الموضوع: "خطيبتى"_اسيبها ولاأكمل_انا تعبت_وخايف!!!.

المشاركة الأصلية كتبت بواسطة i_am_legend

صديق عزيز ليا_كان شغال فى مصر محامى فى مكتب محامى كبير_خطب بنت_والدها فى السعودية_بعد الخطوبة ابوها كلمة فى التليفون_قألة انت مرتاح فى شغلك يابنى_قالة لا والله_اهى ماشية_والله العظيم والدها_ بعتلة فيزا ب10 الاف_وقالة ابقى سدد تمنها لما ربنا يسهلك_وسافر قعد سنة وجيه_كتبوا الكتاب_وأخدها وسافر_ولا اشترى شقة_ولا عفش_ولا عصير قصب.وللعلم_الراجل عندة3 بنات_وولدين.ومش أغنياء للدرجة_ولا مستوى تعليم حماه عالى.وانا والله العظيم ولا ببص له ولا بحقد عليه.وبدعيلة دايما.

معلش مش عايزك تفهم كلامي غلط بس قصه صاحبك دي خنقتني الصراحه

للاسف في شباب كتير اليومين دول بيدخلوا موضوع جواز وعايزين يكسبوا من وراه ماديا ... لان في ناس برضو للاسف ما عندهاش مانع تقوم بالعريس ماديا بس البت تتستر ... والاتنين غلط

انت لو عندك اخت ترضى تديها لواحد ما جبش لا شقه ولا عفش ولا عصير قصب؟؟؟

وهتديهالوا بمناسبه ايه؟؟

صاحبك ده ما يستاهش الحقد ولا البص عليه بالعكس ده يستاهل الشفقه

كان اكرم له الف مره لو قام هو بنفسه كراجل داخل يتجوز وليس اعتمادا على حماه دي حاجه

والحاجه التانيه حق البنت من شقه وعفش ومؤخر وشبكه كان واجب عليه يقوم بيه وما يتدخلش الا لما يتم واجباته - دي حقوق البنت وما ينفعش نفرط فيها سواء البنت بنتنا ولا بنت ناس هنتجوزها

ولو كان عريس ما جبش شقة ولا عفش وشغلانته حتى جاتله من حماه يبقي داخل يتجوز على اساس ايه؟؟؟

المشاركة الأصلية كتبت بواسطة ashraf_msd

معلش مش عايزك تفهم كلامي غلط بس قصه صاحبك دي خنقتني الصراحه

للاسف في شباب كتير اليومين دول بيدخلوا موضوع جواز وعايزين يكسبوا من وراه ماديا ... لان في ناس برضو للاسف ما عندهاش مانع تقوم بالعريس ماديا بس البت تتستر ... والاتنين غلط

انت لو عندك اخت ترضى تديها لواحد ما جبش لا شقه ولا عفش ولا عصير قصب؟؟؟

وهتديهالوا بمناسبه ايه؟؟

صاحبك ده ما يستاهش الحقد ولا البص عليه بالعكس ده يستاهل الشفقه

كان اكرم له الف مره لو قام هو بنفسه كراجل داخل يتجوز وليس اعتمادا على حماه دي حاجه

والحاجه التانيه حق البنت من شقه وعفش ومؤخر وشبكه كان واجب عليه يقوم بيه وما يتدخلش الا لما يتم واجباته - دي حقوق البنت وما ينفعش نفرط فيها سواء البنت بنتنا ولا بنت ناس هنتجوزها

ولو كان عريس ما جبش شقة ولا عفش وشغلانته حتى جاتله من حماه يبقي داخل يتجوز على اساس ايه؟؟؟

لا يا اشرف:_والله_الواد كان داخل على ومتفق على كلة_حتى الشبكة_كانتوا متفقين_واهلوا كانوا هايقفوا معاه وكدا_مع شوية جمعيات وخطوبة سنتين_لكن والد البنت اختصر_وقال انا عايز بنتى تعيش مرتاحة.وصاحبى مرتبة صغير_لكن الواد ما كنش فى دماغة خالص.

المشاركة الأصلية كتبت بواسطة vBulletin

ملكش حق ياخ اشرف انت لا تعلم بما فى انفس الناس واحسن الظن باخيك عشان ربنا يباركلك

اللهم امين

وبعدين الواد ربنا كرمة ودية من عند ربنا مش من عند اهلها

لأ من عند اهلها ... تفتكر لو راح لواحده تانيه بحالته دي حد هيرضى يجوزهالو؟؟

فلما تلاقى واحد راجل بجد وعارف ربنا والله مش خسارة فية وانا لو لقيت واحد عارف ربنا ومتقية وماشى على نهج الرسول صلى الله علية وسلم

رئيك ولك مطلق الحرية ... بس الاخ اللي اتجوز كده مش واحد عارف ربنا ولا نهج رسول الله.

الم يقل الرسول (صلى الله عليه وسلم) " من استطاع منك الباءة فليتزوج" الباءة = القدرة المادية + الزوجية

ماعندوش قدره ماديه يقوم حماه مجوزه ويقولك ده عشان انسان متدين؟؟ كلام غلط طبعا

العبرة فى العشرة ومين الى هايعاشر اختك انت ممكن يجى واحد يدفعلك قد كدة فلوس بس لو انت هاتقسها بكدة يبقى مش هاتنفع والبنت ممكن ونسبة كبيرة انها متبقاش سعيدة بعد الجواز

ليه افترضت ان الراجل اللي هيقوم بالتزماته الماديه هيبقي وحش بعد كده ؟؟؟

واعتقد ان اللي حماه قام له بالمصاريف بدل منه مش شرط يعامل البنت كويس بعد كده إلا لو هيبقى زوج مكسور قدام حماه وقدام اهل مراتة وده فالغالب اللي بيحصل

وبعدين احنا مسلمين والحمد لله والمفروض اخلاقنا بتدل على الكرم ولا اية

الكرم شئ والحقوق شئ اخر

اليست المهر والكفالة والمسكن فروض من الله سبحانة وتعالى وحقوق البنت؟؟؟
ما ينفعش نفرط في الحقوق ونقول اننا كده كرماء

المشاركة الأصلية كتبت بواسطة ashouhdy

كل دة ولسسسسسسسسسسسسسسسسسسسسسسس سسة بتدخلهم بييييييييييييييييييييت يانهار اسود ومنيل بنيلة يابنى انفد بجلدك من العيلة دى ... اوعى تكمل يوم تانى دول ناس يبيعوا ابوهم عشان الفلوس فى واحد يوم خطوبة بنتة الوحيدة يعمل كدة لأ ولسة فى ناس بتقولك ذنبها اية وبتاع .... ذنبها انها بنتهم و خلص الكلام وباباى يابوحمييد مفيش كلام تانى اقولة !!! دة انا الشياط طلع من ودانى يأخى

إهدى ياشهدى بلاش تتنرفز_ههههه_إهدى يا كبير_تعرف ياشهدى_انا كنت فى الأول_بسمع الحاجات دى بتجنن_لكن من كتر ماشوفت منهم خلااااااص_بقيت بارد.مع إنى دمى حامى جدا_ومابحبش الغلط لكن للأسف من كتر الصدمات_نحست وقلبى جمد.ااااااااااه.

مش المواضيع اللى بحب اشارك فيها
بس افضل رأى قرأته هو رأى أحمد كمال
وعايز أقولك مثل واقعى وحقيقى ومحدش واخد بالو منو
اللى مالوش خير فى اهلو ملوش خير فى حد
وممكن زى ما هى بايعه اهلها اللى ربوها وسهرو الليالى عليها عشان خاطرك ممكن بكره انت تبقى السلعه التانيه اللى هتتباع لو رغباتك جت
ضد رغباتها وطموحه فى انها تبعد عن البيت اللى هى شايفاه بالنسبالها جحيم يعنى من الأخر وسيله هروب
فى مثل تانى بيقول يابخت من بكانى وبكى الناس عليا ولا ضحكنى وضحك الناس عليا
أنا معرفش انت عمرك قد ايه
انا عندى 30 سنه وخطبت 3 مرات قبل مراتى مراتى كانت الرابعه
دا غير تجارب ايام الجامعه
احب اقولك الجوازه دى والله أعلم منى ومن الجميع فاشله
واتمنى انك متزعلش منى