الموضوع: الى كل ملاك التيدا يتفضل هنا

المشاركة الأصلية كتبت بواسطة peaceman

ماشي يا احمد اللي اداك يدينا يا عم و انا فعلا من عشاق التيدا و بحب العربية دي اوي بس الهاتش باك منها ههههههههههههههههههههههه
متهيألي لو عملوا صني هاتش باك هتبقي استيشن مش هاتش باك هههههههه

وعلى فكرة اللصنى حلوة مش وحشة بس التيدا افرص بكتير

المشاركة الأصلية كتبت بواسطة osama7985

أنا كان معايا أونو وبعتها وبقالي أكتر من شهرين باعمل ابحاث على النت وفي المعارض عشان اجيب عربية تقسيط. والعربية اللي لاقيت إن أنا أتمناها هي التيدا سيدان للأسباب الأتية:
1- عربية ياباني وتقفيل وجودة صناعة لا يختلف عليها اثنين.
2- قطع غيار معمرة واسعارها كويسة نسبيا بالمقارنة بالكوري(اقصد السيراتو).
3- موتور محترم وثبات وتوفير في استهلاك البنزين.
4- شكلها مش أحسن الموجودين بس مش وحش لأني شايف إن صاحب العربية مابيشوفش شكلها غير مرتين في اليوم وباقى اليوم جواها يبقى الأهم التقفيل والرفاهية والأمان جوة العربية.
5- واسعة من جوة ومدمجة من برة وابعادها واضحة.
يبقى بعد ده كله أفكر في حاجة تانية ليه ؟
وبعدين بعد ماأشتريها (إن شاء الله) لو حبيت أبيعها يبقى اللي هخسره فيها أنا أصلا كسبت أكثر منه ثبات واتساع وراحة ورفاهية وهي معايا.
يعني اللي هيشتري التيدا كسبان كسبان.
وشكرا لكل الناس اللي ردت على الموضوع الممتع ده.

ـــــــــــــــــــــــــ ــــــــ

وفعلا زى ما حضرتك بتقول العربية فعلا واسعة

جدااا الصالون مريح لدرجة انك ممكن تنام فية

ههههههههههههههههههههههههه ههههههههههههه

هو الشكل من برة يعنى مش انسيابى

بس صروخ ف المشى

اسالونى انا انا جبت بيها 200 ومع فرامل ثابتة ثابتة مفيش كلام



شكرا لمرور حضرتك على الموضوع

المشاركة الأصلية كتبت بواسطة ali_abo_amr

هو ده التفكير الصح ...

كل اللى اشترى التيدا بيفكر كده ... وربنا يوفقك للخير ان شاء الله

هية عربية حلوة بس مش عارف لية واد بتاع النترا قطعنى على الطريق النترا 2007 الشكل القديم وانا ماشى 190 والعداد بينقل واحدة واحدة الواد معدى من جمبى طاير وبعدين هدى عشان اسحن اكتر برضة جبتة ومشيت 190 ومفيش بتجيب اخرها وبردة النترا معدى طاير تحس انة ماشى 210 مش بيعدى مثلا ببطى لا دا بيعدينى وانا ماشى 190

مش عارف بقى عشان كان معايا اصحابى والعربية ثقلية وهوا كان فاضى ولا اية كنا فى العربية 5 على الطريق الصحراوى