ما الفرق بين الفرنا المصرى و الهندى سواء 1500 او 1600

**atamim** · 17-03-2008 11:05 AM

السلام عليكم ورحمه الله و بركاته

كنت عايز اعرف الفرق بين الفيرنا و الفيفا الهندى ال 1500 و بين المصرى ال 1600

هل فروق جوهرية ولا مجرد زيادة 100 سىسى فى الماتور و تقنية جديدة بتحس بفرق بينهم كبير؟

**liquidator** · 17-03-2008 01:48 PM

الفرنا المصري ال 1600 الموتور بتاعها طراز Alpha 2 و هو نفس الموتور اللي في الماتريكس و الالنترا الشكل القديم و الجيتز و الكوبيه و كمان الكيا السيراتو ...
و غير انه أعلي بمقدار 100 سي سي من ال1500 بس كمان التكنولوجيا فيه أعلي صوته أوطي و أكيد قوته و عزمه أعلي من التاني ...
أما الموتور ال 1500 اللي في الفرنا الفيفا الهندي فا ده من طراز Alpha 1 و اللي طور بعد كده لل Alpha 2 و هو نفس الموتور الموجود في الأكسنت القديمة ال 1500 , التكنولوجيا فيه أقل لكن طبعا موتور مش وحش خالص بس أكيد ال Alpha 2 أحسن ...
ده بالنسبه للمحركات ...
أما بالنسبه للتقفيل فالفرنا المصري سمعتها بسم الله ما شاء الله في التقفيل ( زفت )
لكن ماعرفش الهنود نظامهم ايه في التقفيل ...
أفتكر ان الفرنا المصري فيها أوبشنز أعلي من الهندي ...
لو تقفيل الفرنا المصري طلع أحسن من الهندي يبقي اشتري المصري علي طول لكن لو الهندي أحسن يبقي تفكر شويه و تحسبها علي حسب احتياجاتك و أنا لو مكانك هاشتري المصري حتي لو كان تقفيلها وحش عشان درجة التكنولوجيا فيها أعلي من الهندي ...
و ده رأي شخصي من فضلك ماتخدش بيه و كون انت رأي خاص بيك لوحدك !!!

**arch_peter** · 17-03-2008 05:13 PM

انا كنت فى نفس موقفك وحسمت القرار واشتريت فيفا والحمد لله جميلة وانا مش ندمان خالص
بخصوص الموتور اتفق فى المعلومات اللى قالها الأستاذ liquidator
ولكن زى برضه ماهو قال ان الموتور حلو جدا وتسارعه جميل واستهلاك البنزين حلو
ولكن بالنسبة للتقفيل فهى اجمل واشيك بمراحل من المصرى
الفيفا فيها اوبشنز اعلى من المصرى وليس العكس والدليل المرايات كهرباء وهذا غير موجود بالمصرى والكاسيت هيونداى اصلى وليس كالفيرنا المصرى عموما انا كنت كتبت موضوع ممكن يفيدك فى الرابط ده
http://www.nilemotors.net/Nile/showt...t=%DD%ED%DD%C7