مش حرام الي بيحصل في العربيات في مصر ؟
السلام عليكم ورحمة الله
النهارده وانا مروح من الكليه وماشي في شارع ال90 في التجمع الخامس
لقيت بي ام دبليو 316 كوبيه متدمره من قدام عند ملف كده.
مش عارف التفاصيل بالظبط بس الظاهر انه دخل في لوحة اعلان فوق الرصيف !!
انا كنت هعيط لما شوفت منظر العربيه :120146b
الراجل ده ربنا يعوض عليه بسبب الطريق الزباله, عشان اولا ملف والطريق مش مستوي وفيه حتت طالعه وحتت نازله و واخد انحناء بشكل مفاجئ بعد منزل يعني الي مش واخد باله (زي اخينا) يبقى مع السلامه, انما ده حظه انه معاه عربية امان.
يمكن يكون مستهتر الله اعلم انا ماشوفتش الحادثه بس الطريق عليه نسبة كبيره من الخطأ.