطبيعي عندنا هو s و انت و نصيبك لتعديهم لحاجه تتخبط :)
اما امتحان الكومبيوتر فده سهل جدا و الموقع بتاع النت بتدخله بالكارته الي بتشتريها منهم و بتشوف الاسئله
فلو هتغير محل سكنك قلي اغير معاك و شوفلنا واسطه بقه :)

الى ما يعرفش يسوق صح ما يطلعش رخصة ولا يسوق من غير رخصة

حرام ارواح الناس الى حتبقى فى زمتك

الله يرحمهم