العربيات الفاو دي في مصر من 2006 ولا حس ولا خبر لغاية النهارده... اعتقد أن ده مش مشجع خالص .... ولا أيه ؟
عرض للطباعة
العربيات الفاو دي في مصر من 2006 ولا حس ولا خبر لغاية النهارده... اعتقد أن ده مش مشجع خالص .... ولا أيه ؟
انا كلامي متأكد منه ! و حسألك سؤال: لما بتجيب لاب توب سومي فايو او توشيبا ساتيلايت ( اجهزه ياباني) و تقلب الاب توب و تلاقي مكتوب صنع في الصين هل ده ينفي انه سوني اصلي؟ او توشيبا اصلي؟ لأ طبعا !!! لما الموتور تويوتا اصلي بأحدث تكنولوجيا لتويوتا مصنع فعلا في الصين و لكنه اصلي! و ليس كباقي السيارات الصيني بمواتير تكنولوجيا ميتسوبيشي كريستاله و فخورين بيها
شنطة قطع الغيار لجميع موديلات الفاو فيتا بس مش لأي حد و لكن للعملاء المميزين فقط! و انا مش بتكلم حاليا ولا حتى ذكرت البيسترن بي 50 او الريد فلاج!!! FAW besturn B50 , Faw REDFLAG عموماممكن العده و المثلث مش مفاجأه فعلا على الرغم ان معظم التوكيلات بتلغيه من عربياتها! بس انت عارف ان العربيه فيها 2 وسائد هوا؟ و لو انت شوفت العربيه فعلا و دخلتها و جربتها عمرك مكنت حتقول ضيقه! و سيادتك رجاءا رجاءا متكدبنيش ان مكنتش متأكد 100% لأنها اهانه لا اقبلها منك او من غيرك و انا على استعداد لتحديك علنا انك تثبت انه مش موتور الياريس ال A5+ اللي بيركب على اعلى فئه في الياريس A5 بقوة 105 حصان! و في المقابل انا ممكن اثبتلك و لو عايز نتقابل في التوكيل و اوريك النوتور اللي بتدعي انك شوفته! و ثم ايه اللي سعرها غالي؟ ده البيكانتو الهاف اوبشن ب 63 الف!!!
للعلم العربيه نزلت مصر من اواخر 2008 يعني مكملتش حتى سنتين!!!! قبلها كان التوكيل بيبيع العربيه اللي شبه السمارت و بيبيع عربيه 7 راكب ستيشن الاتنين صيني و لما خد توكيل الفاو في 2008 همش كل العربيات التانيه و ركز في الفاو لثقته في العلامه التجاريه و للعلم لمن لا يعلم العربيات الموجوده حاليا هي الدفعه الثالثه من الفاو فيتا و الفاو بيسترن مكانش في منها ولا عربيه من 3 اشهر و حاليا نزلوا الدفعه الثالثه مع ان ثمنها 110 الف!!!! مين يضمن عربيه 100 الف كيلو او 5 سنين ان مكانش واثق فيها! بيديك وثيقه قانونيه بأن السياره تحت مسؤولية الشركه لمدة 5 سنين !!! اعلى فترة ضمان في مصر
ياباشا بالراحه انت ليه اخدت الموضوع بعصبيه جامد كده
انا بقول الكلام ده لانى مهتم بالعريبات الصينى من بدرى وعارف اغلبية المعلومات عن اغلبية العربيات الصينى وليا اصحاب فى توكيلات مختلفه ومن المستحيل (وده من الصينين نفسهم)ان حاجه من خارج الصين تدخل فى الصناعات بتاعتهم اذا كان اغلبية الدول الصناعيه الكبرى بتبنى مصانع فى الصين يبقى ازاى الصين هاتستورد مواتير ولو فعلا العربيه الى حضرتك بتتكلم عليها مواتير تيوتا ليه ماخدتش الشهره وباعت دانا اول مره اشوفها كانت فى المعرض
انا فعلا شوفت العربيه ومتأكد من كلامى 100000000% وعارف ان فيها 2 ايرباج طب وايه الجديد مااغلبية العربيات الصينى فيها 2 ايرباج وسعرها اقل من كده بكتير اما بالنسبه للعده والمثلثل انا فى المعرض شوفت توكيلات كتير بتسيب حاجه العربيه مابتشلهاش حتى مع البيع وبالنسبه للسعر احنا بنقارن فى العربيات الى فى نفس فئتها
وحضرتك بتقول ان العربيه نزلت من اواخر 2008 وباعت 3دفعات ممكن تكون نزلت فى دوله اخرى لانى فعلا ماشوفتش ولا عربيه منها ولا حتى اعلان فى الجرايد وبعين العربيه الى شبه الاسمارت دى انا عارفها دى اسمها نوبل وكان سعرها غالى على حجمها وماانتشرتش خالص
الصين اصبحت من الدول الصناعيه الكبرى وبتشجع التصنيع المحلى واى منتج من خارج الصين بيبقى صعب دخوله وعليه جمارك عاليه جدا والى سافر الصين هايلاحظ ان اغلبية منتجاتهم هناك صنع الصين
اما بالنسبه لموضوع الموتور فما هو الا ادعاء تسويقى زى مالبريليانس لما نزلت قالو موتور ميتسوبيشى
والناس لو كلفت خاطرها وبصت على المكتوب تحت الكفر البلاستيك هاتلاقى كلمة ميتسوبيشى تك
يعنى تكنولوجيا ميتسوبيشى
طاب سؤال يا باشا....حضرتك مهتم بالسيارات الصينى....اية افضل الماركات فى وجهة نظرك؟
مش من ناحية حاجة معينة.....لو هتجيب عربية صينى سيدان فى حدود 60 70.....هتجيب اية؟
الل أنا أعرفه أن الفاو دي الماركة الأولى في الصين .. والصينين بيثقوا في الماركة دي جداً (مجرد معلومات عامة مش أكيدة) .. بس طبعاً أساس نجاح أي ماركة في مصر هو الوكيل ومدى قوته ودعمه للعربية (الدعاية وخدمة ما بعد البيع) .. وفي رأيي أن الماركة دي لو اتعمل ليها دعاية كويسة حتسوق جامد قوي هي و الـ byd f3 بجانب طبعاً البريليانس اللي قوة وسمعة الوكيل عاملين ليها سوق كويس .
بالرغم من انى عارف ان سؤالك ده الغرض منه الجدال فقط بس مافيش مشكله انا هارد عليك
بالنسبه للانواع الى فى الرنج الى انت قولت عليه وانا بفكر فيها هاقولك على الانواع وليه عاجبانى
اول عربيه الاسبرانزا m11
انا عاجبنى شكلها جدا بس المشكله ان الشكل لوحده مش كفايه انا خايف من موضوع التقفيل المحلى ناس كتير اشتكت منه خصوصا ان التقفيل المحلى دلوقتى بقى فى حاجات اساسيه زى ضفيرة الكهرباء ودى من اهم الاجزاء فى العربيه ده غير تانك البنزين الى بيتعمل فى العاشر والكراسى والشكمان ده غير التقفيل
ده غير العفشه
تانى حاجه ال byd f3 وهى نفس المشكله برضه تقفيل محلى ونفس الحاجات لان التقفيل المحلى كله بيركب فيه نفس الحاجات والمكونات ونفس المشاكل وناس راحت اتفرجت عليها واشتكت جامد من الدهان الداخلى
تالت حاجه ليفان 620 انا اتفرجت عليها فى معرض القاهره وبعد كده شوفت واحد راكبها فى وسط البلد انا عرفت انها مستورده ومن السعودى وعربيه محترمه جدا ماتورها المانى ده كل الى عرفته عنها لحد دلوقتى وده طبعا مش كفايه محتاج اعرف عنها حاجات ومعلومات اكتر عنها
رابع حاجه الجاك ودى عاجبنى شكلها اوى وكل الناس الى راكبنها بيشكروا فيها ومعجبين بيها اوى ودى واخده 70% من تفكيرى بس الى مقلقنى منها التوكيل لأنهم يعتبر جداد فى مجال السيارات السيدان وانهم كانوا تخصص عقارات فأنا مستنى شويه اشوف الناس الى واخداها عامله ايه مع التوكيل
هى دى الانواع الى انا بفكر فيها حاليا