اخيرا البي امايه وصلت ارض الجراج الحمد لله

**party_0000** · 23-09-2010 03:19 PM

السلام عليكم ورحمه الله وبركاته
يارجاله انا بعد لف سنه والتدوير في كل مكان في العالم على عربيه بي ام تكون كويسه نزلت امبارح توكيل
البافاريه واشتريت الجميله 320 كسر زيرو 2010 عامله 4400 كيلو لونها فيراني

انا اول مره اسوق بي ام او بمعنى اصح اول مره اسوق الماني انا كان معايا ياباني بس بصراحه فرق الالماني يستاهل العربيه لنل هعمل تقرير بسيط عنها علشان انا سافرت وسبتها بس هحاول اكمله ان شاءالله

نبدا باللون : الفيراني لون الفار بالظبط وبيدي لمعه بانهار على موف شويه
الاوبشنز: العربيه طبعا فيها نظام الاي درايف الجديد يعني السوفتوير الجديد بتتحكم فيه بالعربيه كلها وفيه تلفزيون و دي في دي وهارد ديسك 12.5 جيجا
الكراسي الامامايه كهرباء مع ذاكره للكرسي بتاع السائق
العربيه فيها وصله AUX , usb وجاي معاها تليفون نوكيا
فيها مثبت سرعه وحساس مطر وفوج لايت وانوار في الاوكر وعتب بي ام
ستاره حلفيه بالكهرباء

انا تعليقي على الصالون انه ينقصه حاجه مهمه غريبه انها مش موجوده وهيا ال cup holder او حامل اكواب

العربيه فيها فتيس اوتو ستينترونيك وموتور 2000 سي سي بقدره 156 حصان
العربيه من اول مره طعت بها لاحظت انها قريبه من الارض وقعدتها مريحه جدا وتقيله يعني ثبات افصل

صوت الموتور يحسسك ان في وحش جوه الكابوت وفعلا لما تقرص عليها تلاقي اسد بيجري

انا سقتها 100 كيلو بس نظرا لظروف سفري بس بصراحه عاشت بي ام وانا في شوق للرجوع اليها في اول اجازه ان شاء الله

معلش على التقرير السريع بس ان شاء الله هكمله اول اماركبها اكثر وربنا يكفينا ويكفيكم شر الطريق

والسلام عليكم ورحمه الله وبركاته

**HISHAM80** · 23-09-2010 03:31 PM

Mabrooooooooooooooook

**TheBuccaneer** · 23-09-2010 03:33 PM

ألف مبروك. وربنا يبارك لك فيها و يعطيك خيرها و يكفيك شرها و شر الطريق!

**kamalsalem** · 23-09-2010 03:36 PM

الف الف مبروك يا باشا وربنا يديك خيرها ويكفيك شرها

**Mostafa.Mahran** · 23-09-2010 03:37 PM

الف مبروك و ربنا يحفظك

**Amr Hussain** · 23-09-2010 03:52 PM

Congratulation

**MNabeih** · 23-09-2010 04:06 PM

الف الف مبروك يا باشا وربنا يديك خيرها ويكفيك شرها. ما شاء الله لا قوة الا بالله ال بي ام, بي ام.

**yehia** · 23-09-2010 04:08 PM

ألف مبروك يا باشا وربنا يرزقك خيرها ويكفيك شرها ...

بس فيه نقطة أنا مستغربلها .. إزاي ما فيش حامل أكواب في العربية ؟!

ده الـ 318 القديمة من غير آي درايف وال 316 الجديدة الاكسلوسيف فيهم حامل أكواب أمامي يبقى ازاي الـ 320 ما فيهاش؟

صحيح يا باشا ماشفتش هناك في البافارية 318 القديمة من غير آي درايف؟

**yascro** · 23-09-2010 04:12 PM

1000000000000000000
مبروك

**fares515** · 23-09-2010 04:52 PM

ألف مبروك ياباشا وانا هحصلك قريب ان شاء الله بس هو حضرتك ايه رايك في كسر الزيرو وهل الفرق في السعر بينها وبين الزيرو يستاهل لاني مخي رايح ناحيه الزيرو أضمن.. والفيراني أجمل ولا السيلفر وسؤال أخير ايه رأي حضرتك هي أجمد ولا السي250أفانتجارد
موديلات2011 أخبارها ايه؟
وربنا يرزقك خيرها ويكفيك شرها

الموضوع: اخيرا البي امايه وصلت ارض الجراج الحمد لله

LinkBack

أدوات الموضوع

عرض

-

-

-

-

المواضيع المتشابهه

اخيرا وصلت لمنافس الـ V-Kool

اخيرا... شماسة نايل موتورز وصلت ليا

اخيرا وصلت

اخيرا وصلت قطع غيار الكالينا

النيو واجا وصلت اخيرا !!

الكلمات الدلالية لهذا الموضوع

المفضلات

المفضلات

ضوابط المشاركة