ابن رئيس مصر سائق

**Ghamrawy** · 23-09-2010 08:06 PM

يبقى بكده نعرف ان الراجل ده الله يرحمه كان رجل نضيف
لان مش بيتبهدل فى البلد دى غير النضيف
غلطته الوحيدة انه صدق اللى حواليه و امن بالثورة فعلا و لكنها كانت انقلاب و لا عودة للحكم المدنى
انما الحرامى ،العميل الفاسد المنافق،حليف ابليس
يقعد على الكرسى و يدلدل رجله و رقبته تطخن و كرشه يرهل و يعمل مليارات تكفى ولاده و احفاده ليوم الدين

**makka** · 23-09-2010 08:19 PM

حد عارف غلطة محمد نجيب ايه؟
بعد ما اتعملت الثورة والامن استتب قال نعمل انتخابات والشعب هو اللى يختار والثورة ليست اوصياء على الشعب
المهم الكلام معجبش العسكر وقالوا لسه بدرى على الديمقراطية من غير ما اخوض فى تفاصيل والاقى كل اللى بيعشق جمال عبد الناصر بيشتم فيا لكن اللى اتعمل فى محمد نجيب احنا كمصريين بنخلصه دلوقتى

**akramlail** · 23-09-2010 09:14 PM

ياريت اللى يقدر يحمل مذكرات الرئيس محمد نجيب يقراها انا قريتها وتاثرت بيها قوى الراجل دة اتظلم ظلم رهيب واتذل ذل غريب كل دة لية وعشان اية ؟؟
ياريت يتعمل قصة حياتة فيلم لازم ياخد حقة بس مظنش عشان هتبان حقيقة عبدالناصر واعوانة اللى قسموا البلد واستولوا عليها

**aif** · 23-09-2010 10:39 PM

ما اشبه اليوم بالبارحة
برضة ابن الرئيس الحالي ح يبقى سواق ...... ح يسوق اتوبيس كبيييييير ... فيه 85 مليون راكب
بس الكارثة انه مش بيعرف يسوق ........ سترك يارب ..... من اللي جاي .... ومن القاعدة 9 ب

**medo_2060** · 25-09-2010 05:03 AM

وحاليا ابن الرئيس بيسوق بس فى الهبل.... انا قصدى على رئيس الحى بتاعنا

**power** · 25-09-2010 05:47 AM

واحده من سقطات عبد الناصر ما فعله من ظلم في حق هذا الرجل

**aymanay32** · 25-09-2010 10:11 AM

اخشى ان تكون الحقيقة ان حبس محمد نجيب حتى لا يعلن انه لم تكن هناك ثورة

فلم نسمع يوما عن ان فلان كان من شهداء الثورة و مات يوم الثورة و اطلاق نار و حاجات كدة زى الثورات و الاستيلاء عن الحكم

و يبدوا انه لم تكن هناك ثورة و انما اجراءات مترتبة مع الملك و متفقين عليها مسبقا

و الدليل على الكلام دة ان محمد نجيب و هوه بيوصل الملك للمركب عشان يخرج من مصر قاله انا يشرفنى انى كنت من الجنود اللى كانوا بيدافعوا عنك فى القصر

يعنى الاستيلاء على الحكم و طرد الملك ماكانش فى الاتفاق اللى معمول مع الملك و كان الاتفاق على طرد الانجليز بس
لان الملك كان ممكن يطلب من الانجليز الحماية له فى القصر و كان الضباط اللى جايين يطروداوا الملك و يستولوا على الحكم انضربوا بنيران الانجليز و كانت جيوش الانجليز اللى فى المناطق و الدول القريبة اتجمعت فى مصر لدحر الثورة زى ما حصل فى الجزائر و كانت بقت ثورة المليون شهيد ظابط

كل دى يا جماعة احتمالات مش كلام مؤكد و الله اعلم بالحقيقة ممكن تكون ايه اخف او اشد من كدة

.