حسبى الله و نعم الوكيل فى منصور و فى كل الى شغالين فيه من اكبر واحد لاصغر واحد
فعلا توكيل قذر وهيفضل طول عمره قذر ..وعمر ما هينصلح حالهم ابدا ..
الكدب و السرقه و الغباء هما الى مسيطرين على عقول الناس هناك
النهارده اتنيلت على دماغى و روحت اعمل صيانه 45 الف للمخروبه
القصه و ما فيها ..
ان كان عندى مشاكل فى العربيه و معرفتش اوصل لحل مع العالم دى ...
اشتكيت للشركه الام ..وكلمنى واحد من جينرال موتورز ايجيب اسمه استاذ امير فارس وا لراجل كان محترم
وقالى روح فرع العامريه (للاسطى سامى) وهو يعمل الى انت عاوزه
وروحت و عملو شويه حاجات و الباقى معرفوش وقلت مااااااااااااااااشى
من ضمن الحاجات الى اتعلمت "خرط الطنابير فى الضمان عشان فيها ريجه حاااااده"
خرطوها و الريجه راحت
وغيرت طقم تيل ادام وورا ..(على حسابى سعرهم 1000 جنيه)
والمصيبه بعد كده الفرامل بقت ضعيفه و مش "بتلم العربيه"
فضلت منفض لحد ما جيت امبارح قلت لا انا لازم اشوف حل بقى ...
روحت النهارده وقلتلهم
شغلو شغل الغباء وطلعو جرب ..
يرزع رجله ع البنزين ..ويرزع الفرامل و يقولى اهى بتفرمل اهو ...(ده الاسطى سامى وعارف انى من طرف امير بتاع جنرال موتورز)
قلتله لا الفرمله دى ضعيفه وانا الى راكب وعارف
ركب مهندس (ملوش فيها) يجرب مش عارف يسوق اصلا و كان هيموتنا ييجى 100 مره ..وقالى مفيهاش حاجه ..
رجعت قلتلهم انا مش هستلم عربيه بالمنظر ده ..
لقيت سامى ده بيقولى ده اخرنا و لو مش عاجب روح لامير الى باعتك !!!
قلتله نعم يا روح ...
وبصراحه مسحت بكرمته الارض
جه المهندس يهبل فى الكلام ..مسحت بكرامه الى خلفوه الارض ..
وقلتلهم لو العربيه متصلحتش فى الضمان ...
هقدم شكوى للشركه الام وهكتب فيها اسم كل """" فيكم ...
و لو معملوش حاجه هشتكى لحمايه المستهلك ..
ولو معملوش حاجه
يكفينى شرفا انى مسحت بكرامتكو الارض و محدش فيكو قدر ينطق بكلمه
قالولى طيب اهدى و بتاع (بدأو يكشو بقى ...)
اطلع لمدير الورشه
طلعت قالى معلش و مش معلش ..
بكره جايلى مهندس هشام من جينيرال موتورز و انا هحكيله الى حصل و هخليه يوافق على 4 طنابير فى الضمان ..
و لو موافقش هبعت اجيبلك موافقه من الشركه الام ..(الله اعلم بيفتى ولا لا ...)

نيجى بقى للمهم و نسيبنا من قله الادب بتاعى دى
الفرمله ضعفت بعد خرط الطنابير ...
انا بقول و ناس اكدت كلامى ..ان الطنابير اتاكل منها بزياده ...فسمكها قل ...عشاتن كده الفرمله ضعفت ...
صح ولا انا غلطان ..؟؟
انا عاوز اعرف دلوقت ايه الخطوات الى اتبعها لما اتقدم بشكوى لحمايه المستهلك عشان اخد حقى مظبوط ..
عشان كمان عندى مشاكل تانيه كتييييير وناوى اطلع عليهم القديم و الجديد ...
وبأذن الله مش هيب حقى وهاخده تالت و متلت ومربع كمان
والله العظيم انا دمى محروق من ساعتها و مش طايق نفسى ...
هما فالحين بس يركبو العربيات ويطيرو بيها ..
سامى ده طلع يجرب ماشى 160 !!!!
اتخنقت منه قلتله اركن يا عم الحاج و سيبك من العجوه الى بتعملها دى انا لما اكسر فلوسى و انا حر فيها انت تكسر فى بيتكو بقى مش فى عربيتى
بيقولى انا بجرب العربيه هو انت مهندس عشان تفهم ؟؟؟؟
قلتله و هو انت لابس العفريته و عايش دور المهندس ؟؟؟؟؟؟؟؟
عالم زباله و توكيل زباله و نصابين و حراميه ..,وحاجه اخر قرف وقله ادب