الموضوع: ضحكت؟!! يعني قلبها مال وخلاص الفرق ما بيننا اتشال..

المشاركة الأصلية كتبت بواسطة ghazy12

انا ليه حاسس ان البعض فاهم الموضوع غلط..!!!

يا جماعة الخير... الفكره مش في الاغنيه نفسها او المقصود منها فعلاً,
الفكره ان ice خدت الاغنيه دي زي introduction لمضمون و مغزى
هي عايزه توصله, و ده اللي واضح في الجزء التاني من كلامها...

يعني الفكره مش ان عمرو دياب كانت نواياه حسنه ولا سيئه..!!
و لا الفكره في الاغاني او كلام و مستوى الاغاني اللي وصلناله..!!

الفكره في ان قد ايه و لانهي مدى ممكن تصرفات البنت تطمع فيها
اصحاب القلوب المريضه (كما ذكرت الايه الكريمه) او ينظر ليها
او تتفهم بشكل سئ لنفس السبب...

ده اللي انا فاهمه و رديت بناءً عليه بصراحه... قد يكون صح, و قد يكون خطأ

حضرتك كلامك مفهوم بس اى بنت تقدر تفرض على اى راجل اسلوب حوار سواء محترم او غير محترم ودا من طريقتها معاه.... وانا معاك ان فى اصحاب قلوب مريضه ودول حلهم تجنبهم لكن مينفعش خالص تعامل البنت لما تشوف راجل بيبتسم لها مثلا تكشرله لان كدا هتتجنب معظم الرجاله وانا قصدى هنا عالشغل مثلا ودا غلط جدا.. وتانى بقول رأى الشخصى اى حوار بين بنت وراجل فى مكان عمل اوغيره البنت الى بتدير الحوار يعنى لمحتله او كان فى قبول لو هو اتكلم كلام مش مضبوط يبقى لا تلومن الا نفسها بقى.

المشاركة الأصلية كتبت بواسطة medo_2060

حضرتك كلامك مفهوم بس اى بنت تقدر تفرض على اى راجل اسلوب حوار سواء محترم او غير محترم ودا من طريقتها معاه.... وانا معاك ان فى اصحاب قلوب مريضه ودول حلهم تجنبهم.

وتانى بقول رأى الشخصى اى حوار بين بنت وراجل فى مكان عمل اوغيره البنت الى بتدير الحوار يعنى لمحتله او كان فى قبول لو هو اتكلم كلام مش مضبوط يبقى لا تلومن الا نفسها بقى.

انا متفق معاك في الجزء ده من كلامك يا باشا...

المشاركة الأصلية كتبت بواسطة medo_2060

لكن مينفعش خالص تعامل البنت لما تشوف راجل بيبتسم لها مثلا تكشرله لان كدا هتتجنب معظم الرجاله وانا قصدى هنا عالشغل مثلا ودا غلط جدا..

لكن في الجزء ده اسمحلي اختلف معاك...

مبدئياً مفيش حد قال ان اي حد يكشر في وش اي حد, لكن بردو الراجل ده بيبتسملها ليه..؟؟؟

يعني مافيش سبب للابتسامه, بيبتسم ليه..؟؟ و اشمعنى ليها..؟؟ و هي في المقابل تبتسمله ليه..؟؟؟

مش مقتنع ابداااا بصراحه...!!!

المشاركة الأصلية كتبت بواسطة icehearted girl

يسلام.......... بصراحة احييك علمشاركة دي وبحترم رأي حضرتك فيها جدا وكنت مستنيه أقرأه من اي عضو

الموضوع يفندم مش موضوع تكشير وابتسامات... المقصود تبسمك فوه اخيك صدقة انك تتكلم ببشاشة وطلاقة وجه وسماحه.. اي كان بتكلم رجل او إمرأة...

انما مش معني كدا اني امشي فلشارع اوزع ابتسامات للي رايح واللي جاي ويبقي اسمي بلم حسنات

ولا إيه؟؟؟

فكرتني بواحدة كانت بتسألني تفتكري حرام اني اقول لولد اني أحبك في الله ولا لأ,طب دي بذمتك ارد اقولها ايه

ههههههههههههههه .. حلوة حرام أحبك فى الله دى ........ هههههههههههههههه

بس أنا مش بتكلم على إنك تمشى توزع إبتسامات ...

لأ أنا قصدى مثلا ..

بتعامل مع موظفة فى بنك .. أقوم و أنا بقولها ممكن تفتحيلى حساب .. أكلمها و أنا مبتسم ..

سوبر ماركت ... صيدلية .. شغل ... زميلة ... دراسة ... اى حاجة ..

الإبتسامة مش هتخسرك حاجة .. و فى نفس الوقت هتخلى كل إللى بتتعامل معاهم يعاملوك بإحترام و حسن نية ...

بس كده

يا جماعة الموضوع كله يتلخص فى النية اللى موجودة فى قلب كل واحد فينا
سواء ان كان راجل او بنت
انا والله اول مرة اعرف المعنى دة او اخد باللى منه
مع انى سمعت الاغنية دى كتير
وفى اغانى تانية كتير فيها كلام مش مقبول اكتر من دى
زى اكتر حاجة بتاعة تامر حسنى
وبعشقك لراغب علامة واغانى تانية كتيركلها اسفاف وكلام يدعوا الى الرذيله والبعد عن ذك الله
وخلوا بالكو ان الشاعر دايما بيقصد المعنى البعيد مش القريب
وانا شايف ان الموضوع مافيهوش حاجة طالما واحد زييى سمع الاغنية وماعملتش اى تاثير فيا
او مأدتش للطريق اللى بتقول عليه الدكتورة
اللى نظرة فابتسامة فامقابلة وهكذا
زى ماذكر الله فى كتابه العزيز
(وَلاَ جُنَاحَ عَلَيْكُمْ فِيمَا عَرَّضْتُم بِهِ مِنْ خِطْبَةِ النِّسَاء أَوْ أَكْنَنتُمْ فِي أَنفُسِكُمْ عَلِمَ اللَّهُ أَنَّكُمْ سَتَذْكُرُونَهُنَّ وَلَكِن لاَّ تُوَاعِدُوهُنَّ سِرًّا إِلاَّ أَن تَقُولُواْ قَوْلاً مَّعْرُوفًا )