متعة قيادة اللوجان

**best2010** · 22-09-2010 03:46 AM

منذ استلامى اللوجان وانا لم اغير شىء .. و اول امبارح بس قولت اجرب انزل الطاره شوية فنزلتها على الآخر ، وكانت المفاجأة ..
- الرؤية الأمامية واضحة تماما
- العدادات الرائعة ظهرت بوضوح اكتر
- وضع اليد على الدركسيون مريح للغاية
- حاسس انى اكتر تحكم فى السيارة عن قبل
- القيادة بقت اكتر متعة وسلاسة

وكانت المشكلة الوحيدة ان رجلى ساعات بتخبط فى الدركسيون خصوصاً انى طويل .. ودية اتغلبت عليها بأنى رجعت الكرسى شوية لورا ..
وتزامن اكتشافى لموضوع نزول الدركسيون ده مع مرور العربية حاجز ال 3500 كم والموتور بقى فايق معايا والسحب زاد عن الأول بمراحل .. يعنى من الآخر الحياه بقى لونها بمبى ..
فقولت انقل لكم التجربة علشان تجربوا يمكن يكون حد ما بيحبش يجرب زى حالاتى كده بادعوه يجرب .. بس بشرط يدعيلى بعدها

**M_Rehawy** · 22-09-2010 08:10 AM

المشاركة الأصلية كتبت بواسطة best2010

والموتور بقى فايق معايا والسحب زاد عن الأول بمراحل .. يعنى من الآخر الحياه بقى لونها بمبى ..

ياريت برضه تنقلنا تجربتك في فتح الموتور.
يعني ايه الطريقة اللي انت اتبعتها في الموضوع ده.

**Moh_Ibrahim** · 22-09-2010 11:11 AM

هو فعلا تنزيل طارة الدركسيون بيدى احساس رائع و انا من اول ما جبت العربيه و انا منزل الدركسيون

شكرا جزيلا على نقل التجربه

**tamer61** · 22-09-2010 11:15 AM

أنا برضه منزل الدركسيون على الآخر و حاسس بنفس إحساسك من أول يوم وده لأني مجربه قبل كده في كذا عربيه مع الفارق إني متوسط الطول فا الكرسي مش راجع ورا و لا حاجه و أهم ما في الموضوع إن إنت حسيت بفرق للأحسن و هى دي الحاجه الحلوه.

**AirForces** · 22-09-2010 02:22 PM

فعلا التحكم بيبقا جميل جدا لو منزل الطارة ومرجع الكرسى
مع انى طويل بس لما بعمل كدا ما بشوفش الكبوت نهائى فبضطر اقدم الكرسى وارفع الطارة !

**best2010** · 22-09-2010 05:54 PM

المشاركة الأصلية كتبت بواسطة m_rehawy

ياريت برضه تنقلنا تجربتك في فتح الموتور.
يعني ايه الطريقة اللي انت اتبعتها في الموضوع ده.

باقى الأعضاء اتكلموا كتير عن تفتيح الموتور بالطريقة المثالية ..
اما انا فكل اللى عملته انى بعد ما العربية عملت 700 كم ابتديت احرق شوية على الغيارات يعنى التانى 50 كم والتالت 70 - 75 كم والرابع 100 كم .. وده يعتبر حرق خفيف بالنسبة للى قريتة لكن انا سواقتى اصلاً هادية يعنى اخر سرعة جبتها بالعربية 130 كم .. ولكن مع ذلك حاسس ان الموتور بيفوق معايا كل يوم عن اللى قبله وحالياً انا بنقل عادى خالص يعنى التانى اخره 40 كم والتالت 60 كم والرابع 80 او 100 كم
واللى لاحظته ان الموتور بيفوق لما بمشى على طرق سريعة وبيتخنق من كتر المشى فى وسط البلد

**amr.elsayed** · 22-09-2010 07:21 PM

**waelfarid** · 23-09-2010 12:37 AM

اي عربية بتتفقس في تحملها في المشى وسط البلد وتصريفها لحرارة الموتور عن طريق دورة تبريدها وانا باحب اللوجان وبفكر في تعديل لها وهو تزويد مروحة تبريد كهرباء من الخارج لان انا شوفتها في الوكالة ولقيت حيز مناسب للموضوع ده يخلي الواحد ينسي ان العربية تسخن منه حتي في اغسطس وده ممكن يتعمل بعد فترة الضمان متخلص مثلا وممكن يتعمل مع تشغيل التكييف والمروحة الاصلية تبقي تشتغل عادي مع درجة الحرارة