تمام كده يا ريس
و انا فعلا اللي مبسوط اني اتعرفت عليكم
يلا ماتتأخروش بقي عشان العشاء مايبردش
عرض للطباعة
ياااااااااااااااااااااااا ااجماعة انتبهولى
طبعا انا اختفيت من الموضوع انا طبعا صاحب الموضوع انا ولا اختفيت ولا حاجة
بس دورت وسالت كتير وفهمت وكان كالاتى
الاستكر المط العادى دة ممكن يحمى العربية من الحشرات والظلت اللى فى الطريق السفر
بس مش هيحميها من الحكات والتجرحات لان الجلد هينقطع مع اول لمسة
وعيوبة الاهم والاخطر ومحدش اتكلم عنها ان لما تحب تشيلة من على العربية هيسيب مكانة اللزق بتاعة والله يكون فى العون عند تنظيفة
واسالو مجرب بجد دة عيب خطير
ثانيا التجليد السيارة وجدت شركة تعمل لتجليد السيارة بالخامة اللى انا كنت بدور عليها وهية عبارة عن مادة لاصقة شديدة السمك لونها شفاف طبعا
وتعمل على حماية العربية من التجرحات والخرابيش وتغير لون السيارة بعد مدة
وتمن السيارة كاملة للتجليد تتكلف تقريبا 3000ج
بس المقابل انك كل يوم بتنزل من البيت بتركب العربية كانها زيرو حتى التراب مش بيتلم علية
تقبلو تحياتى واسف على التاخير
يا اخ Bonanza
بعد اذنك , انا كمان عايز اعرف اسم و مكان المحل اللي بيعمل كده
يا جماعة الخير كلنا عاوزين نستفيد اكيد
الاخ Bonanza جارى فى الهرم ازيك , ممكن حضرتك تسأل صاحبك اكيد بعد الفترة دية هيقدر يحكم على الاستيكر دة و لو فى حتة مثلا اضطر يشيلها هل ليها اثر ولا لأ و هو هيقدر يقولنا انة مفيد ولا فشنك ثمنة فية ولا حرام
انا شايف ان فى ميزة كلنا عاوزنها دة لو مش بيسيب اثر فى العربية حتى ولو انو مش زى ابو 3000 جنية بس على الاقل بيشيل بلاوى الظلط و الخرابيش اللى هى مش فى السفر بس , مين فينا مش بيستخدم الدائرى بصفة مستمرة لو هيحل مشكلة الظلط و الخرابيش الخفيفة اعتقد دة هيكون كويس جدا
اخونا Bonanza يا ريت تجبلنا اخر Update بعد ازنك طبعا
صباح الفل علي الجميع
بص يا باشا لحد دلوقتي صاحبي مبسوط جدا بالستيكر المط ده
هو قدر الله و اتخبط في الرفرف و الاكصدام ،، السمكري ردلة الرفرف علي البارد و والله العظيم السمكري كان بيدقدق علي الستيكر و ولا جرالة حاجة و لا اتشال من مكانة و كمان الاكصدام اتخرم و صاحبي راح لنفس المحل و شال الستيكر الي كان عليه و ركب جديد عشان يداري الخرم و البوية ماجرالهاش حاجة تحت اللزق و مفيش اثر للزق
ده اخر Update يا باشا