بخصوص الساجا استشارة

**sayed911** · 23-09-2010 03:51 PM

السلام عليكم ورحمة الله وبركاته

اخواني انا عارف اني تاعب حضراتكم بكثرة اسئلتي ولكن انا حاسس اني انا فعلا نحس انا مغير حتى الآن 3 سيارات وبعد ما رسيت على البروتون الساجا اتفقت مع المعرض وسئلتهم هل يمكن يطلع وثيقة التقسيط بإسم بنك ابو ظبي عشان انا بقسط معاهم عربية تانية فا مش ها يبقى عندهم استعلام ولا اجراءات والناس هناك محترمة جدا فوجئت انه من رمضان حى الآن التلاعب بي لأ استنى شوية لأ مش عارف ايه وهكذا في النهاية رسينا على تغيير البنك وانا اقتنعت وتم التحويل لبنك الـ cib ومش عايز اقول كم المشاكل اللي حصلت بيني وبينهم كل 3 دقايق اتصال من شخص غريب هوة حضرتك بتشترى عربية تانية ليه طيب هوة حضرتك ها تأجر الثانية واخيرا فوجئت بموظف بيخبط علينا الساعة 7.30 صباحا مجرد للتأكد من اني ساكن في العنوان ده وفي النهاية انا عارف انو دي اجراءات ولا بعد منها ولكن لم نتفق في عدد كبير من الأشياء وفي النهاية حولت الى البنك العربي الوطني وبرضوا القصة منفعتش وفي النهاية قوت اغير القصة كلها واخلع من المعرض وآسف للفظ (اخلع) لأنو المعرض ده لناس قرايبي ولكن انا قولت اطلع بأي حجة وبعد
والنهاردة قولت انا مليش غير التوكيل عشان اشترى دماغي
لفيت على 4757483 رقم لعز العرب لقسم المبيعات كل وجميع ارقامهم يا اما مرفوعة من الخدمة يا اما فاكس حتى الدليل ذات نفسوا مش عارفهلم نمرة ولكن انا جبتها من موقع بروتون مصر الا وهي
22706155
وإتصلت لأسئل عن سعر الساجا الأوتوماتيك وكان العرض كالتالي 69900 فسئلت هل بنك ابو ظبي العربي للتنمية مسجل عندهم فكان الرد بالإيجاب ولكن لما سئلت امتى اقدر استلم عرض السعر عشان اقدمو للبنك فكان بيقولي من اسبوع لـ 15 يوم عشان تستلم بس انا برضوا مفهمتش ولما سئلتوا مفيش فكرة الإستلام الفوري كان الرد لأ طيب يا جماعة محدش عندوا فكرة لعز العرب لو انا عايز استلم في خلال اسبوع مثلا ده اقصة حاجة عندي وكيفية آخذ عرض السعر والإجراءات اللي المفروض امشي فيها ايه بالضبط ؟؟

**sayed911** · 23-09-2010 11:27 PM

وايضا للأسف نسيت يا جماعة انو اقولكم على حاجة غريبة واشد غرابة انا لما سئلت الأستاذ في التلفون الأشد غرابة قالي انهم مش بيعرضوا منتجات بروتون في المعرض هناك فقط جيب وستروين ودودج وبروتون دي بنت البطة السوداء (بهزر طبعا) قالي انه لا يوجد مساحة كافية ولكن المفروض اللي جاي عارف هوة شافها قبل كده ولا لأ ولكن بجد مش عارف انا عايز التوكيل الرسمي لبروتون اللي معروضة فيه الساجا بشكل رسمي ويكون تابع لعز العرب والف شكر يا جماعة ومتأسف جدا للإزعاج ....

**ramyar** · 23-09-2010 11:32 PM

يا فندم كلم الاستاذ محسن صالح مباشره وهوا مدير المبيعات وده الي هيفيدك ولو عايز تتفرج علي العربيه حتلاقيها في عز العرب العجوزه الي قبل شارع نوال وكمان هتلاقيها منوره في كارفور

**spiderloking** · 23-09-2010 11:56 PM

العربيه انا جبتها من المصريه للسيارات اللي في المعادي مكنتش موجوده انا من اوائل الناس اللي اشتروها تقريبا فطلبتها و جابوهالي اتفرجت عليها و اشتريتها الحمد لله و دخلوني تبع بنك بلوم مصر و مرتاح معاهم و الحمد لله

**sayed911** · 24-09-2010 01:31 AM

يا فندم كلم الاستاذ محسن صالح مباشره وهوا مدير المبيعات وده الي هيفيدك ولو عايز تتفرج علي العربيه حتلاقيها في عز العرب العجوزه الي قبل شارع نوال وكمان هتلاقيها منوره في كارفور

انا متشكر قوي يا استاذ رامي على المعلومات المفيدة جدا دي ولكن اذا امكنك ان تثري معلوماتي ببعض الأسئلة اكون شاكرا لك كيف يمكنني الإتصال بالأستاذ محسن صالح ؟؟؟
ولكن انا كان سؤال همة عز العرب بيستعروا من العربية وخايفين يعرضوها في مدينة نصر ليه عشان كده انا مستغرب جدا ولكن سؤال آخر هوة مش اللي في العجوزة ده مجرد صيانة ولا كمان فيه مبيعات ؟؟ ومتشكر جدا جا جدا يا استاذ رامي وآسف جدا لإزعاج حضرتك

العربيه انا جبتها من المصريه للسيارات اللي في المعادي مكنتش موجوده انا من اوائل الناس اللي اشتروها تقريبا فطلبتها و جابوهالي اتفرجت عليها و اشتريتها الحمد لله و دخلوني تبع بنك بلوم مصر و مرتاح معاهم و الحمد لله

بصراحة انا بعد اللف على عدد المعارض دي كلها انا اقتنعت انو الشئ اللي لازم اركز عليه 200% هوة التوكيل فقط واي معرض الميزة الوحيدة اللي ها تبقى عنده هوة التسليم الفوري فقـــــــــــــــــــــــ ـــــــط لا غير واي حاجة تانية لا يوجد .. وكمان عايز اقول لحضرتك انا فوجئت كمان من شوية انو بنك القاهرة كان مالي التلفزيون اعلانات طول شهر رمضان عن قرض السيارة لما سئلت انهاردة اكتشفت فعلا انه بيقدم السعر بفائدة كويسة جدا جدا جدا ( بالمقارنة مع البنوك الأخرى) وفترة سداد تصل الى 5 سنين بدون التأثير بالسعر الفلكي على باقي المبلغ وشكرا جدا جدا جدا لك اخي وتحياتي لك واشكرك على تجاوبك معنا ..

**ramyar** · 24-09-2010 02:06 AM

المشاركة الأصلية كتبت بواسطة sayed911

انا متشكر قوي يا استاذ رامي على المعلومات المفيدة جدا دي ولكن اذا امكنك ان تثري معلوماتي ببعض الأسئلة اكون شاكرا لك كيف يمكنني الإتصال بالأستاذ محسن صالح ؟؟؟ 0105119209
علي فكره استاذ محسن من اعظم الشخصيات في عز العرب كلمه وهوا هيفهمك كل حاجه
ولكن انا كان سؤال همة عز العرب بيستعروا من العربية وخايفين يعرضوها في مدينة نصر ليه عشان كده انا مستغرب جدا ولكن سؤال آخر هوة مش اللي في العجوزة ده مجرد صيانة ولا كمان فيه مبيعات الي في البلون ده صيانه الي قبل شارع نوال وبعد نزله الكوبري مباشره معرض عز العرب بروتون وستروين ؟؟ ومتشكر جدا جا جدا يا استاذ رامي وآسف جدا لإزعاج حضرتك

**sayed911** · 24-09-2010 02:14 AM

انا عاجز عن الشكر للمعروف الكبير اللي حضرتك قدمتهولي يا استاذ رامي وبصراحة انا الآول كنت بقول اكلم استاذ محسن رئيس المبيعات مجرد عشان انا عايز اشترى سيارة هه وكنت مستكبر الموضوع جدا ولكن واضح انه هوة اللي عارف كل شئ بيتم ازاي ومتشكر جدا جدا جدا جدا جدا جدا على تعب حضرتك معايا وشاكر لحضرتك جزيل الشكر يا استاذ رامي وبالتوفيق ..

**ramyar** · 24-09-2010 02:32 AM

لما تكلمه قوله انك من نايل موتورز واساله عن الخصم بتاع نايل موتورز وان شاء الله عيعمل معاك الواجب واي حاجه كلنا هنا عشان نخدم ونساعد بعض

**sayed911** · 24-09-2010 07:34 PM

والله يا استاذ رامي انا مستنى النهاردة رد البنك او بكرة بالكتير عشان اعرف بعد الإستعلام عني ها يوافقوا اني اقدم ورقي للتوكيل ولا اغير بالبنك تاني وها اكلم الأستاذ محسن في خلال يومين او ثلاثة ولكن انا كنت عارف انو مادام العربية اصلا عليها العرض فأنا لسة عارف من حضرتك انو كمان ليا خصم اني تابع لنايل موتورز انا كنت فاكروا العرض خلص ولكن ان شاء الله لما اكلمه ها اقولوا على الخصم ان شاء الله والف شكر مرة اخرى يا استاذ رامي وصدقني حضرتك كفيت ووفيت فعلا

**ramyar** · 24-09-2010 08:49 PM

كلنا تحت امرك وكلنا هنا بنساعد بعض كل سنه وحضرتك بخير واهلا بيك في جمهوريه بروتون

الموضوع: بخصوص الساجا استشارة

LinkBack

أدوات الموضوع

عرض

بخصوص الساجا استشارة - انشر الموضوع فى :

-

-

-

-

-

-

-

-

-

المواضيع المتشابهه

سؤال بخصوص الساجا

بخصوص رافع الساجا (الكريكو)

سؤال بخصوص الساجا

مساعد بخصوص الساجا

سؤالين بخصوص الساجا الأوتوماتيك

الكلمات الدلالية لهذا الموضوع

المفضلات

المفضلات

ضوابط المشاركة