ايه ياجدعان ده اسيبكوا يوم تعملوا فى بعضكوا كده
عرض للطباعة
ايه ياجدعان ده اسيبكوا يوم تعملوا فى بعضكوا كده
يا جماعة الخير .. أرجو الهدوء وظبط النفس من جميع الأعضاء .. أنتم ناس محترمة وكبار .. وبصراحة مش هي دي اللغة المعتادة في نايل موتورز .. وإذا كان في اختلاف في الأراء ممكن يتناقش بهدوء وبشكل أفضل من كدة .
مع احترامى للعضوين بس انا الى اعرفوا ان القسم ده مخصص للصينى فقط فياجماعه الحكايه مش محتاجه مجهود الى بيكره الصينى ومش طايقه مايكلفش خاطره ويدوس على ماوسه ويدخل يزاحمنا هنا ياعم احنا عارفين ان الصينى فيه مشاكل بس الواحد فينا عايز حاجه زيرو وعلى قد فلوسه وفيها اوبشن كويس وايه دلوقتى مافيهوش عيوب وصدقنى الصينى الى انتوا بتتريقوا عليه هو الى هايكسح العالم ماعلينا
اوعدك اننا لو حد فينا جاب صينى وحس انه لبس فى الحيط صدقنى مش هاندوشك ولا هانصدعك ونقولك الحقنا
(الى ياكل على درسه ينفع نفسه)
بجد عيب والله العظيم ان دى تكون لغة الحوار مابينا جميعا ياجماعه كده كتير ولازم نفوق وانا اولكم ياجماعه احنا ناس كبيره ومحترمه واحنا بنتناقش فى عربيات يعنى لازم يكون نقاشنا ارقى من كده لأ بجد لازم وقفه انا هاعمل موضوع عالعام ونذكر فيه سلبيات المشاركات ونحاول بمساعدة المشرفين اننا نقضى على الكلام ده
وياريت الناس كلها تشارك
[QUOTE=chinaman;3873069797]بجد عيب والله العظيم ان دى تكون لغة الحوار مابينا جميعا ياجماعه كده كتير ولازم نفوق وانا اولكم ياجماعه احنا ناس كبيره ومحترمه واحنا بنتناقش فى عربيات يعنى لازم يكون نقاشنا ارقى من كده لأ بجد لازم وقفه انا هاعمل موضوع عالعام ونذكر فيه سلبيات المشاركات ونحاول بمساعدة المشرفين اننا نقضى على الكلام ده
وياريت الناس كلها تشارك [/QUOT
فى ناس كدة غريبة......بيقولى نفسنة .....لووووووووووووووول........ش ب غريبببببببببببببب.....لازم يترد عليها معلش
يا جماعة الموضوع مش مستاهل كل الخناق ده.
بس للحق الموتور ال +5A ده مش موتور الياريس الموجودة دلوقتي (موتورها ال 1.5 اسمه 1NZ-FE) بس الموتور ده كان بينزل في الجيل الأول من تويوتا فيوس في دول الشرق الأقصي واللي حل محلها الجيل الحالي من تويوتا ياريس تحت نفس الاسم (فيوس).
موضوع المواتير بتكنولوجيا تويوتا ولا تويوتا، فأحب أضيف ان مصنع Tiajin FAW Toyota Engine هو واحد من اكبر مصانع محركات تويوتا وبيصنع مواتير حديثة زي 1NZ-FE بتاع الياريس 1500 و 1ZR-FE بتاع الكورولا الجديدة، وفي عربيات تويوتا مصنعة في اليابان مواتيرها بتيجي من المصنع ده.
في نفس الوقت المصنع ده بيصنع نسخ مطورة من مواتير تويوتا الأقدم لاستخدامها في مختلف انواع السيارات الصينية زي مواتير 5A و 8A وخلافهما.
في معلومة عدت كده في الموضوع من أخي Chinaman بيقول ان توكيل ليفان قال له ان موتور الليفان 620 ألماني ودي معلومة خطأ 100% لأن موتور ترايتك عمره ما كان ألماني ده كان بيتصنع في البرازيل لصالح ميني ولكرايسلر علشان ال PT Cruiser وليفان اشترت خط الإنتاج ونقلته للصين، أما بالنسبة لمواتير ليفان التانية فدي أعتقد ومش متاكد انها مبنية على اساس موانير تويوتا 5A من شكلها، والناس بتوع مبيعات توكيل ليفان في الضياع لإني لما اتكلمت نعاهم في أوتوماك لقيتهم مش عارفين حاجة، ولما سألت الراجل عن الموتور قاللي ده ألماني يا بيه، فقلته يعني ايه الماني، قال لي يعني تقدر تقول (انا مش فاكر الماركة اللي هو قالها تحديدا علشان مش عايز أقول حاجة غلط بس هو قال ماركة ياباني) ولما قلت له دي مش ألماني، قال لي استنى هجيبلك المدير، المهم الراجل جالي وقلت له هي مش نازلة بالموتور الترايتك (على فكرة موتور جامد جدا جدا)، رد علي وقال لي لأ مش نازلة بيه علشان سعرها هيبقي عالي قوي.
نقطة أخيرة في موضوع الصيني والصناعة الصيني، مفيش عربية ولا معدة ولا آلة في العالم ما فيهاش مكونات صينية مهما كانت الماركة، مش هقول علشان هما جامدين ولا شاطرين، بس علشان الدول المتقدمة منعت أغلب الصناعات الملوثة للبيئة عندها زي على سبيل المثال لا الحصر صناعة الرصاص (البطاريات)، المسبوكات (أجزاء المحركات)، المواد البلاستيكية وصناعات أخرى.
في حاجة حضرتني بمناسبة ذكر الصناعات المغذية وهي ان جزء كبير من اللدائن (البلاستيكات) اللي في العربية الأوكتافيا من صناعة سابك السعودية.