رجاااااااااالة

**mrwho1982** · 22-09-2010 08:43 AM

والله انا فرحت جدااا

لان البلد دي لسه فيها رجالة ومصر هتفضل طول عمرها فيها رجالة

والدليل

مظاهرة عابدين

وده كلام واحد من المتظاهرين

وقال عبد القدوس - في تصريحات خاصة لمصراوي - ''كانت المظاهرة الساعة الخامسة ولكنني بدأت الهتاف الساعة الخامسة إلا الربع وهو ما دفع بعض رجال الأمن المرتدين زى مدني التعدي علي بالضرب،وعندما قاومت احتجزوني في أحد الشوارع الجانبية بمنطقة عابدين لكنى قاومت وهو ما دفعهم إلى ضربي أكثر''.
وأشار عبد القدوس إلى انه أصيب في قدمه إصابة بالغة لم يستطع التحرك بعدها، مؤكداً انه سيلزم الفراش الأيام القليلة القادمة حتى تتحسن قدمه.
وأوضح رئيس لجنة الحريات بنقابة الصحفيين أنه فور اندلاع المظاهرة والهتافات التي نددت بالتوريث لم تستطع قوات الأمن السيطرة على المتظاهرين وهو ما دعاهم إلى اللجوء للعنف.
وتوقع عبد القدوس أن تزداد المظاهرات كلما اقتربت الانتخابات الرئاسية وكلما زادت فرص جمال مبارك للترشح.
وقال عبد القدوس إن المظاهرة ضمت أكثر من 1000 شخص من مختلف القوى السياسية بمناسبة ذكرى مرور قرن على وفاة الزعيم أحمد عرابي وللتعبير عن رفض الحركات السياسية المصرية للتوريث.

السوال بقي لما ده اللي حصل مع واحد زي ده

امال الباقي حصل معاه ايه

مهما يكون ان شاء الله المرة الجاية هايكونو اكتر وربنا كبييييييييييير

يامسهل

**Soma_Sooma** · 22-09-2010 01:42 PM

الله واكبر

ايوة كدة هى دى الى تصحينا بجد
يارب يكون فى من دةكتير عايزين نصحى ونفوووووووووووووووق بقى

**makka** · 22-09-2010 01:56 PM

يا اخى الواحد اتغير قوى
هقولك اول ما سمعنا عن التوريث سخرنا منه وبصراحة قلت هيبقى صعب لان مصر غير سوريا
بس مع الوقت بقيت حاسس انه امر واقع ومش هنغير خصوصا مع انتخابات مجلس الشورى الاخيرة لانها انتخابات مهينة لاقصى درجة
محدش راح الانتخابات دى رغم الاعلانات اللى اتعملت فى التليفزيون.
واللى اكد لى الشعور دا بلاقى ناس مثلا عندها محلات عاملين يفط فوق محلاتهم معك يا جمال , نحن ورائك يا مبارك ومن بعدك جمال
لحد موصلنا فعلا بان جمال هو الرئيس الحالى اصلا
انك تدى لابنك موبايل فانت راجل كويس تديله شقة يبقى انت راجل محترم تديله عربية فانت راجل كريم لكن تديلة بلد فاحنا لا مؤاخذه.......... ونستاهل العيشه اللى احنا فيها.

**mrwho1982** · 22-09-2010 01:59 PM

لا اتعارض مع كلامك بشدة صاحب المحل اللي معلق يافطة ده حمار ومش زنبي ان في حمير ماشيين غلط يبقي انا لازم امشي وراهم

انا ربنا اداني عقل افكر بيه مش امشي ورا واحد مابيفهمش

وربنا يقلل من الناس دي

**ahmedsamir5edr** · 22-09-2010 02:17 PM

المشاركة الأصلية كتبت بواسطة soma_sooma

الله واكبر

ايوة كدة هى دى الى تصحينا بجد
يارب يكون فى من دةكتير عايزين نصحى ونفوووووووووووووووق بقى

لو سمحتي تقولي الله أكبر مش الله و اكبر لأن ده حرام

**makka** · 22-09-2010 02:18 PM

المشاركة الأصلية كتبت بواسطة mrwho1982

لا اتعارض مع كلامك بشدة صاحب المحل اللي معلق يافطة ده حمار ومش زنبي ان في حمير ماشيين غلط يبقي انا لازم امشي وراهم

انا ربنا اداني عقل افكر بيه مش امشي ورا واحد مابيفهمش

وربنا يقلل من الناس دي

هو مش حمار ولا حاجه هفهمك
المطبلتيه فى البلد دى بياخدوا اللى هما عايزينه وبتسقط عنهم السخافات بتاعة الحكومة
هقولك حاجه انا عندى محل بدفع مياه كل شهرين 75 جنيه مع انى معنديش اصلا حنفية فى المحل لان كان فيه عداد مياه باسم المستأجر السابق والراجل مات فمش من حقى اشيل العداد اللى هو مش شغال اساسا وبيدفعونى على اساس المبلغ اللى كان بيندفع زمان وقس على كده بقى كتير هقولك جالى موظف بيقولى عليك 140 جنيه قلتله بتاع ايه قالى دفاع مدنى بصراحه مفهمتش قلتله مش دافع.
طيب هقولك على حاجه اللى عايز جمال عايزه ليه؟ اكيد منتفع

**haythamkmal** · 22-09-2010 02:34 PM

والله احنا مشكلتنا الكسل وان كل واحد بيقول هو انا اللى هعمل حاجة، انا واحد من الناس سمعت عن المظاهرة قبل ماتتعمل وكنت عارف ميعادها بس للاسف مروحتش وندمت بعد كده، التغيير لازم يبقى من داخلنا اولا لازم يبقى لينا رد فعل حقيقى وعملى مش مجرد كلام ،لازم نعرف نعبر عن ارادتنا ورأينا، امبارح شوفت مظاهرتين فى امريكا عشان موضوع بناء المسجد ، واحدة مؤيده وواحدة معارضه ومن غير ضرب، ساعتها بس عرفت الناس دى متقدمة ليه ، واحنا بنتسرق وبنتضرب ليه.

**factorialx** · 22-09-2010 02:40 PM

هما المفروض يعلنوا إمتى عن مرشح الحزب الوطني للرئاسه
اللي المفروض الرئيس مبارك يتنازل عن رئاسة الحزب ليه
أنا شايف العملية إتأخرت أوي

هل ممكن بعد إنتخابات مجلس الشعب و لا إمتى بالظبت

لغاية دلوقتي ممكن مبارك يمد فترة كمان و محدش عارف أو فاهم حاجه

**hazoom2006** · 22-09-2010 02:48 PM

كان نفسي اكون فى المظاهره دى نفسي اكون فيها والله

**crazylambada** · 22-09-2010 03:08 PM

انا نفسي اكون معاهم برضه
المظاهره ديه معناها ان المصريين اتجاب معاهم اخر و الوضع بعد كده مش حيبقى حلو على الترابيزه كلها :d
و لاول مره اشوف المصريين يكسروا مبدا مات الملك عاش الملك