جنيه واحد بس
تروح عند بتاع الكاوتش وتقله ابرة بلف
واما تطلعك وتسيب عربيتها
تجيب الابرة وتخللى الكاوتش على الجنط تذكار ليها
عالم واطية
عرض للطباعة
جنيه واحد بس
تروح عند بتاع الكاوتش وتقله ابرة بلف
واما تطلعك وتسيب عربيتها
تجيب الابرة وتخللى الكاوتش على الجنط تذكار ليها
عالم واطية
لا دا فى موقف حصلى من كام يوم كنت فى المطار والبارك كان زحمه جدا فلاقيت واحد داخل عربيته وماشى قوت تمام فستنيته على بال ميدلع شويه وكانت فى عربيه واقفه ورايا فأول مخرجت العربيه الى كانت راكنه فوجئت بالعربيه الى ورايا طالعه بسرعه علشان تاخد المكان (تخيلو أنتو بقى قمه قله الذوق) راح خلانى أطلع طلعه جامده علشان الحق المكان بس الموقف انا شايف أنه غريب وأن الناس بدأت تبقى فيها نوع من الجليطه والاستفزاز
موقف زى دا حصلى مره... واحده قفلت عليا وانا بزور خالتى ونزلت فكلمت بنت خالتى لانها عارفه صاحبه العربيه المهم قالت دقيقه ونازله كانت ساكنه فى نفس العماره ودقيقه تعدى و 5 و10 و 15 دقيقه لحد ما تنزل والاخر بصتلى بقرف كدا وقالتلى مش عارف تطلع من الحته دى ؟؟... قلتلها لأ مش عارف وكان نفسي اشوط فيها بس للاسف والدتى كانت معايا يومها....
لو كنت اعرف كنت عملت بنصيحتك قبلها وحطيت اعصابى فى الثلاجه ههههههههههههه
الواحد يفكر ألف مرة قبل النزول من البيت
الناس فكرها مشغول دلوقتي ومش لاقيين كتب خارجية !!!!!!!
التلاجة بتاعتي باظت من ساعة ما ركبت عربيات....
والله كنت هااااااادي قبل كدة وعندي ثبات انفعالي...
إييييييه.....
الواحد يحكي إيه ولا إيه؟؟
بمناسبة الستات الباردة..
مرة كنت رايح الشغل الصبح وبقالي تلت ساعة بلف المنطقة كلها علشان أركن وخلاص الخصم حينزل علي بسبب التأخير... :policeman:
لقيت واحدة ست كبيرة وشكلها محترمة بتركب عربيتها.. قمت وقفت مستنيها تطلع علشان أركن...
فضلت تتحرك ببرووووووووووود ساعة تفتح الباب و ساعة تركب و ساعة تشيل الشماسة وتقعد تلف فيها وتحطها على الكنبة الورانية... وفييييين دورت العربية... :majd(2):
قلت الحمد لله.... وكل ده وأنا واقف في عرض الشارع قدامها وشايفاني وعارفة اني مستنيها...
قامت الأمورة ايه بقى؟؟؟
حضرتها بتسخن العربية -مع انها عربية جديدة-... معلش ... قلت ماشي.... حقها برضه...
وانا صابر...
قامت فتحت الجرنال وقعدت تقرأ !!! :eek4:
كل ده وانا لسه صابر قلت جايز مش واخده بالها!!!
قمت اديت كلاكس صغنن جداً علشان تبصلي فأسألها اذا كانت خارجة ولا مستنية حد..
مبصتش... قلت يمكن مسمعتش... اديت كمان كلكس صغنن...
برضه مبصتش ... قلت يمكن سمعها تقيل ولا مركزة في الجرنال... قمت نزلت ورحتلها وبابتسامة عرييييضة وبمنتهى الذوق سألتها حضرتك خارجة ولا مستنية شوية؟؟
الهانم المحترمة بصت حوليها كأنها بتقول الصوت ده جاي منين؟ وبعدين قالتلي ببرود الدنيا هو انت كنت بتزمرلي أنا؟؟ هو دي طريقة؟؟ -كأني كنت بشتمها- وحسستني إني غلط في مقامها العالي..
وراحت باصة في الجرنال وقالت بقرف مش خارجة دلوقت..
طبعاً الدم طلع في نافوخي ومعرفت أرد عليها لأني كنت لغاية اللحظة دي باعاملها باحترام...
رحت راكن صف تاني جنبها و طلعت ختمت ورجعتلها وقعدت في العربية لغاية ما مشيت وركنت مكانها..
أتاريها بتضايق من شركتنا علشان بنزحم الشارع بالعربيات وكانت بتغلس علي متعمدة!!!! :120146b
مرات البواب كانت شايفة الموقف و شايفاني وانا دمي محروق وقعدت تحاول تواسيني بس اليوم كله فضل دمي محروق... مش بس علشان غلاستها.. بس علشان معرفتش أرد عليها...
منها لله
انا عارف ان المواقف كتيرة ومحدش اعتقد فينا محصلوش على الاقل موقف او اتنين على الاقل لانها اذمت سلوكيات .. واذمة غياب نظام .. وفي المقام الاول غياب التربية والواعذ الديني ..
مقدرش اقول اكتر من ان كل واحد فينا يبدا بنفسة ويحاول بقدر الامكان ميعملش السلوكيات الخاطئة دية .. ونحاول بقدر الامكان ننشر الثقافة دي وسط اللي حولينا .. وربنا يهدينا
:10_1_102v[2]:
عالم تشل