حد شاف ده قبل كده ؟؟؟

**SeiffoZ** · 22-09-2010 02:32 PM

الفيديو ده عن واحد أمريكى بيشرح وجهة نظرة عن حرق القرآن ... بغض النظر عن حرقه و حرق الكتاب المقدس برضه فى الفيديو بس وجهة نظرة منطقية ...

YouTube - Burning Everyone's Koran

يا ريت الناس تفهم الفيديو الأول قبل ما يشتموا على الفاضى

**Dojuar** · 22-09-2010 02:44 PM

حضرتك فهمت ايه الاول؟

اللي وصللي حاجات سلبية جدا من واحد ملحد

**SeiffoZ** · 22-09-2010 03:15 PM

المشاركة الأصلية كتبت بواسطة Dojuar

حضرتك فهمت ايه الاول؟

اللي وصللي حاجات سلبية جدا من واحد ملحد

إللى وصلنى من الموضوع ده إنه بينظر على حرق القرآن هو كمجرد وسيلة للإعتراض .. و ده مجرد حرق مصحف .. حبر على ورق ... مش حرق التعاليم و مش حرق ذاته .... حتى لو عندك كراسة قديمة فيها أيات قرئانية و عايز تتخلص منها بتعمل إيه ؟؟؟ بتحرقها ...

هو مفسرها زى حرق العلم الأمريكى , حرق صور شخص ... مجرد الإعتراض ...

حتى هو حرق الأنجيل و قال ان تعاليم الإنجيل نفسه موجودة و مش الولاعة إللى هتحرقها ..

فهو بيقول يعنى الإهتمام بحرق المصحف زيادة عن اللزوم شئ لا هيقدم و لا هيأخر .. لأنه فى الأخر ورق و حبر .. مش التعاليم ...

و قال بردوا إن تيرى جونز غلط لما هاجم الإسلام و أعلن عن الحملة إللى كلها عنصرية و تعتبر زى إنتهاك قدسية المسلمين ... حتى هو مقالش مسلمين .. قال ثقافة لناس كتير غيرنا و دى بتدل على إحترامه ثقافة الغير ..

و قال لينا حق الإعتراض ... بس فى الأخر الموضوع مش كبير للدرجة دى ...

و وجهة نظر منطقية من ناحية الحرق ...

و وضح كمان الثقافة الغربية من ناحية الحرق ...

ثانيا مين قالك إنه ملحد ؟؟؟

**Dojuar** · 22-09-2010 03:36 PM

الدقيقة 1:15
توضح الغرض الاساسي من حرق القران

الدقيقة 1:30

This book is just as bad , and just as in need of tasting the flames....
يعني لو كان الامر بيده كان خرق القران و الانجيل يعني ملحد
الدقيقة 1:46

بيتكلم عن الملحدين امثاله, ده غير ان اسمه TheAmazingAtheist

تقبل مروري

**shaddadfalcon1** · 22-09-2010 03:38 PM

انا مشفتش الفيديو ومعترض من قبل مااشوفه لان معتقدش ان لو كان في حد من الصحابه او الرسول وشافو المصحف بيتحرق قدامهم كانو هيسكتو ويقولو اصل ليهم وجهة نظر
ياريت بلاش نشر مثل هذه النوعيه من الفيدوهات لان ممكن فعلا ناس تصدق الكلام ده ويبقي عادي عنده انه يشوف كتاب ربنا بيتحرق قدامه

زي اللي بيتشتم من كل الناس ويقولك ياعم هي الشتيمه بتلزق

**m000dy** · 22-09-2010 04:37 PM

هو يشوف القران زى ماهو عاوز انش الله حبر على ورق
انما اصحابه شايفينه ايييييييييييه ده اساس التعامل
الهندوس بيعبدوا البقر وبالرغم من كده لما تدبحها انت عشان تاكل منها فده عادى لانها حيوان
انما همه شايفينها اييييييييييه
ساعتها هاتكون بتدبح اله عندهم وستعامل على هذا الاساس
وبالغم من انى مسلم لو جه عليا عيد فى الهند وكنت مقتدر مش هادبح بقره قدام ناس بيعبدوها
لانى كده اهنت دينهم وماتلومهمش لما يهينوا بعد كده دينك
طب احنا بنبص للانجيل على انه كتاب سماوى محرف وبغض النظر عن صحة الكلام ده عندنا او خطأه عن الاخوه المسيحيين الا اننا نحترم قدسية هذا الكتاب لسببين
الاول ان اصحابه بيبصوله على انه كتاب مقدس
ثانيا احنا كمسلمين ده يعتبر اهانه لينا لاننا شايفين ان دى هاتبقى اهانه لدين احد الانبياء اللى لازم نؤمن برسالتهم حتى يصح ايماننا بديننا وده لان اللى هايحرق قرأن او انجيل ماقصدش يحرق حبر على ورق
ولا ايه؟

الموضوع: حد شاف ده قبل كده ؟؟؟

LinkBack

أدوات الموضوع

عرض

حد شاف ده قبل كده ؟؟؟ - انشر الموضوع فى :

-

الكلمات الدلالية لهذا الموضوع

المفضلات

المفضلات

ضوابط المشاركة