بص يا احمد.. لو هانتكلم عن فترات حكم عبد الناصر و السادات هانفرد لهم صفحات و صفحات.. و هاتقول اللي عندك و انا هاقول اللي عندي.. و كل منا له قناعاته.. و انا سبق قلت ان في حاجات ممكن تشفع لعبد الناصر بالرغم من أخطاؤه اللي ودت البلد في داهية.. انما بعد ما نفرد الصفحات الطوال للناقش و السجال و الأخذ و الرد غالبا ماحدش فينا هايقتنع برأي الآخر.. انا بقالي 7 سنوات باشارك في منتديات و عارفة كويس اوي ان الموضوع ده من الحاجات اللي ماحدش فيها بيخرج من النقاش مقتنع برأي الطرف الآخر.. طبعا ده لو ما خرجوش متخانقين.. فبلاش منه احسن.. انما انا اللي ضايقني انك بتقول على السادات انه كان بيشرب الخمر بشراهة و ما كانش بيصوم رمضان.. طبعا غير ان ده يعتبر نقد غير موضوعي لرئيس دولة سابق و بيفكرني بالصحافة الصفراء لما تحط حد في دماغها.. انما عموما ما ينفعش حد يقول على حد كده الا لو كان عنده دليل.