السلام عليكم
كنت حابب لو اعرف اجلد السيارة ازاى وعند مين فى مصر
التجليد اللى هوة عبارة عن جلد شفاف بيتلزق على كل العربية وبيحميها من الخرابيش والتراب وكدة
هتعبكو معايا
تقبلو تحياتى :satelite:
عرض للطباعة
السلام عليكم
كنت حابب لو اعرف اجلد السيارة ازاى وعند مين فى مصر
التجليد اللى هوة عبارة عن جلد شفاف بيتلزق على كل العربية وبيحميها من الخرابيش والتراب وكدة
هتعبكو معايا
تقبلو تحياتى :satelite:
أنا كنت سألت مره عند محل مشهور عندنا فى شارع دمشق إسمه ( إبراهيم ) بس قالى إن الإكصدامات بس ح تتكلف تقريباً 1300 جنيه فما بالك بقيت العربيه بكام ؟؟!! بس الراجل بيحلفلى إن لو ضربت مفك فى التجليد ده عمره ما ح يحصله حاجه ..!!
فقولت لنفسى لأ سيبها تتخربش براحتها ، أنا جايب عربيه علشان تخدمنى مش أنا إللى أخدمها ...
متابعة باهتمامممممم
واحد صاحبي كان بيجلد عربيتة كلها ( تويوتا كورولا 2007 )
انا كنت معاه من اول ما ابتدوا شغل لحد ما خلصوا
العربية كلها بالاكصدامات و السقف و الشنطة و الاربع ابواب اتكلفت 700 جنيه فقط لا غير
المكان في الهرم شارع المطبعة جنب ادريان
اسم المحل ممكن ابعتهولك علي الخاص لو عاوز
الصنايعية محترفين جدا و عملوا العربية مفيهاش غلطة الحمد لله
بس الوقت طوييييييل جدااااااا من الساعة 11 صباحا لحد 8 او 9 بالليل ( طبعا ده متضمن و قت الغداء و شرب الشاي و شوية لكاعة من الصنايعية )
التجليد اللي عمله كان اسود مطفي و ماشاء الله شكلة حلو اوي فعلا
اعتقد الشفاف اللي حضرتك عاوزة هايكون ارخص شوية والله اعلم
بالتوفيق
شكرا للمعلومات القيمة دية
جزاكم الله كل خير
مفيش حد يعرف حد متخصص في الموضوع ده في الاسكندرية
سألت عليه من شهر فى الامارات هنا قالى العربيه تتكلف 7 الاف درهم ما يعادل 10500 جنيه
وعليه ضمان سنه
طبعا انا كبرت دماغى لان العربيه لو اتخربشت واتبهدلت ورحت رشتها وكاله موش حاتتكلف الرقم ده
يا جماعة ممكن حد يكون عند مصر الجديدة بيجلد مط والخامه ده بتتجاب منين
إللى أنا أعرفه هو ( إبراهيم ) إللى فى شارع دمشق .... وأكيد فى ناس تانيه فى شارع دمشق برضه ، بس أنا مجربتش حد غيره ..... بس هو غاااااااااااااالى جداً فى أسعار التجليد .
أنا جلدت حته صغيره من الشبكه والعلامه إللى فى الشنطه بخامه نظيفه وإتكلفت 50 جنيه .... فما بالك العربيه كلها .... أكيد حتبقى غااااااااااااليه جداً .
لو حبيت روح وإتكلم معاه ، وعنده واحد شغال إسمه يوسف .... إستفسر عن كل إللى إنت عايزه .
ابو 700 الشفاف ملوش لازمة بجد؟! انا كنت تاوي اركبه.
هل فيه الون للمط؟ انا دايماً بشوف الأسود, فيه احمر؟
طيب ممكن الناس اللى عاملة العربية كلها شفاف ابو 700 يقولولنا الوضع ايه ... ليه لازم ولا لأ ؟؟؟
ولو المط ده هو اللى كويس ... بيبقى بكام ؟؟
والله يا باشا احنا مركبين التجليد ده من حوالي اربع او خمس شهور و صاحبي كل يوم بيروح و بيجي بالعربية و بيسافر كتير بيها ، و عاوز اقولك انها بسم الله ماشاء الله اكنها لسه متركبة امبارح
والله ما حصل فيها حاجة لحد دلوقتي
يمكن الخامة تفرق من مكان لمكان
و بخصوص الشفاف انا معنديش علم هو اغلي ولا ارخص و انا خمنت انه ارخص لان عادتا اي حاجة الوان بتبقي اغلي شوية و كمان قولت والله اعلم
اعتقد بردو التجليد الشفاف مش هايبقي متلاحظ كتير في الشارع الا اذا دققت في العربية و سالت صاحبها
لكن الالوان المط بتبقي ظاهرة جدا
بخصوص الالوان انا شوفت الاسود طبعا و البرتقالي و الاصفر
هو ايه المقصود بتجليد ؟ و بعرف ازاي لو متجلدة ؟ لو في صور تظهر ده لو ممكن ؟
عنيا يا باشا
حالا و يبقي العنوان عندك في الرسائل
بس هو مش هايحمي من شباب المفكات ولا حتي شباب الضوافر
لان ده ستيكر في الاول و في الاخر
بس بيدي شكل جميل للعربيه
انا ممكن بكره ان شاء الله انزل صورة للعربية و هي بتتجلد عشان الناس اللي مش عارفة يعني ايه تجليد
و ليه مش النهارده ؟؟؟
عشان بس الصور في الكمبيوتر بتاع الشغل والله
لو خدوش بسيطة طبعا هايحمي
اللي هي بتبقي موجوده ف ياي عربيه
انت عارف اللوحات الفنية اللي العيال بيعملوها علي العربية
في الحاله دي هايحمي
لكن لو واحد جايب مسمار او مفك و قرر انه يعلم علي العربية
يبقي هايطلع البويه نفسها
ولا هايفرق معاه ستيكر ولا صبة خرسانه
انا شفت منها اسود بس
طب يا رجالة واية ظروف المرور فى الموضوع دة واللجان الحلوة بتاعتنا
لو مفيش مشاكل انا هنزل اعمل الاسود عند المحل الى جنب ادريان دة بيى و بينوا 5 دقايق
لو بنفس لون العربية مفيش اي مشكلة خالص و حط صباعك في عين اللي يكلمك عليه
محدش ابدا كلم صاحبي علي الستيكر رغم انهم وقفوه كذا مره عشان الحزام
الالوان اللي انا شوفتها الاسود و البرتقالي و الاصفر
وانا شوفت سيفيك 2009 نبيتي كان شكله تحفه تحفه عليها
دي يا جماعة صورة العربية اللي بقولكوا عليها
كبر الصورة عشان تشوف لون المط علي الشنطة
http://img571.imageshack.us/img571/2...6041736cop.jpg
شكرا على الصورة
لو سمحت كنت عاوز العنوان بالتفصيل وياريت لو فية تليفون وفين تجربة الأعضاء
ممكن اسم المحل على الخاص
وشكرا
منشوف يا جماعه كام واحد هيجلد و نحاول نعمل خصم كبير لكل العنده جديه فى الموضوع
انا معاكم إن شاء الله
عربيتي اوكتافيا a5 2008 بس ياريت العنوان(وياريت لو بالتفصيل اصلي هاجي مخصوص من الزقازيق ) واسم المحل على الخاص
وشكرااااا
أنا شوفت مط أحمر من يومين, بس فى رأيى المط الاسود أحلى بكتييييييير
عايز عنوان المحل لو مافيهاش غلاسة